Timu zilizofuzu Hatua ya 16 Bora Euro 2024 | Timu zilizofuzu hatua ya mtoano Mashindo ya EURO 2024
Baada ya wiki kadhaa za soka la kiwango cha kimataifa, hatua ya makundi ya michuano ya Euro 2024 imefikia tamati yake mjini Munich, Ujerumani. Timu 24 zilianza safari hii ya kusaka taji la Ulaya, zikichuana vikali katika makundi sita kwenye majiji 10 tofauti. Lakini sasa, ni timu 16 pekee zilizojipatia tiketi ya kuingia kwenye hatua ya 16 bora, hatua ambayo ndoto za mataji huanza kuchukua sura halisi.
Michuano hii ilianza kwa ushindani mkubwa tarehe 14 Juni, ambapo mashabiki walishuhudia jumla ya mechi 32 zilizojaa vionjo na mbinu za hali ya juu. Nyavu zilitikiswa mara 74, zikiwa ni wastani wa mabao 2.31 kwa kila mchezo. Nyota kadhaa waliibuka na kuweka majina yao kwenye kinyang’anyiro cha mfungaji bora, akiwemo Georges Mikautadze wa Georgia aliyefunga mabao matatu. Lakini sasa, macho yote yanaelekezwa kwenye hatua ya 16 bora, ambapo kila goli litakuwa na uzito mkubwa zaidi.
Nani ataibuka kidedea na kuvaa viatu vya mabingwa watetezi Italia ambao wameshindwa kutetea ubingwa wao? Ni timu gani zitakazozidi kung’ara na kuacha alama kwenye historia ya soka la bingwa wa Ulaya? Maswali haya na mengine mengi yatajibiwa katika siku zijazo, tunapoelekea kwenye kilele cha michuano hii mikubwa zaidi barani Ulaya.
Timu zilizofuzu Hatua ya 16 Bora Euro 2024
| Sn | Timu Zilizofuzu |
| 1 | Ujerumani |
| 2 | Uhispania |
| 3 | Ureno |
| 4 | Uswisi |
| 5 | Italia |
| 6 | Uingereza |
| 7 | Austria |
| 8 | Ufaransa |
| 9 | Uholanzi |
| 10 | Denmaki |
| 11 | Slovenia |
| 12 | Romania |
| 13 | Ubelgiji |
| 14 | Slovakia |
| 15 | Uturuki |
| 16 | Georgia |
Mapendekezo ya Mhariri:
