Matokeo Yanga VS Azam Leo Fainali Ngao ya Jamii 2024

Contents hide

1 Matokeo Yanga VS Azam Leo Fainali Ngao ya Jamii 2024

Matokeo Yanga VS Azam Leo Fainali Ngao ya Jamii 2024 | Matokeo ya Yanga Vs Azam Leo 11/08/2024

Leo ndio leo, Fainali ya michuano ya Ngao ya jamii 2024 imewadia na mabingwa wa ligi kuu Tanzania Yanga sc watapambana vikali na wana rambaramba Azam Fc katika uwanja wa benjamin mkapa katika mtanange wa kumtafuta bingwa wa michuano ya Ngao ya jamii. Mechio hii itaanza saa moja usiku na inategemewa kuwa yenye ushindani mkali na soka la kuvutia.

Mtanange huu wa Ngao ya Jamii sio tu pambano la kawaida, bali ni mchezo wenye historia na hisia kali. Ni zaidi ya mechi ya ufunguzi wa msimu; ni mechi ya kisasi, ubabe, na utemi katika ulimwengu wa soka nchini Tanzania.

Yanga na Azam zimekutana mara nne kwenye Ngao ya Jamii, Yanga ikishinda mara tatu, na Azam mara moja tu – kwa penalti miaka minane iliyopita. Azam itaingia uwanjani ikiwa na kumbukumbu ya ushindi wao wa mwisho dhidi ya Yanga katika fainali ya Kombe la Shirikisho, na watataka kulipa kisasi cha kupoteza kwa penalti katika Ngao ya Jamii mwaka 2016.

Yanga, kwa upande wao, watataka kuendeleza ubabe wao dhidi ya Azam na pia kulipa kisasi cha kupoteza mchezo wa mwisho wa Ligi Kuu Bara dhidi ya Azam kwa mabao 2-1. Majeraha ya wachezaji muhimu kama Yao Kouassi na Pacome Zouzoua, yaliyotokana na mchezo huo, yaliathiri ushiriki wao katika Ligi ya Mabingwa Afrika, na Yanga haitasahau hilo kirahisi.

Pambano hili litakuwa pia ni vita ya mastaa wa soka Tanzania. Mashabiki watashuhudia upinzani mkali kati ya Aziz KI na Fei Toto, James Akaminko dhidi ya Khalid Aucho, na wengine wengi. Makipa Diarra Djigui wa Yanga na Mohamed Mustafa wa Azam watakuwa na kazi kubwa ya kuzuia michomo ya washambuliaji hatari kama Aziz KI, Clement Mzize, Gjibril Sillah, na Fei Toto.