Matokeo ya Kidato cha Nne 2024 Yatangazwa: Watahiniwa 477,262 Wafaulu
Baraza la Mitihani Tanzania (NECTA) leo tarehe 23 Januari 2024 limetangaza matokeo ya mtihani wa kitaifa wa kuhitimu elimu ya sekondari, maarufu kama mtihani wa Kidato cha Nne, uliofanyika kuanzia tarehe 11 Novemba 2024 hadi 29 Novemba 2024.
Katika matokeo hayo, watahiniwa 477,262 kati ya jumla ya watahiniwa 516,695 wenye matokeo wametangazwa kufaulu kwa kupata madaraja ya I, II, III na IV. Kwa mujibu wa NECTA, kiwango cha ufaulu kimepanda kwa asilimia 3 ikilinganishwa na mwaka 2023, ambapo ufaulu wa jumla umefikia asilimia 92.37 kutoka asilimia 89.36.
Ongezeko la Ubora wa Ufaulu
Baraza la Mitihani limeeleza kuwa idadi ya watahiniwa waliopata madaraja ya juu, yaani madaraja ya I, II na III, imeongezeka kwa kiasi kikubwa. Kwa mwaka 2024, watahiniwa 221,953 sawa na asilimia 43 wamepata madaraja hayo, ikilinganishwa na mwaka 2023 ambapo idadi ilikuwa 197,426 sawa na asilimia 37.4. Aidha, idadi ya watahiniwa waliopata daraja la IV na daraja la sifuri imepungua, jambo ambalo linaonesha kupanda kwa ubora wa ufaulu kwa asilimia 5.6.
Ulinganifu wa Ufaulu Kati ya Wasichana na Wavulana
Katika matokeo haya, wasichana 249,078 wamefaulu, sawa na asilimia 52 ya watahiniwa wote waliofaulu, huku wavulana wakiwa 228,184, sawa na asilimia 48. Hata hivyo, NECTA imeeleza kuwa katika ubora wa ufaulu kwa madaraja ya I-III, wavulana wamefanya vizuri zaidi kwa asilimia 54 ikilinganishwa na asilimia 46 ya wasichana.
Hii inaonyesha kuwa, licha ya wasichana kuwa wengi miongoni mwa waliofaulu, wavulana wameonyesha ubora wa juu zaidi katika madaraja ya juu ya ufaulu.
Kuangalia Matokeo ya Kidato cha Nne 2024
Baraza la Mitihani limeweka viungo mbalimbali kwa ajili ya watahiniwa na wadau wa elimu kupata matokeo ya shule zao. Matokeo haya yamepangiliwa kulingana na herufi za mwanzo za majina ya shule. Watahiniwa wanaweza kuangalia matokeo ya shule zao kupitia viungo maalum vilivyowekwa hapa chini:
Angalia Matokeo ya Kidato cha Nne Kupitia Viungo hapa chini
Angalia hapa Taarifa zaidi kuhusu Matokeoya kidato cha nne 2024
Mapendekezo ya Mhariri:
