Viingilio Mechi ya Simba VS Yanga 03/05/2026
Baada ya pazia la Kariakoo Derby ya fainali ya Mapinduzi Cup kushuka kwa drama ya mikwaju ya penalti iliyoshuhudia Simba ikiibuka na ushindi, macho ya mashabiki sasa yanaelekezwa kwenye pambano jingine kubwa la Ligi Kuu ya NBC Tanzania Bara.
Safari hii, Yanga SC wanarejea uwanjani wakiwa na shauku ya kujibu mapigo, huku Simba wakiwa na dhamira ya kuendeleza ubabe wao. Mchezo huo unatarajiwa kuchezwa katika Uwanja wa Meja Jenerali Isamuhyo, Dar es Salaam, Jumapili ya tarehe 03 Mei 2026, ukiwa ni miongoni mwa mechi zinazotarajiwa kuvuta hisia za mashabiki wengi nchini.
Viingilio Mechi ya Simba VS Yanga 03/05/2026
Klabu ya Simba imetangaza rasmi viingilio vya mchezo huo, ikigawa tiketi katika madaraja matatu ili kuruhusu mashabiki wa rika mbalimbali kupata nafasi ya kushuhudia pambano hilo kubwa.
Bei za tiketi ni kama ifuatavyo:
- Mzunguko – Tsh 15,000
- VIP B – Tsh 30,000
- VIP A – Tsh 50,000
Mpangilio huu wa bei umezingatia upatikanaji wa mashabiki wengi zaidi, huku ukilenga kutoa fursa kwa kila shabiki kuhudhuria bila vikwazo vikubwa vya gharama.
Muda wa Mchezo na Mahali
Kariakoo Derby hii itapigwa kuanzia saa 12:00 jioni katika Uwanja wa Meja Jenerali Isamuhyo, ambapo Simba watakuwa wenyeji wakiwakaribisha wapinzani wao wakubwa, Yanga SC.
Kauli Rasmi Kutoka Simba
Akizungumza na waandishi wa habari Mei 1, 2026, Meneja wa Habari na Mawasiliano wa Simba, Ahmed Ally, alithibitisha kuanza rasmi kwa mauzo ya tiketi na kutoa wito kwa mashabiki kuchukua hatua mapema.
Alisema:
“Hatujataka kuweka viingilio vya juu sana ili kumpa nafasi kila Mwanasimba kuingia uwanjani. Kwa uwezo wa Uwanja wa Meja Jenerali Isamuhyo, tungeweza kuweka viingilio vikubwa, lakini tumezingatia kuweka viwango rafiki.”
Kauli hiyo inaonyesha wazi dhamira ya klabu kuhakikisha mashabiki wengi wanapata nafasi ya kushuhudia mchezo huo mkubwa bila kubanwa na gharama.
Mapendekezo ya Mhariri:
