Taifa stars Vs Guinea Leo 19/11/2024 Saa Ngapi?

Taifa stars Vs Guinea Leo 19/11/2024 Saa Ngapi?

Timu ya Taifa ya Mpira wa Miguu ya Tanzania almaharufu kama Taifa Stars leo itashuka dimbani kupambania tiketi ya mwisho ya kufuzu michuano ya Mataifa ya Afrika (AFCON) 2025 dhidi ya wageni wao Guinea kwenye Uwanja wa Benjamin Mkapa majira ya saa 10:00 jioni.

Mchezo huu ndio utaamua nani anaendelea na safari ya kufuzu kwa michuano ya AFCON 2025, kati ya Tanzania na Guinea ambao wote wanapambana kwa ajili ya tiketi ya kundi H, baada ya DR Congo kubeba tiketi ya kwanza. Mchezo huu ni muhimu sana kwa timu zote mbili, na uamuzi wa nani atachukua nafasi ya kufuzu unategemea matokeo ya mechi hii.

Taifa Stars: Safari ya Kifuzu na Matarajio ya Ushindi

Kaimu Kocha Mkuu wa Taifa Stars, Hemed Suleiman ‘Morocco’, ameeleza kuwa timu yake imejiandaa vyema kwa ajili ya mchezo huu muhimu. Kocha Morocco amesema kuwa, licha ya changamoto kubwa inayowakabili, timu imejizatiti kuhakikisha wanapata ushindi wa lazima ili kufuzu michuano hiyo itakayofanyika mwakani nchini Morocco. “Tunajua ubora wa wapinzani wetu na tunakwenda kwenye mchezo huo kwa lengo la kupata ushindi, ingawa hautakuwa mchezo rahisi,” alisema Morocco.

Hemed Suleiman anasema kuwa wachezaji wako katika hali nzuri na wanajiandaa vyema kutimiza lengo la kuingia AFCON 2025. Katika mchezo uliopita dhidi ya Ethiopia, Mbwana Samatta na Simon Msuva walionesha kiwango cha juu, na leo wanatarajiwa kuchukua jukumu kubwa katika kuongoza timu kwa ushindi. Msuva, ambaye ndiye mfungaji bora wa timu ya taifa akiwa na mabao 23, na Samatta, mchezaji muhimu mwenye mabao 22, watahitajika kuonyesha uwezo wao mkubwa ili kuongoza Taifa Stars kwa ushindi.

Mapendekezo ya Mhariri:

1. Matokeo ya Tanzania vs Guinea leo 19/11/2024
2. Kikosi cha Tanzania vs Guinea leo 19/11/2024
3. Fadlu Davids Afurahishwa Kurejeshwa Kwa Mechi Dhidi ya Pamba Kabla ya CAFCC
4. Aussems Ampa Madini Guede
5. Viingilio Mechi Ya Yanga VS Yanga Vs Al Hilal 26/11/2024
6. Vituo Vya Kununua Tiketi Mechi ya Yanga Vs Al Hilal 26/11/2024
7. Moto wa Tabora United Wawashinikiza Singida BS Kutafuta Mechi ya Kirafiki