Sifa Za Kupata Mkopo wa Bodi Ya Mikopo Tanzania HESLB

Sifa Za Kupata Mkopo wa Bodi Ya Mikopo Tanzania HESLB | Vigezo Vya Kuomba Mkopo Elimu Ya Juu 2024/2025

Bodi ya Mikopo ya Elimu ya Juu (HESLB) ni taasisi muhimu nchini Tanzania ambayo imekuwa ikitoa mikopo na ruzuku kwa wanafunzi wenye uhitaji ili waweze kufikia ndoto zao za elimu ya juu. Bodi Ya Mikopo Tanzania HESLB ilianzishwa chini ya Sheria Na. 9 ya mwaka 2004, HESLB ina jukumu la kuhakikisha kuwa hakuna mwanafunzi mwenye sifa anayekosa fursa ya kusoma kutokana na ukosefu wa fedha.

Hivi karibuni, Mkurugenzi Mtendaji wa HESLB, Dkt. Bill Kiwia, alitangaza kufunguliwa kwa dirisha la maombi ya mikopo kwa mwaka wa masomo 2024/2025. Tangazo hili limeleta matumaini kwa maelfu ya wanafunzi wanaotarajia kujiunga na vyuo vikuu nchini.

Aidha, Dkt. Kiwia alitoa wito kwa waombaji wote kuzingatia miongozo ya utoaji mikopo iliyotolewa na Waziri wa Elimu, Sayansi na Teknolojia, Prof. Adolf Mkenda. Miongozo hii inapatikana kwenye tovuti ya HESLB (www.heslb.go.tz) na inahusu vigezo vya utoaji mikopo kwa wanafunzi wa shahada ya kwanza, stashahada, stashahada ya umahiri katika mafunzo ya sheria kwa vitendo, shahada za umahiri na uzamivu, pamoja na ruzuku za Samia.

Ili kuhakikisha kuwa kila mwanafunzi anayeomba mkopo anaelewa sifa zinazohitajika, makala haya yanatoa mwongozo kamili kuhusu sifa, taratibu, na vidokezo muhimu vya kuzingatia wakati wa kuomba mkopo wa HESLB. Ni muhimu kwa kila mwombaji kuelewa vigezo hivi ili kuongeza nafasi yake ya kupata mkopo.

Sifa Za Kupata Mkopo wa Bodi Ya Mikopo Tanzania HESLB 2024/2025

Ili kuhakikisha kuwa mikopo ya HESLB inawafikia walengwa sahihi, kuna sifa muhimu ambazo kila mwombaji anatakiwa kutimiza. Sifa hizi zimeainishwa katika Sheria na Kanuni za Bodi ya Mikopo na zinahusisha vipengele vya jumla na vile vya msingi kwa wanafunzi wanaondelea na masomo.

Sifa za Jumla Kwa Wanafunzi wanaojiunga na Vyuo

1. Uraia: Mwombaji ni lazima awe raia wa Tanzania.
2. Umri: Mwombaji ashindwe miaka 35 wakati wa kuomba mkopo.
3. Udahili: Ni sharti mwombaji awe amedahiliwa katika taasisi ya elimu ya juu nchini Tanzania inayotambuliwa.
4. Maombi kupitia OLAMS: Maombi yote ya mkopo yanafanywa kupitia Mfumo wa Maombi na Usimamizi wa Mikopo (OLAMS).
5. Ukosefu wa kipato: Mwombaji hapaswi kuwa na chanzo kingine cha mapato, kama vile ajira au mkataba serikalini au sekta binafsi.
6. Kurejesha mkopo uliopita: Kwa wale ambao wameshawahi kupokea mkopo wa HESLB, ni lazima wawe wamerejesha angalau asilimia 25 ya mkopo huo kabla ya kuomba tena.
7. Ufaulu wa masomo: Waombaji wanatakiwa wawe wamehitimu elimu ya kidato cha sita au stashahada ndani ya miaka mitano, kuanzia mwaka 2020 hadi 2024.

Sifa za Msingi kwa Wanafunzi Wanaondelea na Masomo

Kwa wanafunzi ambao tayari wako vyuoni na wanataka kuendelea kupata mkopo, au wale wanaotaka kuomba mkopo kwa mara ya kwanza wakiwa wanaendelea na masomo, wanatakiwa kutimiza yafuatayo:

1. Ufaulu: Ni lazima wawe wamefaulu mitihani yao ili waweze kuendelea na mwaka unaofuata wa masomo.
2. Barua ya kurejea (kama inafaa): Kwa wale waliowahi kuahirisha masomo, wanapaswa kuwa na barua ya kurejea masomoni kutoka chuo husika.
3. Kurudia mwaka: Wanafunzi hawaruhusiwi kurudia mwaka wa masomo zaidi ya mara moja katika kipindi chote cha masomo yao.
4. Kuahirisha masomo: Hairuhusiwi kuahirisha masomo kwa zaidi ya miaka miwili mfululizo.
5. Namba ya Utambulisho ya Taifa (NIN) na namba ya usajili: Lazima wawasilishe namba hizi kabla ya kupokea fedha za mkopo katika mwaka wao wa tatu wa masomo.

Jinsi Ya Kutuma Maombi Ya Mkopo

Maombi yote ya mkopo yatafanyika kupitia Mfumo wa Maombi na Usimamizi wa Mikopo (OLAMS). Waombaji wote wa mikopo WANAKUMBUSHWA kutumia namba ileile ya Mtihani wa Kidato cha Nne iliyotumika wakati wa kuomba udahili.

Baada ya kukamilika kwa mchakato wa maombi kwenye mtandao, waombaji watapaswa kupakua (ku-print) nakala za fomu za maombi na Mkataba wa Mkopo kutoka kwenye mtandao, kugonga mihuri sehemu husika, kusaini fomu, kuambatisha nyaraka zinazohitajika na kuzipakia (upload) kwenye mfumo wa OLAMS kurasa zilizosainiwa

Mwisho Wa Kutuma Maombi ya Mikopo Ya Elimu Ya Juu

Dirisha la maombi ya mkopo kwa mwaka 2024/2025 litafunguliwa tarehe 01, Juni, 2024 hadi tarehe 31 Agosti, 2024. Mwongozo huu unapatikana kupitia www.heslb.go.tz

Mapendekezo Ya Mhariri:

1. Ratiba Ya EURO 2024, Hatua Ya Makundi
2. Mwisho Wa Kutuma Maombi ya Vyuo Vya Diploma NACTVET
3. Fomu za Kujiunga Na Shule Kidato Cha Tano 2024/2025
4. Tarehe Ya Kuripoti Shule Kidato Cha Tano 2024
5. Tarehe ya Kuripoti Kambini JKT Mujibu wa Sheria 2024
6. Sikukuu za Kitaifa Tanzania 2024
7. Jinsi ya Kujiunga na JKT (Jeshi La Kujenga Taifa)