Viingilio Mechi ya Kagera Sugar Vs Yanga Leo 29/08/2024 | Bei ya Tiketi Mechi ya Yanga Vs Kagera Sugar Leo
Leo tarehe 29 Agosti 2024, mashabiki wa soka nchini watashuhudia mtanange mkali kati ya Kagera Sugar na Yanga SC, mechi itakayofanyika katika Uwanja wa Kaitaba, Bukoba. Hii ni moja kati ya mechi zinazotarajiwa kwa hamu kubwa kwenye Ligi Kuu ya NBC, kutokana na ushindani mkubwa uliopo kati ya timu hizi. Yanga SC, ambao ni mabingwa watetezi wa Ligi Kuu, wataingia uwanjani wakiwa na ari kubwa ya kuendeleza rekodi yao nzuri dhidi ya Kagera Sugar. Huku Kagera wakiwa na nia ya kurekebisha makosa baada ya kupoteza mechi yao ya kwanza ya msimu huu dhidi ya Singida Black Stars.
Viingilio vya Mechi ya Kagera Sugar Vs Yanga Leo
Kwa mashabiki wanaopanga kuhudhuria mechi hii, viingilio ni vya bei nafuu na vinapatikana katika madaraja mawili:
- VIP: TSh 15,000
- Kawaida: TSh 5,000
Tiketizo zinapatikana katika maeneo mbalimbali ya mji wa Bukoba ikiwa ni pamoja na:
- Makao Makuu ya TTCL
- Soko Kuu Seneti
- Kaitaba Stadium
- Mawakala wa NBC
Matarajio ya Mchezo
Yanga SC, chini ya kocha Miguel Gamondi, wataingia katika mechi hii wakiwa na kumbukumbu ya mafanikio ya msimu uliopita. Katika mechi ya mwisho ya Ligi Kuu iliyofanyika Kaitaba, timu hizi zilitoka sare ya bila kufungana, lakini Yanga ina rekodi nzuri zaidi inapocheza dhidi ya Kagera Sugar. Katika misimu kumi iliyopita, Yanga imepata ushindi mara nane kati ya mechi kumi za ugenini dhidi ya Kagera, huku Kagera wakiweza kushinda mara moja tu.
Gamondi amesisitiza kuwa timu yake iko tayari kwa ajili ya kupata pointi tatu, licha ya changamoto wanazokutana nazo katika uwanja wa Kaitaba ambao unafahamika kwa ugumu wake. Huku kocha wa Kagera, Paul Nkata, akitegemea uzoefu wa wachezaji kama Obrey Chirwa na Nassor Kapama kuibana Yanga na kurekebisha makosa yao ya mechi iliyopita.
Mapendekezo ya Mhariri:
