Tuzo za PFA: Timu Bora ya Ligi Kuu ya Uingereza 2023/2024 Yatajwa
Baada ya msimu wa 2023/2024 wa Ligi Kuu ya Uingereza kumalizika, PFA (Chama cha Wanasoka wa Kulipwa) imewatangaza wachezaji waliounda Timu Bora ya Mwaka, huku Manchester City na Arsenal zikitawala orodha hiyo. Tuzo hii, inayoheshimika sana katika ulimwengu wa soka, hutolewa kwa wachezaji walioonesha viwango vya juu zaidi kwa msimu mzima, kwa mujibu wa kura za wachezaji wenzao.
Wachezaji Walioachwa Katika Kikosi Bora cha EPL 2023/24
Licha ya mchango wao mkubwa, wachezaji maarufu kama Mohamed Salah wa Liverpool na Cole Palmer wa Chelsea hawakupata nafasi katika kikosi hiki. Salah, ambaye alifunga mabao 18 kwenye Ligi Kuu msimu huu, alikosa nafasi katika safu ya washambuliaji, akipitwa na Phil Foden wa Manchester City, Erling Haaland, na Ollie Watkins wa Aston Villa. Hii ni mara ya nne kwa Salah kukosa kutajwa katika kikosi hiki, licha ya kuwa alishawahi kuwa sehemu ya kikosi bora mara tatu awali.
Kwa upande wa Palmer, ingawa hakuingia katika kikosi bora, aliibuka mshindi wa tuzo ya Mchezaji Bora Chipukizi wa Mwaka wa PFA baada ya msimu wa kuvutia na Chelsea, akifunga mabao 22 katika msimu wake wa kwanza Stamford Bridge. Hata hivyo, nafasi yake kwenye kikosi bora ilichukuliwa na wachezaji waliotoa mchango mkubwa katika timu zao.
Timu Bora ya Ligi Kuu ya Uingereza 2023/2024
Kikosi bora cha PFA kwa msimu wa 2023/2024 kimejumuisha wachezaji wanaotamba kutoka klabu za Arsenal na Manchester City, huku Liverpool ikiwakilishwa na beki tegemeo Virgil van Dijk pekee. Golikipa wa Arsenal, David Raya, alipewa nafasi ya kusimama langoni baada ya kuonesha uwezo mkubwa msimu mzima.
Katika safu ya ulinzi, Kyle Walker wa Manchester City, William Saliba na Gabriel Magalhaes wa Arsenal, pamoja na Virgil van Dijk wa Liverpool, walichaguliwa kuwa walinzi bora. Kati ya viungo, Rodri wa Manchester City, Martin Odegaard na Declan Rice wa Arsenal waliteuliwa kutokana na umahiri wao wa kusawazisha na kuongoza mchezo.
Safu ya ushambuliaji iliwajumuisha Phil Foden wa Manchester City, ambaye pia alitwaa tuzo ya Mchezaji Bora wa Mwaka wa PFA, Erling Haaland wa Manchester City, ambaye alifunga mabao 27 msimu huu, na Ollie Watkins wa Aston Villa, aliyefunga mabao 19.
Kikosi bora cha EPL 2023/2024
- Mlinda Mlango: David Raya (Arsenal)
- Mabeki: Kyle Walker (Man City), William Saliba (Arsenal), Gabriel (Arsenal), Virgil van Dijk (Liverpool)
- Viungo: Rodri (Man City), Declan Rice (Arsenal), Martin Odegaard (Arsenal)
- Washambuliaji: Phil Foden (Man City), Erling Haaland (Man City), and Ollie Watkins (Aston Villa).
Mapendekezo ya Mhariri:
