Yanga Princess vs Simba Queens Sc Leo 13/11/2024 Saa ngapi?
BAADA ya Karikoo Dabi ya wanaume iliyopigwa Oktoba 19 mwaka huu katika dimba la Benjamin Mkapa, Dar es Salaam ambapo mabingwa watetezi wa ligi kuu ya wanaume Tanzania Yanga waliibuka kidedea kwa ushindi mwembamba wa bao 1-0 dhidi ya Simba, hatimaye leo mashabiki wa soka watashuhudia dabi ya upande wa wanawake itakayo anza majira ya saa 10:00 jioni. Mechi hii ni muhimu kwa Yanga Princess na Simba Queens, timu ambazo zina ushindani mkubwa na historia ndefu kwenye ligi ya wanawake nchini.
Katika msimu huu wa Ligi Kuu ya Wanawake, timu hizi zimekutana mara moja katika nusu fainali ya Ngao ya Jamii Oktoba 2, ambapo Yanga Princess ilishinda kwa mikwaju ya penalti 4-3 baada ya sare ya 1-1 ndani ya dakika 90. Hata hivyo, Simba Queens inaonekana kuwa na mwendo mzuri zaidi kwenye ligi kwa kushinda mechi zake zote msimu huu, wakati Yanga Princess wakisalia na sare tatu bila ushindi.
Mapendekezo ya Mhariri:
