Yanga Yafanya ‘Homework’ ya Kutosha, Gamondi Apania Tiketi ya Makundi

Yanga Yafanya ‘Homework’ ya Kutosha, Gamondi Apania Tiketi ya Makundi

Yanga SC inajiandaa kuandika historia nyingine kwenye michuano ya Ligi ya Mabingwa Afrika kwa kufanya maandalizi makubwa kabla ya mchezo wao wa marudiano dhidi ya CBE kutoka Ethiopia. Kocha Miguel Gamondi amethibitisha kuwa kikosi chake kimefanya mazoezi makini, lengo likiwa ni kuhakikisha timu inapata ushindi utakaoipeleka kwenye hatua ya makundi.

Maandalizi Kabambe kwa Ushindi wa Nyumbani

Yanga imepanga kuondoka Dar es Salaam kuelekea Unguja, Zanzibar alhamisi ya tarehe 19 septemba, kwa safari fupi ya saa mbili tu, tayari kwa pambano lao muhimu. Huku ikiwa na faida ya ushindi wa bao 1-0 walioupata ugenini, timu imefanya kazi kubwa kuhakikisha inarekebisha mapungufu yaliyojitokeza katika mchezo wa kwanza na kujihakikishia tiketi ya hatua ya makundi.

Katika siku mbili zilizopita, mazoezi ya kikosi cha Yanga yalikuwa na lengo moja kuu: kufunga mabao. Kocha Gamondi na wasaidizi wake wameweka msisitizo kwa wachezaji kufanya mazoezi ya ufungaji na kuzuia, ili kuimarisha ufanisi wa timu uwanjani.

Washambuliaji Prince Dube, Clement Mzize, na Jean Baleke wameonesha makali yao, kila mmoja akifunga mabao matatu kwenye kila kipindi cha mazoezi, jambo linaloashiria maandalizi mazuri kuelekea mchezo huo muhimu.

Kisaikolojia na Kiufundi: Gamondi na N’dew Wapanga Mipango

Mbali na mazoezi ya uwanjani, Kocha Gamondi na msaidizi wake Mussa N’dew, ambaye ni mshambuliaji wa zamani wa kutisha, wamekuwa na vikao maalum na washambuliaji wa kikosi cha Yanga.

Lengo kuu la vikao hivyo lilikuwa ni kuwajenga kisaikolojia wachezaji ili waweze kuondoa presha na kuingia uwanjani wakiwa na ari ya juu. N’dew, akiwa na uzoefu mkubwa kwenye eneo la ushambuliaji, amechangia sana katika kuwaweka sawa washambuliaji hao.

Katika mazungumzo yake na vyombo vya habari, Gamondi aliweka wazi kuwa anatarajia kuona timu yake inafanya vizuri zaidi kuliko walivyofanya Ethiopia. “Tulistahili kushinda kwa idadi kubwa ya mabao kule Ethiopia, lakini hiyo ndiyo hali ya mchezo wa mpira. Kila mchezaji amejutia makosa yaliyofanyika, na sasa wanataka kujibu mapigo mbele ya mashabiki wetu,” alisema Gamondi.

Mashabiki Wategee Furaha na Pira Murua

Gamondi amewahakikishia mashabiki wa Yanga kuwa mchezo wa marudiano utakuwa wa kuvutia na wenye burudani kubwa. Alisema kuwa viwango vilivyonyeshwa na wachezaji kwenye mazoezi vimempa matumaini makubwa ya kupata matokeo mazuri. Pia alifafanua kuwa timu imejipanga kikamilifu kuhakikisha dakika 90 za nyumbani zinakuwa za furaha kwa mashabiki wake.

Kikosi cha Yanga kinahitaji ushindi au sare ya aina yoyote ili kuweza kufuzu kwenda hatua ya makundi ya Ligi ya Mabingwa Afrika. Hii ni hatua muhimu sana kwa timu, na matumaini ya mashabiki ni kuona Yanga inatinga kwenye hatua hiyo kwa mara nyingine tena.

Gamondi Akitazamia Dakika 90 za Uhakika

Kocha huyo, akiwa na matumaini makubwa baada ya mazoezi ya kufunga mabao, alisisitiza kuwa kila mchezaji amejituma na kufanya kazi kwa bidii ili kuhakikisha wanapata matokeo bora. “Nina uhakika tutakwenda kucheza vizuri sana nyumbani. Mashabiki wetu wanastahili furaha, na tumejipanga kuhakikisha wanapata hilo,” aliongeza.

Huku dakika 90 zikitarajiwa kuwa za kivumbi, Yanga itapambana kuhakikisha inajihakikishia nafasi kwenye hatua ya makundi ya Ligi ya Mabingwa Afrika. Kocha Gamondi ana matumaini makubwa kwamba mazoezi yaliyofanywa na juhudi za timu zitazaa matunda na kuwarudisha wakiwa washindi.

Mapendekezo ya Mhariri:

1. Fadlu Davids Afurahishwa na Ngome ya Ulinzi Simba
2. Zahera Aanza Tambo Baada ya Ushindi wa Kwanza wa Namungo Ligi Kuu
3. Msimamo NBC Premier league 2024/2025 | Ligi Kuu Bara
4. Azam FC Yalenga Ushindi wa Kwanza Ligi Kuu Dhidi ya Simba
5. Gamondi Apania Ushindi Mnono Mechi ya Marudiano Dhidi ya CBE
6. CAF Yaagiza Uchunguzi Dhidi ya Vurugu Walizofanyiwa Simba Libya
7. Ratiba ya Mechi za Leo 18 September 2024