TPLB Yaahirisha Simba Vs JKT Kutokana Na Ajali Ya Wachezaji

TPLB Yaahirisha Simba Vs JKT Kutokana Na Ajali Ya Wachezaji

Bodi ya Ligi Kuu Tanzania Bara (TPLB) imeamua kuahirisha mchezo namba 79 kati ya Simba SC na JKT Tanzania uliopangwa kufanyika leo tarehe 31/20/2024 katika Uwanja wa KMC Complex, Mwenge, Dar es Salaam.

Maamuzi haya yanatokana na ajali iliyowahusisha wachezaji, benchi la ufundi, na baadhi ya viongozi wa JKT Tanzania, ambapo walipata majeraha wakiwa njiani kutoka Dodoma baada ya kushiriki mechi dhidi ya Dodoma Jiji.

Sababu za Kuahirisha Mechi Hii

Karim Boimanda, Ofisa Habari wa Bodi ya Ligi, alithibitisha kuwa mchezo huo umeahirishwa baada ya kupokea ombi rasmi kutoka kwa uongozi wa JKT Tanzania. Ombi hilo lililenga kutoa nafasi kwa timu hiyo kujipanga upya na kushughulikia hali ya kiafya ya wachezaji waliojeruhiwa katika ajali hiyo.

“Kwa niaba ya Bodi ya Ligi, tunawapa pole sana wachezaji na benchi la ufundi wa JKT Tanzania. Tunawaombea uponyaji wa haraka ili waweze kurejea na kuendelea na msimu huu wa ligi,” alisema Boimanda.

Hali ya wachezaji wa JKT ilipewa kipaumbele na TPLB kwa ushirikiano na Kamati ya Tiba ya Shirikisho la Mpira wa Miguu Tanzania (TFF), ambayo ilihakikisha wachezaji wanapata matibabu ya haraka na uchunguzi wa kina.

Ajali hiyo ilitokea maeneo ya Mbweni karibu na Dar es Salaam siku ya Jumamosi alfajiri. Kwa mujibu wa Ofisa Mtendaji Mkuu wa JKT Tanzania, Jemedari Said, basi la timu hiyo liliacha njia na kutumbukia mtaroni baada ya kupata hitilafu, jambo lililosababisha majeraha kwa baadhi ya wachezaji na viongozi wa timu.

Kamati ya Tiba ya TFF ilifanya uchunguzi wa haraka ili kuhakikisha usalama wa wachezaji kabla ya kuendelea na matibabu ya kina. Mwenyekiti wa Kamati hiyo, Dk. Limbanga, aliungana na wataalamu wengine hospitalini kuchunguza hali ya wachezaji walioathirika, na baadhi yao walipangiwa kupigwa picha za X-ray ili kubaini kiwango cha majeraha yao.

Wachezaji Walioumia Katika Ajali

Ajali hii imeathiri wachezaji kadhaa muhimu wa JKT Tanzania, ambao walikuwa wakitegemewa sana na timu katika msimu huu wa ligi. Baadhi ya wachezaji waliopata majeraha ni pamoja na:

• John Bocco
• Danny Lyanga
• Salum Gado
• Gamba Matiko
• Said Ndemla
• Yacoub Suleiman
• Hassan Dilunga
• Maka Edward
• Hassan Kapalata
• Hassan Machezo
• Mohamed Bakari

Hali za wachezaji hawa bado zinafuatiliwa kwa karibu, na timu ya madaktari inahakikisha wanapata huduma bora ya matibabu.

Mechi Nyingine za JKT Tanzania Zinazoathiriwa

Mbali na mchezo huu dhidi ya Simba, Bodi ya Ligi pia imeahirisha mechi namba 89 ambapo JKT Tanzania ilikuwa ikitarajiwa kucheza dhidi ya Namungo FC tarehe 4 Novemba katika Uwanja wa Majaliwa, Ruangwa mkoani Lindi. TPLB imechukua hatua hizi ili kutoa muda wa kutosha kwa JKT Tanzania kufufua ari ya wachezaji wao kabla ya kurejea tena uwanjani.

Mapendekezo ya Mhariri:

1. Tanzania Yafungua Pazia la CHAN Kwa Kihapo Cha 1-0 Dhidi ya Sudan
2. Arsenal Yashindwa Kundamba Nyumbani Mbele ya Liverpool
3. Somalia Imetangaza Kujiondoa Katika Michuano ya CHAN
4. Ratiba ya Mechi za Yanga Ligi Kuu NBC 2024/2025
5. Vita Ya Kukaa Kileleni ya Yanga Vs Singida Kuamuliwa Leo
6. Singida BS VS Young Africans SC Leo 30/10/2024 Saa Ngapi?