Yanga vs Singida BS Leo 22/05/2026 Saa Ngapi? Ratiba, Uwanja na Viingilio

Yanga vs Singida BS Leo 22/05/2026 Saa Ngapi? Ratiba, Uwanja na Viingilio

Kikosi cha Yanga SC leo kitashuka dimbani kuendelea na kibarua cha kutetea ubingwa wake wa Ligi Kuu Tanzania Bara, kitakapokutana na Singida Black Stars katika mchezo wa NBC Premier League msimu wa 2025/2026. Mchezo huo utapigwa leo Ijumaa, Mei 22, 2026, kuanzia saa 10:00 jioni katika Uwanja wa KMC Complex, Dar es Salaam.

Yanga inaingia kwenye mchezo huu ikihitaji pointi tatu ili kuendelea kujiimarisha kileleni mwa msimamo, huku Singida BS nayo ikisaka ushindi muhimu wa kulinda nafasi yake ya nne na kuendelea kupambania nafasi za juu kwenye ligi.

Muhtasari wa Mchezo

Yanga vs Singida BS leo saa ngapi?

Mechi ya Yanga vs Singida BS leo itaanza saa 10:00 jioni. Hii ni moja ya mechi muhimu za Ligi Kuu Bara kwa siku ya leo, hasa kwa sababu inahusisha timu zinazopambana kubaki kwenye nafasi za juu za msimamo.

Yanga inaingia kwenye mchezo huu ikiwa na presha ya kuendelea kukaa kileleni na kufukuzana na Simba, wakati Singida BS inahitaji matokeo mazuri ili kuendelea kulinda nafasi yake ya nne.

Mechi itachezwa uwanja gani?

Mchezo wa Yanga vs Singida BS utachezwa katika Uwanja wa KMC Complex jijini Dar es Salaam.

Kwa mashabiki wanaotaka kufuatilia mchezo huu uwanjani, taarifa ya viingilio iliyotolewa inaonyesha kuwa VIP ni Sh 20,000 na Mzunguko ni Sh 10,000.

Nafasi za timu kwenye msimamo

Kabla ya mechi za jana, Yanga ilikuwa kileleni mwa msimamo wa Ligi Kuu Bara ikiwa na pointi 54 baada ya kucheza mechi 23. Katika mechi hizo, Yanga imeshinda 16, imetoka sare sita na kupoteza mchezo mmoja.

Ushindi dhidi ya Singida BS leo utaifanya Yanga kuendelea kujiimarisha kileleni katika mbio za ubingwa.

Kocha wa Yanga, Abdihamid Moalin, amesema wanajua ugumu wa mchezo huo lakini wanahitaji pointi tatu.

“Haitakuwa mechi rahisi, lakini tupo tayari kwa ushindani kuhakikisha tunavuna pointi tatu, pia tunahitaji nguvu ya mashabiki kuja kutusapoti kwa wingi ili kutupa motisha zaidi.”

Kwa upande wa Singida Black Stars, timu hiyo ilikuwa nafasi ya nne kabla ya mechi za jana ikiwa imecheza mechi 23, imeshinda 11, sare tano na kupoteza saba, ikikusanya pointi 38.

Endapo Singida BS itaifunga Yanga leo, itafikisha pointi 41 na kuendelea kubaki kwenye nafasi hiyo ya nne.

Singida BS yapambana kulinda nafasi ya nne

Kocha wa Singida BS, Muhibu Kanu, amesema mchezo dhidi ya Yanga una umuhimu mkubwa kwa sababu unahusisha nafasi kwenye msimamo.

“Tangu nakabidhiwa timu nilisema tunahitaji kupata nafasi ya kucheza michuano ya CAF, hivyo tunahitaji ushindi ili kuendelea kulinda nafasi ya nne tuliyopo na ikibidi kuipambania ya tatu. Lakini pia mechi ya Mei 5 tulifungwa na Yanga kwa mabao 3-0, hivyo hatutataka kuendeleza kipigo hicho.”

Kauli hiyo inaonyesha namna Singida BS inavyochukulia mchezo huu kama nafasi ya kurekebisha matokeo ya awali dhidi ya Yanga na kuongeza nguvu kwenye mbio za nafasi za juu.

Wachezaji wa kuangalia

Mabeki wa Singida BS watakuwa na kazi kubwa ya kuwazuia washambuliaji na viungo wa Yanga ambao wamekuwa na mchango mkubwa kwenye mabao.

Prince Dube ana mabao tisa na asisti tatu, huku Pacome Zouzoua akiwa na mabao saba na asisti nne. Mudathir Yahya ana mabao saba, wakati Allan Okello naye ana mabao saba na asisti saba.

Nyota hao ndio waliokuwa sehemu ya ushindi wa Yanga dhidi ya Singida BS katika mchezo wa Mei 5, ambapo Yanga ilishinda mabao 3-0. Katika mchezo huo, Dube alifunga dakika ya 39, Okello akafunga kwa penalti dakika ya 45, na Mudathir akafunga dakika ya 55.

Kwa upande wa Yanga, safu ya ulinzi inayoongozwa na kipa Djigui Diarra, mwenye clean sheets 13, itakuwa na jukumu la kuwadhibiti wachezaji wa Singida BS.

Miongoni mwa nyota wa Singida BS wanaotajwa ni mshambuliaji Mossi Ndumumwe mwenye mabao manane, beki Ibrahim Imoro mwenye mabao matatu na asisti nne, pamoja na kiungo Emmanuel Keyekeh mwenye mabao matatu.

Ratiba nyingine ya Ligi Kuu leo

Mbali na Yanga vs Singida BS, ratiba ya leo pia ina mchezo mwingine wa Ligi Kuu Bara kati ya Azam FC na Tanzania Prisons.

Mchezo huo utachezwa saa 12:30 jioni katika Uwanja wa Azam Complex, Dar es Salaam. Azam FC ipo nafasi ya tatu ikiwa na pointi 46 baada ya mechi 23, wakati Tanzania Prisons ipo kwenye presha ya kupambana kujiondoa kwenye hatari ya kushuka daraja ikiwa na pointi 17.

Mapendekezo ya Mhariri:

1. Ratiba ya NBC Premier League Leo Mei 22, 2026
2. Matokeo ya Simba vs Coastal Union Leo 21/05/2026
3. Coastal Union vs Simba Leo 21/05/2026 Saa Ngapi? Ratiba, Uwanja na Viingilio
4. Msimamo wa Ligi Kuu NBC Leo Mei 21, 2026
5. Dewji Aweka Bilioni 1 Mezani Simba Ikibeba Mataji Mawili
6. Kikosi Cha Ivory Coast Kombe La Dunia 2026