Simba Vs Al Ahly Tripoli Leo – Saa Ngapi Mechi Inaanza?
Katika mechi ya kimataifa ya kufuzu hatua ya makundi ya Kombe la Shirikisho Afrika (CAF Confederation Cup), Simba SC leo wanatarajia kuchuana vikali na Al Ahly Tripoli ya Libya kwenye mchezo wa mkondo wa kwanza. Simba inacheza dhidi ya Al Ahly Tripoli katika uwanja wa Tripoli, Libya, mechi ambayo inasubiriwa na mashabiki wengi kutokana na historia nzuri ya Simba katika mashindano ya kimataifa.
Simba Inakutana na Al Ahly Tripoli: Mechi ya Kombe la Shirikisho Afrika CAF
Simba SC imeonyesha uwezo mkubwa katika michuano ya kimataifa kwa miaka kadhaa, ikiwa ni miongoni mwa timu bora barani Afrika. Katika msimu huu wa 2024/2025, Simba SC imedhihirisha ubora wake kwenye Ligi Kuu ya NBC Tanzania kwa kuanza msimu kwa kishindo, ikiwa haijapoteza mchezo wowote, na imekusanya alama zote sita kwenye mechi mbili walizocheza.
Wachezaji wapya kama vile Jean Charles Ahoua na Debora Fernandes Mavambo wameleta nguvu mpya kikosini, na wamekuwa na mchango mkubwa kwenye mabao yaliyofungwa na timu hiyo.
Jean Charles amehusika kwenye mabao matatu, akifunga moja na kutoa pasi mbili za mabao (assists), huku kipa mpya Moussa Camara akiwa na clean sheets mbili mfululizo kwenye mechi za ligi. Simba inaamini kwamba maboresho ya kikosi chake yatasaidia kupata matokeo mazuri ugenini na kumaliza kazi katika mechi ya marudiano jijini Dar es Salaam.
Saa Ngapi Mechi ya Simba na Al Ahly Tripoli Leo Inaanza?
Kwa mujibu wa ratiba ya mchezo huo, mechi itaanza saa 2:00 usiku kwa saa za Tanzania (Tanzanian Standard Time – EAT), leo. Mashabiki wa Simba SC na wapenda soka kwa ujumla wanatarajiwa kufuatilia kwa ukaribu mechi hiyo muhimu, ikizingatiwa kuwa ni hatua ya kwanza katika kufuzu kwa hatua ya makundi ya Kombe la Shirikisho Afrika.
Mechi ya marudiano itachezwa Septemba 22, 2024, katika Uwanja wa Benjamin Mkapa, jijini Dar es Salaam. Mshindi wa jumla wa mechi hizi mbili ataingia moja kwa moja katika hatua ya makundi ya Kombe la Shirikisho Afrika.
FUATILIA
- Kikosi cha Simba vs Al Ahly Tripoli Leo – Kombe la Shirikisho AFrika CAF
- Matokeo ya Al Ahly Tripoli Vs Simba Leo 15 September 2024
Je, Simba Ina Uwezo wa Kufanya Vyema?
Timu ya Simba inajivunia uzoefu wa michuano ya kimataifa, ikiwa imefika robo fainali ya michuano ya kimataifa mara tano kati ya 2018 hadi 2024. Hii ni pamoja na mara nne kwenye Ligi ya Mabingwa Afrika na mara moja kwenye Kombe la Shirikisho. Katika michuano hii, Simba inaendelea kuonesha kwamba ni timu yenye nguvu na uwezo wa kupambana na timu yoyote barani Afrika.
Beki wa kulia wa Simba, Shomari Kapombe, ameweka wazi kuwa kikosi hicho kina hamasa kubwa ya kushinda michuano ya kimataifa, akisema: “Wachezaji tunapenda mechi za kimataifa, na hata Wanasimba pia wanapenda. Hivyo, tupo tayari kuhakikisha tunafanya vizuri na kuepuka makosa.”
Kapombe, ambaye ameichezea Simba tangu mwaka 2017, anaamini kwamba kikosi cha msimu huu kina wachezaji wenye ari na nguvu, na kwamba usajili wa wachezaji wapya umeongeza ushindani kikosini. Wachezaji wapya, pamoja na uzoefu wa wachezaji wa zamani kama Kapombe, wanatoa matumaini makubwa ya timu hiyo kufanya vizuri zaidi kuliko misimu iliyopita.
Mapendekezo ya Mhariri:
