Matokeo Kidato cha Nne 2024 Yanatoka Lini? (NECTA Results)

Matokeo Kidato cha Nne 2024 Yanatoka Lini? (NECTA Results)

Mtihani wa Kitaifa wa kidato cha nne ni miongoni mwa mitihani yenye uzito mkubwa katika elimu ya Tanzania kutokana na umuhimu wake katika kuamua mwenendo wa mwanafunzi baada ya kumaliza elimu ya sekondari.

Matokeo ya mtihani huu hutumika kama kipimo cha kukidhi vigezo vya kujiunga na kidato cha tano, kujiunga na kozi za stashahada, au kufungua fursa nyinginezo za kitaaluma na kiufundi kwa wahitimu.

Mtihani wa Kidato cha Nne, unaojulikana rasmi kama Certificate of Secondary Education Examination (CSEE), hufanyika kila mwaka katika wiki ya kwanza ya Novemba. Hii ni hatua ya mwisho kwa wanafunzi waliokamilisha miaka minne ya elimu ya sekondari.

Katika mtihani huu, wanafunzi wanapimwa kwa ujuzi na maarifa waliyojifunza shuleni ili kuangalia uwezo wao wa kutumia maarifa hayo katika changamoto za kijamii, kisiasa, kiuchumi, na kiteknolojia.

Malengo ya Mtihani wa Kidato cha Nne

Malengo makuu ya CSEE ni pamoja na:

1. Kupima ujuzi na maarifa: Kubaini kiwango cha uelewa wa masomo mbalimbali waliyojifunza.
2. Kuendeleza maendeleo binafsi na ya kitaifa: Kutathmini uwezo wa mwanafunzi kutumia ujuzi alioupata kutatua changamoto za maisha.
3. Kuchuja wanafunzi wenye sifa za kusonga mbele: Kutambua wale wenye uwezo wa kuendelea na elimu ya sekondari ya juu (kidato cha tano na sita) au kujiunga na taasisi za mafunzo ya ufundi na stashahada.

Matokeo Kidato cha Nne 2024 Yanatoka Lini?

Baraza la Mitihani la Tanzania (NECTA) limetangaza kuwa mkutano wa waandishi wa habari kuhusu matokeo ya Kidato cha Nne kwa mwaka 2024 utafanyika tarehe 23 Januari, 2025. Mkutano huo utaanza saa 11:00 alfajiri (5:00 asubuhi) katika ofisi za Baraza la Mitihani la Tanzania, Dar es Salaam. Wananchi wanahimizwa kufuatilia matangazo hayo kupitia YouTube kwenye akaunti rasmi ya “Nectaonline.”

Rekodi za Kutangazwa Matokeo ya Kidato cha Nne kwa Miaka ya Nyuma

• 2023: Matokeo yalitangazwa Alhamisi, Januari 25, 2024.
• 2022: Matokeo yalitangazwa Jumapili, Januari 29, 2023.
• 2021: Matokeo yalitangazwa Jumamosi, Januari 15, 2022.
• 2020: Matokeo yalitangazwa Ijumaa, Januari 15, 2021.

Mkutano huu unatarajiwa kutoa taarifa rasmi kuhusu matokeo ya mwaka 2024 na mipango muhimu ya kitaaluma kwa wahitimu. Hii ni hatua muhimu kwa wale wanaosubiri maelekezo zaidi kuhusu elimu ya sekondari au vyuo vya kati.

Kutokana na mwenendo huu, kuna uwezekano mkubwa wa matokeo ya kidato cha nne 2024 kutangazwa kati ya wiki ya pili na ya nne ya Januari 2025. Wanafunzi na wazazi wanashauriwa kufuatilia tovuti rasmi ya NECTA (www.necta.go.tz) kwa taarifa za uhakika

Mapendekezo ya Mhariri:

1. Jinsi ya Kuangalia Matokeo ya Kidato Cha Nne 2024
2. Shule Walizopangiwa Darasa la Saba 2025
3. Matokeo ya Darasa la Nne 2024/2025 (NECTA Standard Four Results)
4. NECTA Matokeo ya Kidato Cha Pili 2024 (Form Two Results)
5. Majina ya Wanafunzi na Shule Walizopangiwa Kidato cha Kwanza 2025
6. Jinsi ya Kuangalia Matokeo ya Kidato Cha Pili 2024
7. Majina ya Waliochaguliwa Kidato cha Kwanza 2025
8. Matokeo ya Darasa la Nne 2024 Mkoa wa Shinyanga