Takwimu za Chama Yanga zaanza kutisha Klabu Bingwa
Katika hatua za mwanzo za michuano ya Ligi ya Mabingwa Afrika (CAF Champions league) msimu wa 2024/2024, Clatous Chama, kiungo mshambuliaji wa Yanga SC, ameanza kuonyesha kiwango cha hali ya juu ambacho kimezua hofu kwa vilabu pinzani.
Hadi sasa, Chama ameweka rekodi ya kuhusika kwenye mabao manane kati ya 17 yaliyofungwa na Yanga, huku akiongoza wachezaji wenzake kwa ubora wa kutengeneza nafasi. Hii inamfanya kuwa kiungo muhimu sana kwa klabu katika safari yao ya kuwania ubingwa wa Afrika.
Ufanisi wa Chama Dhidi ya Wapinzani
Katika mechi nne ambazo Yanga imecheza kwenye hatua za awali za Ligi ya Mabingwa, timu hiyo imepachika jumla ya mabao 17. Chama amehusika kwenye mabao manane, akifunga matatu na kutoa pasi tano zilizozaa mabao. Hii inaashiria kuwa kila mchezo wa Yanga umekuwa fursa ya Chama kuonyesha uwezo wake, na kuimarisha nafasi ya klabu kwenye michuano hiyo.
Katika mchezo dhidi ya Vital’O, Yanga ilifanikiwa kupata ushindi mnono wa mabao 4-0 ugenini, huku Chama akiwa na mchango mkubwa akifunga bao moja na kutoa pasi zilizozaa mabao mengine manne. Ushindi huo ulionyesha nguvu ya timu katika safu ya ushambuliaji, huku Chama akiibuka kama kinara katika kutengeneza magoli. Katika mchezo wa marudiano nyumbani, Yanga iliichapa Vital’O mabao 6-0, na tena Chama alifunga bao moja kwa mpira wa kutenga, huku akihusishwa na mabao mengine.
Katika mchezo wa marudiano dhidi ya CBE ya Ethiopia, Yanga ilipata ushindi wa goli 1-0 ugenini, bao pekee likifungwa na Prince Dube baada ya kupokea pasi kutoka kwa Pacome Zouzoua.
Katika mchezo wa pili, Chama aliendeleza kasi yake kwa kufunga bao la kwanza, huku akiunganisha kwa ushirikiano mzuri na wachezaji kama Mudathir Yahya na Aziz Ki. Yanga ilishinda kwa mabao 6-0 katika mchezo huo wa marudiano.
Kocha Mkuu wa Yanga, Miguel Gamondi, amekiri kuwa na furaha kubwa kutokana na mabadiliko ya kasi ya wachezaji wake katika safu ya ushambuliaji. Gamondi ameweka wazi kwamba moja ya mikakati yake ni kuhakikisha timu inatumia nafasi zake kikamilifu na kumiliki mpira kwa kiwango cha juu. Alisema, “Ubora wa timu ni kufunga na kuto kuruhusu mpinzani kufika eneo lako hiki kimefanyika Yanga hadi tunatinga hatua ya makundi hatujaruhusu bao na tumefunga mabao mengi hili likiendelea hivi tutakuwa na wakati mzuri wa kufikia malengo.”
Akiwa na wachezaji wenye kiwango cha juu kama Chama, kocha huyo amewasisitizia wachezaji wake kuwa kila mmoja ana nafasi ya kufunga, bila kujali nafasi anayoicheza. Mfumo huo wa kushirikisha wachezaji wote kwenye jukumu la kufunga unaonekana kuwa na mafanikio, hasa kwa wachezaji kama Chama ambao wamekuwa na mchango mkubwa katika kila mchezo.
Umuhimu wa Chama katika kikosi cha Yanga
Takwimu zinaonyesha kuwa Chama ni zaidi ya kiungo mshambuliaji wa kawaida. Ana uwezo wa kubadilisha matokeo ya mchezo muda wowote kwa pasi na mabao, akionyesha kuwa ni mchezaji wa kimataifa mwenye uwezo wa kuhimili presha kubwa ya mashindano. Katika mechi ambazo Yanga imecheza, mchango wake umekuwa wa hali ya juu, na mara kwa mara amekuwa msaada mkubwa kwa timu.
Kwa uwezo wa kushambulia, kutoa pasi za mwisho na kufunga mabao, Chama amekuwa kipenzi cha mashabiki wa Yanga na tishio kwa wapinzani wao katika Ligi ya Mabingwa Afrika. Huku michuano ikianza kupamba moto, hofu ya wapinzani wa Yanga inaongezeka kutokana na takwimu hizi zinazozidi kupanda.
Mapendekezo ya Mhariri:
