Kikosi Cha Ivory Coast Kombe La Dunia 2026

Kikosi Cha Ivory Coast Kombe La Dunia 2026

Ivory Coast imetangaza kikosi chake cha wachezaji 26 kwa ajili ya Kombe la Dunia 2026, huku jina la mshambuliaji Wilfried Zaha likikosekana kwenye orodha ya mwisho ya kocha Emerse Fae.

Kikosi cha Ivory Coast Kombe la Dunia 2026 kina wachezaji kadhaa wanaocheza au waliowahi kucheza Ligi Kuu England, akiwemo Amad Diallo wa Manchester United, Emmanuel Agbadou wa Wolverhampton Wanderers, Ibrahim Sangare wa Nottingham Forest na Evann Guessand wa Aston Villa.

Muhtasari wa Kikosi cha Ivory Coast Kombe la Dunia 2026

Zaha Akosekana Kwenye Orodha ya Mwisho

Wilfried Zaha, mwenye umri wa miaka 33, hajajumuishwa kwenye kikosi cha mwisho cha Ivory Coast kuelekea Kombe la Dunia 2026.

Zaha, ambaye aliwahi kuitumikia Crystal Palace, alikuwemo kwenye kikosi cha Ivory Coast cha AFCON 2025 mapema msimu huu. Kwa sasa yupo Charlotte FC kwa mkopo kutoka Galatasaray, lakini hajapata nafasi kwenye kikosi cha mwisho cha Kombe la Dunia.

Pia, beki mkongwe Willy Boly wa Nottingham Forest na mshambuliaji wa zamani wa West Ham, Sebastien Haller, hawapo kwenye kikosi cha mwisho. Haller, aliyefunga bao la ushindi kwenye fainali ya AFCON 2024, ametajwa miongoni mwa wachezaji watano wa akiba.

Wachezaji wa Premier League Waliomo

Kocha Emerse Fae amewajumuisha wachezaji wanne wanaotoka klabu za Premier League kwenye kikosi chake.

Majina hayo ni Emmanuel Agbadou wa Wolves, Ibrahim Sangare wa Nottingham Forest, Amad Diallo wa Manchester United na Evann Guessand wa Aston Villa.

Pia wachezaji wenye uzoefu wa soka la England kama Seko Fofana, Jean-Michael Seri, Simon Adingra na Nicolas Pepe wamejumuishwa kwenye kikosi hicho.

Nicolas Pepe na Ange-Yoan Bonny Wajumuishwa

Nicolas Pepe, mwenye umri wa miaka 30, amerudi kwenye kikosi cha Ivory Coast baada ya kuachwa na Fae kwenye AFCON, ambako Ivory Coast ilikuwa ikitetea ubingwa wake lakini ikaishia hatua ya robo fainali.

Mshambuliaji Ange-Yoan Bonny wa Inter Milan naye ameitwa. Bonny, mwenye umri wa miaka 22, alikamilisha mabadiliko ya uraia wiki iliyopita baada ya kuiwakilisha Ufaransa kwenye timu ya vijana chini ya miaka 21.

Bonny anafuata njia kama ya Elye Wahi, ambaye alipata mechi yake ya kwanza ya kimataifa mwezi Machi kwenye ushindi wa 1-0 dhidi ya Scotland.

Ivory Coast Group E Kombe la Dunia 2026

Ivory Coast ipo Group E katika Kombe la Dunia 2026. Hii itakuwa mara ya nne kwa taifa hilo kushiriki fainali za Kombe la Dunia.

Ivory Coast itaanza kampeni yake tarehe 14 Juni dhidi ya Ecuador, kabla ya kukutana na Germany na Curacao, ambayo itakuwa ikicheza Kombe la Dunia kwa mara ya kwanza.

Mashindano hayo yatafanyika Marekani, Canada na Mexico kuanzia tarehe 11 Juni hadi 19 Julai.

Kikosi Kamili cha Ivory Coast Kombe la Dunia 2026

Makipa

Yahia Fofana – Rizespor
Mohamed Kone – Charleroi
Alban Lafont – Panathinaikos

Mabeki

• Emmanuel Agbadou – Wolverhampton Wanderers
• Clement Akpa – AJ Auxerre
• Ousmane Diomande – Sporting
• Guela Doue – Racing Strasbourg
• Ghislain Konan – Gil Vicente
• Odilon Kossonou – Atalanta
• Evan Ndicka – AS Roma
• Wilfried Singo – Galatasaray

Viungo

• Seko Fofana – Stade Rennais
• Parfait Guiagon – Charleroi
• Franck Kessie – Al Ahli
• Christ Oulai – Trabzonspor
• Ibrahim Sangare – Nottingham Forest
• Jean-Michael Seri – NK Maribor

Washambuliaji

• Simon Adingra – AS Monaco
• Ange-Yoan Bonny – Inter Milan
• Amad Diallo – Manchester United
• Oumar Diakite – Cercle Brugge
• Yan Diomande – RB Leipzig
• Evann Guessand – Aston Villa
• Nicolas Pepe – Villarreal
• Bazoumana Toure – Hoffenheim
• Elye Wahi – Nice

Mapendekezo ya Mhariri:

1. Kundi la Tanzania Kufuzu AFCON 2027
2. Makundi Kufuzu AFCON 2027: Tanzania Yapangwa na Nigeria Kundi L
3. Ratiba ya Kombe la Dunia 2026: Mechi Zote, Tarehe, Viwanja na Makundi
4. Timu Za Afrika Zilizofuzu Kombe la Dunia 2026 na Nafasi Zao Kwenye Michuano
5. CAF Kufanya Droo ya Kufuzu AFCON 2027 Leo Jumanne Mei 19, 2026