Ushindi Dhidi ya Dodoma Jiji Wampa Jeuri Minziro
Baada ya kupata ushindi wa bao 1-0 dhidi ya Dodoma Jiji katika uwanja wa ugenini, kocha mkuu wa Pamba Jiji, Fredy Felix ‘Minziro’, ameonyesha kujiamini zaidi kuelekea mchezo wao unaofuata dhidi ya Azam FC. Minziro anaamini kuwa ushindi huo, pamoja na bonasi waliyopewa wachezaji, utachochea ari na ushindani mkubwa katika kikosi chake.
Mara baada ya ushindi huo muhimu, Mkuu wa Mkoa wa Mwanza, Said Mtanda, alitoa zawadi ya Sh10 milioni kwa wachezaji wa Pamba Jiji kama motisha ya kuendelea kupambana. Kitendo hiki kimeamsha hamasa kubwa ndani ya timu, huku Minziro akieleza kuwa fedha hizo zimeongeza morali ya wachezaji wake kuelekea mchezo mgumu dhidi ya Azam FC Jumapili.
Minziro ameeleza kuwa ushindi wao dhidi ya Dodoma Jiji haukuwa wa bahati nasibu, bali ni matokeo ya juhudi kubwa za wachezaji wake. “Tuna mchezo mwingine mgumu dhidi ya Azam FC, naamini ushindi tulioupata na motisha kutoka kwa Mkuu wa Mkoa itaongeza chachu ya ushindani kwa wachezaji wetu,” alisema Minziro.
Akifafanua zaidi, alisema kuwa mchezo wao dhidi ya Azam FC utakuwa kipimo kingine kigumu kwa kikosi chake. “Tunakwenda kukutana na timu imara yenye wachezaji waliokamilika kila idara, lakini hatuna hofu. Matokeo tuliyoyapata yametupa morali ya kupambana kwa ajili ya pointi tatu muhimu,” aliongeza kocha huyo mwenye uzoefu mkubwa.
Minziro Aonyesha Kujiamini Zaidi
Katika mazungumzo yake, Minziro alibainisha kuwa lengo lao ni kuhakikisha wanapata matokeo mazuri na kuendelea kushinda mechi zao. “Tunajua umuhimu wa mchezo huu, na tutaingia uwanjani kwa lengo moja tu—kuibuka na ushindi. Ushindi huu wa awali umetufanya kuwa na imani kubwa na uwezo wa kikosi chetu,” alisema.
Kwa mujibu wa Minziro, timu yake itaingia kwenye mchezo huo na malengo mawili makubwa: kuendelea kujiimarisha katika msimamo wa ligi na kuendeleza mfululizo wa kupata bonasi kutoka kwa Mkuu wa Mkoa. “Tunaamini ushindi mwingine ugenini utahakikisha tunazidi kupata sapoti na motisha zaidi,” alisisitiza.
Mapendekezo ya Mhariri:
- Ngassa: Mechi dhidi ya Simba itakuwa ngumu, lakini tunajua pakupenya
- KenGold Yaahidi Kujifuta Machozi ya 6-1 Mbele ya Fountain Gate
- Ratiba ya Mechi za Tanzania (Taifa Stars) Afcon 2025
- CAF Yatangaza Ratiba Ya Fainali za Afcon 2025
- Droo ya Kombe la Shirikisho CRDB Federation Cup 2024/2025 Hatua ya 32 & 16 Bora
- Matokeo ya Simba vs Fountain Gate Leo 06 Februari 2025
- CV ya Miloud Hamdi, Kocha Mpya wa Yanga 2025
- Kilichomuondoa Ramovic Yanga Hatimaye Chafichuka
- CAF Yatangaza Tarehe ya Droo Robo Fainali ya Klabu Bingwa na Shirikisho
