Msimamo wa Ligi Kuu ya NBC Baada ya Mechi za Leo Mei 13, 2026

Msimamo wa Ligi Kuu ya NBC Baada ya Mechi za Leo Mei 13, 2026

Mbio za kumsaka bingwa wa Ligi Kuu ya NBC msimu wa 2025/2026 zinaendelea leo Mei 13 ambapo michezo miwili inatarajiwa kupigwa, huku Yanga SC wakishuka ugenini dhidi ya Dodoma Jiji katika Uwanja wa Airtel saa 10:15 jioni.

Kabla ya michezo ya leo, Yanga wanaongoza msimamo wakiwa na pointi 54 baada ya kucheza mechi 22. Simba wapo nafasi ya pili kwa pointi 49, huku Azam wakishika nafasi ya tatu wakiwa na pointi 43.

Mchezo wa Dodoma Jiji dhidi ya Yanga unabeba uzito mkubwa kwenye msimamo. Yanga wanahitaji ushindi ili kuendelea kujiweka vizuri kwenye mbio za ubingwa, wakati Dodoma Jiji wanaingia wakiwa nafasi ya nane kwa pointi 29 na wanahitaji alama tatu ili kufikisha pointi 32 na kupanda hadi nafasi ya saba.

Mapema saa 8:00 mchana, Mbeya City watakuwa nyumbani katika Uwanja wa Sokoine wakiwakaribisha Coastal Union. Mbeya City wanaingia kwenye mchezo huo wakiwa na pointi 21, huku Coastal Union wakiwa na pointi 22.

Msimamo wa Ligi Kuu ya NBC Kabla ya Mechi za Leo

Yanga Wanaongoza Msimamo Kabla ya Mechi za Leo

Yanga wanaendelea kushikilia nafasi ya kwanza kwenye msimamo wa Ligi Kuu ya NBC wakiwa hawajapoteza mchezo wowote kati ya mechi 22 walizocheza. Wameshinda mechi 16 na kutoka sare sita, wakifunga mabao 50 na kuruhusu mabao matano pekee.

Simba wanafuatia nafasi ya pili wakiwa na pointi 49 baada ya kushinda mechi 14, kutoka sare saba na kupoteza mchezo mmoja. Azam wapo nafasi ya tatu kwa pointi 43, huku Singida BS wakishika nafasi ya nne kwa pointi 38.

JKT Tanzania wapo nafasi ya tano kwa pointi 36, TRA United wanashika nafasi ya sita kwa pointi 34, wakati Pamba Jiji wapo nafasi ya saba wakiwa na pointi 30.

Dodoma Jiji Wana Kibarua Kizito Dhidi ya Yanga

Dodoma Jiji wanaingia kwenye mchezo wa leo wakitafuta ushindi ambao unaweza kuwapeleka hadi nafasi ya saba. Hata hivyo, wanakutana na Yanga ambao chanzo kinaonyesha hawajawahi kupata sare wala kupoteza katika mechi 11 za ligi walizokutana na Dodoma.

Yanga wanakwenda kwenye mchezo huo chini ya kocha wa muda Abdihamid Moalin, ambaye atakuwa anaiongoza timu hiyo kwenye mchezo wake wa pili wa Ligi Kuu Bara. Moalin amesema Dodoma ni timu inayohitaji kuheshimiwa licha ya rekodi nzuri ya Yanga dhidi yao.

“Utakumbuka kwenye mchezo wa kwanza tukiwa nyumbani walianza kutufunga lakini tulikuwa imara tukasawazisha na kushinda, Dodoma ni timu nzuri hutakiwi kwenda kukutana nayo ukiona kama itakuwa mechi rahisi,” amesema Moalin.

Kocha huyo ameongeza kuwa Yanga wanahitaji kucheza kwa ubora mkubwa kwa sababu hawataki kuangusha pointi katika kipindi hiki cha msimu.

“Tunataka kucheza kwa ubora mkubwa, wakati kama huu sio salama sana kuangusha pointi, hatutaki kitu kama hicho kitokee, tumesafiri na wachezaji wote muhimu na wako sawasawa, tupo tayari kwa mchezo.”

Kwa upande wa kikosi, Yanga wanapata nguvu ya kurejea kwa kiungo Mudathir Yahaya aliyemaliza adhabu ya kusimamishwa mechi tatu, pamoja na beki wa kushoto Mohammed Hussein ‘Tshabalala’ ambaye alikuwa ameumia akiwa Zanzibar kwenye mechi za Kombe la Muungano.

Wachezaji wa Kuangaliwa Kwenye Dodoma Jiji dhidi ya Yanga

Dodoma Jiji watatakiwa kuwa makini na mshambuliaji Prince Dube, ambaye ndiye kinara wa mabao ndani ya kikosi cha Yanga akiwa na mabao tisa. Pia, kiungo Allan Okello amekuwa mhimili muhimu kwenye kutengeneza nafasi, akiwa na pasi saba za mwisho.

Kwa upande wa Dodoma Jiji, mshambuliaji William Edgar ndiye kinara wa mabao kikosini hapo akiwa na mabao sita. Edgar pia ndiye aliyefunga dhidi ya Yanga katika mchezo uliopita baina ya timu hizo, ambapo Yanga walishinda mabao 3-1.

Kocha wa Dodoma Jiji, Amani Josiah, amesema wanajua wanakutana na timu yenye wachezaji bora, lakini wanataka kutumia makosa ya wapinzani wao kutafuta pointi.

“Tunakwenda kwenye mchezo mgumu, mara ya mwisho tulipokutana kwao, tuliwabana vizuri lakini baadaye tulipopata bao kina makosa tulitafanya yakatugharimu na kupoteza mchezo, Yanga ni wazuri wana wachezaji wenye uzoefu lakini haina maana kwamba haifanyi makosa, tutakwenda kutumia makosa yao,” amesema Josiah.

Mapendekezo ya Mhariri:

1. Matokeo Ya Yanga vs Dodoma Jiji Leo 13/052026
2. Msimamo wa EPL Leo 10/05/2026 Ligi Kuu ya Uingereza
3. Msimamo wa Ligi Kuu Ya NBC 10 Mei 2026 Baada ya Mechi za Leo
4. Matokeo ya Simba VS Tanzania Prisons Leo 10/05/2026
5. Washindi wa Tuzo Za BMT 2026