Siku Ya Kufungua Chuo Kikuu Cha UDSM 2024/2025 | Siku Ya Kuripoti Chuo Kikuu cha Dar es salaam UDSM
Chuo Kikuu cha Dar es Salaam, almaarufu kama UDSM, ni miongoni mwa vyuo vikubwa na maarufu zaidi nchini Tanzania. Chuo hiki kimekuwa na hadhi ya juu kwa kutoa elimu bora na kina miundombinu bora inayowavutia wanafunzi wengi.
Wahitimu wengi wamekuwa na ndoto ya kusoma hapa kutokana na ubora wa kozi zinazotolewa pamoja na nafasi kubwa ya kupata fursa za kitaaluma na kiutafiti. UDSM inatoa kozi mbalimbali kuanzia ngazi ya cheti, stashahada, shahada hadi zile za uzamili na uzamivu, ikiwemo programu za usiku ambazo zimeandaliwa mahsusi kwa wafanyakazi au watu wanaopenda kujiendeleza wakiwa kazini.
Kwa kipindi cha muda mrefu, Chuo Kikuu cha Dar es Salaam kimekuwa kikijitahidi kuhakikisha kinatoa elimu inayolingana na mahitaji ya soko la ajira na maendeleo ya kijamii.
Vilevile, chuo kina mazingira mazuri ya kujifunzia, kikiwa na mabweni, kumbi za mihadhara za kisasa, maktaba kubwa, na fursa za utafiti. UDSM pia imekuwa mstari wa mbele katika kushirikiana na taasisi za kimataifa na hivyo kuwawezesha wanafunzi wake kupata fursa za masomo ya kubadilishana na kufanya tafiti za kimataifa.
Kama wewe ni miongoni mwa wanafunzi waliochaguliwa kujiunga na kozi mbalimbali zinazotolewa katika Chuo Kikuu cha UDSM kwa mwaka wa masomo wa 2024/2025 na ungependa kujua ni lini chuo kinaanza kupokea wanafunzi wa mwaka wa kwanza, basi hapa Habariforum tumekuletea taarifa kamili.
Siku Ya Kufungua Chuo Kikuu Cha UDSM 2024/2025
Kwa wanafunzi wapya waliochaguliwa kujiunga na Chuo Kikuu cha Dar es Salaam (UDSM) kwa mwaka wa masomo wa 2024/2025, ratiba rasmi ya kujiandikisha na kuanza masomo ni kama ifuatavyo:
Tarehe ya Kuanza Wiki ya Usajili wa Wanafunzi Wapya (Fresher’s Registration Week)
Wiki ya Usajili wa Wanafunzi Wapya itaanza rasmi Jumatatu tarehe 28 Oktoba 2024 na itaendelea hadi Ijumaa tarehe 8 Novemba 2024. Katika kipindi hiki, wanafunzi wote wapya wanapaswa kufika chuoni kwa ajili ya kujisajili na kuanza rasmi maisha yao ya chuo.
Wakati wa wiki hii ya usajili, wanafunzi watapata nafasi ya kufahamiana na wenzao pamoja na utawala wa chuo, kuhudhuria semina na mafunzo ya kuwatambulisha na mazingira ya chuo na utaratibu wa masomo. Usajili huu ni muhimu kwani unawawezesha wanafunzi kujua ratiba zao za masomo, kupata makazi na huduma za msingi, na kujitayarisha kwa ajili ya muhula wa kwanza.
Ratiba ya Kufungua Muhula wa Kwanza wa Masomo 2024/2025
Wanafunzi Wanaoendelea (Continous Students): Wanafunzi wa mwaka wa pili na kuendelea wanatakiwa kuripoti chuoni kuanzia Jumamosi ya tarehe 02 Novemba 2024.
Muhula wa Kwanza (Lecture Session) utaanza rasmi Jumatatu ya tarehe 04 Novemba 2024. Huu ni wakati ambapo masomo yataanza kwa wanafunzi wote, wakipata mafunzo ya darasani, warsha, na shughuli nyingine za kitaaluma.
Wanafunzi wanashauriwa kuhakikisha wanakamilisha taratibu zote za usajili kwa wakati ili kuepuka usumbufu wowote wa kuchelewa kwenye ratiba ya masomo. Ni muhimu kufuata maelekezo ya chuo ili kuepuka changamoto zozote zinazoweza kujitokeza katika kipindi cha mwanzo wa masomo.
Mapendekezo ya Mhariri:
- Siku Ya Kufungua Chuo Kikuu Cha Dodoma UDOM 2024/2025
- Tarehe za Ufunguzi wa Vyuo Vikuu Tanzania 2024/2025
- Majina ya Waliopata Mkopo 2024/2025 Awamu Ya Kwanza
- Majina ya Waliopata Mkopo 2024/2025 HESLB
- Jinsi ya Kujiunga na JKT (Jeshi La Kujenga Taifa)
- Vigezo & Sifa za Kujiunga JKT Mujibu Wa Sheria 2024
