Guardiola Atoa Mapya Kuhusu Mustakabali Wake Man City

Guardiola Atoa Mapya Kuhusu Mustakabali Wake Man City

Kocha mkuu wa Manchester City, Pep Guardiola, amezungumzia mustakabali wake ndani ya klabu hiyo huku kukiwa na tetesi zinazomhusisha na nafasi ya ukocha wa timu ya taifa ya Uingereza.

Mkataba wa sasa wa Guardiola (54) na mabingwa hao wa Ligi Kuu unamalizika mwishoni mwa msimu huu, baada ya kuongeza mkataba wake mwaka 2022. Kuondoka kwa Txiki Begiristain, Mkurugenzi wa Soka wa muda mrefu Etihad, ambaye ni rafiki wa karibu wa Guardiola, kumeongeza maswali kuhusu iwapo kocha huyo ataendelea kubaki klabuni hapo.

Huku kukiwa na uwezekano wa nafasi ya ukocha wa Uingereza kuwa wazi, Guardiola ameulizwa kuhusu mipango yake ya baadae. Akizungumza na kipindi cha televisheni cha Italia, Che Tempo Che Fa, Guardiola alikiri kuwa bado hajafikiria mustakabali wake na kusisitiza kuwa bado ana kazi ya kufanya Manchester City.

“Sijahitimisha kazi yangu Manchester City, bado sijafikiria [mustakabali wangu],” Guardiola aliiambia Che Tempo Che Fa.

Aliongeza, “Si kweli kwamba nitakuwa kocha wa Uingereza. Sijaamua chochote bado, kama ningekuwa nimeamua mustakabali wangu Manchester City ningesema, chochote kinaweza kutokea maishani.”

Viongozi wa Manchester City wanatarajiwa kufanya kila wawezalo kumbakisha Guardiola klabuni hapo hata baada ya mkataba wake kumalizika.

Hata hivyo, kuna mambo kadhaa yanayoweza kuathiri uamuzi wake, ikiwemo Kombe la Dunia la Klabu la FIFA la mwaka 2025 nchini Marekani. Ujio wa Mkurugenzi mpya wa Soka, Hugo Viana, kutoka Sporting CP, pia unaweza kuwa na ushawishi kwa Guardiola, kwani huenda wakataka kujenga mustakabali wa timu pamoja.

Mapendekezo ya Mhariri:

1. Yanga Yataja Siri ya Ushindi Kwenye Dabi dhidi ya Simba
2. Fountain Gate Yaahidi Ushindi Dhidi ya KMC Oktoba 20
3. Che Malone Awataka Wachezaji wenzake Kua Makini Kwenye Mechi ya Watani Jumamosi
4. Washindi wa Tuzo za Ligi Kuu Ya NBC 2024/2025 Mwezi Septemba
5. Viingilio Mechi ya Simba VS Yanga 19/10/2024
6. Fadlu Aanza Mikwara Kuelekea Dabi ya Kariakoo
7. Max Nzengeli: “Hakuna Dabi Rahisi Duniani Kote”
8. Ratiba ya NBC Championship Tanzania 2024/2025