Ratiba ya Treni ya Mwendokasi Ya SGR 2024: Wapenzi wasafiri, habari njema! Treni ya mwendokasi ya SGR (Standard Gauge Railway) inakaribia kuanza safari zake za kwanza rasmi, ikiunganisha miji mikubwa ya Tanzania kwa kasi na ufanisi usiokuwa na kifani.
Shirika la Reli Tanzania (TRC) limetangaza kuanza kwa safari za treni ya kisasa (SGR) kutoka Dar es Salaam hadi Morogoro kuanzia Ijumaa, Juni 14, 2024. Huu ni mwanzo mpya wa usafiri wa reli nchini Tanzania, na unaashiria hatua kubwa katika maendeleo ya miundombinu ya usafirishaji.
Uzinduzi wa safari hizi ni sehemu ya kampeni ya TRC inayoitwa “Twende tupande treni yetu, tuitunze, tuithamini,” ambayo inalenga kuhamasisha watu wengi zaidi kutumia huduma hii mpya ya usafiri wa reli. Awamu ya kwanza ya safari hizi itakuwa kati ya Dar es Salaam na Morogoro, na baadaye itapanuliwa hadi Dodoma na kwingineko.
Ratiba ya Treni ya Mwendokasi Ya SGR 2024 Dar es Salaam – Morogoro
| Kutoka | Muda wa Kuondoka | Kuwasili | Muda wa Kufika |
| DSM | 12:00 asubuhi | MOR | 01:49 asubuhi |
| MOR | 02:50 asubuhi | DSM | 04:39 asubuhi |
| DSM | 10:00 jioni | MOR | 11:49 jioni |
| MOR | 01:30 usiku | DSM | 03:19 usiku |
Dar es Salaam – Morogoro: Kuanzia tarehe 14 Juni 2024, treni itaanza safari zake za awali kati ya Dar es Salaam na Morogoro. Hii ni fursa nzuri kujionea ufanisi wa treni kabla ya uzinduzi rasmi tarehe 25 Juni 2024 na Rais Samia Suluhu Hassan.
Dar es Salaam – Dodoma: Safari za kila siku kati ya Dar es Salaam na Dodoma zitaanza hivi karibuni, zikiwa na treni mbili zinazosafiri pande zote mbili. Hii itakuwa hatua kubwa katika kuboresha usafiri kati ya miji hii muhimu.
Nauli za Kusafiri kwa Treni ya Mwendokasi Ya SGR Dar es Salaam – Morogoro
Nauli Dar es Salaam – Morogoro: Kwa mujibu wa LATRA, nauli ya Dar es Salaam hadi Morogoro ni TZS 13,000 kwa watu wazima na watoto zaidi ya miaka 12, na TZS 6,500 kwa watoto chini ya miaka minne.
Dar es Salaam – Dodoma: Kwa safari ndefu zaidi, nauli zinatofautiana kulingana na daraja la usafiri:
- Daraja la Uchumi: TZS 70,000
- Daraja la Biashara: TZS 100,000
- Daraja la Kifalme: TZS 120,000
Mapendekezo Ya mhariri
