Mshahara Wa Clatous Chama Yanga 2024/2025 ( Pesa Anayolipwa Chama Yanga Sc)
Klabu ya Yanga, kongwe na maarufu nchini Tanzania, imemfungulia milango kiungo mahiri Mzambia, Clatous Chota Chama, kuwa nyota wa kwanza kung’ara katika kikosi chao kuelekea msimu wa 2024/2025. Uhamisho huu umewashangaza wengi, kwani Chama alikuwa nguzo muhimu katika mafanikio ya watani zao wa jadi, Simba SC.
Chama, mwenye umri wa miaka 33, si jina geni katika soka la Afrika. Amekuwa mchezaji tegemeo katika timu ya taifa ya Zambia tangu mwaka 2015, akiacha alama yake katika michuano mbalimbali. Safari yake ya soka imejaa visa na mikasa, kuanzia kuichezea ZESCO United na Al Ittihad ya Misri, hadi kujiunga na Lusaka Dynamos kabla ya kutua Simba SC mwaka 2018.
Baada ya kuitumikia Simba kwa vipindi viwili tofauti, akiondoka mwaka 2021 kwenda RS Berkane ya Morocco na kurejea tena 2022, Chama sasa anaanza sura mpya katika maisha yake ya soka Jangwani. Uhamisho huu unaacha maswali mengi kuhusu mshahara wake mpya Yanga, na jinsi utakavyoathiri ushindani katika ligi kuu ya Tanzania msimu wa 2024/2025.
Mshahara Wa Clatous Chama Yanga 2024/2025
Mshahara wa Clatous Chama ndani ya Yanga kwa msimu wa 2024/2025 umekuwa gumzo kubwa miongoni mwa mashabiki na wadau wa soka. Ingawa klabu haijatoa taarifa rasmi, inakadiriwa kuwa kiungo huyu mahiri atakuwa akipokea mshahara wa takriban shilingi milioni 30 za Kitanzania kwa mwezi. Hii inamfanya kuwa mchezaji wa pili anayelipwa pesa nyingi zaidi Yanga, akimfuatia Aziz Ki.
Kiasi hiki cha mshahara kinaashiria imani kubwa ambayo Yanga inayo kwa Chama Clatous na uwezo wake wa kuleta mabadiliko makubwa katika klabu hiyo. Aidha, inaonesha ushindani mkubwa wa soko la usajili nchini Tanzania, ambapo klabu zinapaswa kutoa dau kubwa ili kuvutia wachezaji wenye vipaji vya hali ya juu wenye uwezo wa kuimarisha vikosi.
Mapendekezo Yas Mhariri:
