Kalenda ya Matukio Msimu wa 2024-2025: Bodi ya Mpira wa Miguu Tanzania (TFF) imetangaza rasmi kalenda ya matukio kwa msimu wa 2024-2025, ikiashiria mwanzo wa michuano mbalimbali ya soka nchini. Kalenda hii inatoa muongozo kuhusu tarehe muhimu za kuanza kwa Ligi Kuu Tanzania Bara, mashindano ya Kombe la Shirikisho (ASFC), Ngao ya Jamii, na michuano mingineyo.
Tangazo hili limekuja wakati ambapo klabu mbalimbali za soka nchini zinajiandaa kwa msimu mpya, zikiwa zimeweka kambi za mazoezi ndani na nje ya nchi. Wadau wa soka, wakiwemo mashabiki, wachambuzi, na waandishi wa habari, wana hamu kubwa ya kuona jinsi msimu huu utakavyokuwa, hasa baada ya msimu uliopita uliokuwa na ushindani mkali.
Kalenda hii ya matukio si muhimu kwa wachezaji na makocha tu, bali pia kwa mashabiki, wadhamini, na vyombo vya habari. Inasaidia katika kupanga ratiba za matangazo ya televisheni, mauzo ya tiketi, na shughuli nyingine zinazohusiana na soka. Aidha, inatoa fursa kwa wadau wa soka kujiandaa mapema kwa matukio muhimu, na hivyo kuhakikisha kuwa msimu huu unakuwa wa mafanikio makubwa.
Matukio Muhimu Katika Kalenda ya Matukio Msimu wa 2024-2025
Kalenda ya matukio ya msimu wa 2024-2025 ya TFF imejaa taarifa za matukio muhimu ya soka nchini Tanzania yatakayotia rangi msimu ujao wa 2024/2025. Baadhi ya matukio muhimu katika kalenda ya soka Tanzania ni pamoja na:
TFF Community Shield (8-11 Agosti 2024)
Hii ni mechi itakayofungua pazia la msimu mpya wa soka Tanzania, ambapo bingwa wa Ligi Kuu Tanzania Bara Yanga Sc atakutana na bingwa wa Kombe la Shirikisho (CRDB Bank Federation Cup).
NBC Premier League na NBC Championship (Kuanzia 16 Agosti 2024)
Ligi Kuu Tanzania Bara na Ligi Daraja la Kwanza zitaanza rasmi tarehe 16 Agosti, huku timu mbalimbali zikichuana vikali kuwania ubingwa na nafasi za kupanda daraja.
First League (Kuanzia 23 Novemba 2024)
Ligi Daraja la Pili itaanza baadaye kidogo, ambapo timu zitapigania nafasi ya kupanda daraja la kwanza.
Dirisha la Usajili (18 Desemba 2024 – 31 Desemba 2024)
Klabu zitakuwa na fursa ya kuimarisha vikosi vyao kwa kusajili wachezaji wapya katika kipindi hiki cha usajili wa dirisha dogo.
Mapinduzi Cup (1-13 Januari 2025): Mashindano haya ya kirafiki yatafanyika Zanzibar, ambapo timu mbalimbali zitashiriki, zikiwemo timu za Ligi Kuu Tanzania Bara.
Kombe la Shirikisho la Benki ya CRDB (CRDB Federation Cup)
Mashindano haya ya kombe la shirikisho la CRDB Bank yataanza ngazi ya mikoa mnamo Septemba 11, 2024 na kuendelea hadi fainali itakayopigwa Mei 31, 2025.
CAF Interclub Competitions
Timu za Simba SC na Young Africans zitawakilisha Tanzania katika mashindano ya kimataifa ya CAF Champions League na CAF Confederation Cup. Ratiba kamili ya mechi zao itatangazwa na CAF.
Picha za Kalenda ya Matukio Msimu wa 2024-2025
Kalenda ya Matukio Msimu wa 2024-2025 Download Pdf
Kwa taarifa zaidi na ratiba kamili ya matukio yote ya soka nchini Tanzania kwa msimu wa 2024-2025, pakua kalenda rasmi ya matukio.
Bofya Hapo kupakua Kalenda ya Matukio Msimu wa 2024-2025
Mapendekeo ya Mhariri:
