Nyota Wa Real madrid Hatiani Kuikosa Robo fainali UEFA Dhidi ya Arsenal
Arsenal inaweza kupata afueni katika mchezo wake wa robo fainali ya Ligi ya Mabingwa Ulaya baada ya nyota wanne wa Real Madrid kuwa katika hatari ya kufungiwa kucheza mchezo huo mwezi ujao. Wachezaji hao ni Kylian Mbappe, Vinicius Junior, Antonio Rudiger na Dani Ceballos, ambao wote wako chini ya uchunguzi wa Shirikisho la Soka Barani Ulaya (UEFA) kutokana na matukio ya ushangiliaji yaliyotokea katika mechi yao dhidi ya Atletico Madrid kwenye hatua ya 16 bora ya michuano hiyo.
Kwa mujibu wa ripoti za Sky Sports za Machi 27, 2025, UEFA imeunda kamati maalum kuchunguza matukio hayo, ambapo Rudiger alinaswa kwenye kamera akifanya ishara ya kukata shingo kuelekea kwa mashabiki wa Atletico Madrid, huku Mbappe akionekana kushika sehemu zake za siri. Aidha, Vinicius Junior alionekana akiwaonyesha mashabiki wa Atletico Madrid ishara ya namba 15 na sifuri, ikimaanisha mataji 15 ya Ligi ya Mabingwa ambayo Madrid imechukua dhidi ya sifuri za Atletico Madrid.
Vitendo hivyo vimechukuliwa kama uchochezi dhidi ya mashabiki wa Atletico Madrid, hali inayoweza kusababisha hatua kali dhidi ya wachezaji hao. UEFA kwa sasa inachunguza matukio hayo kupitia picha za video na ushahidi mwingine uliokusanywa kutoka kwenye mchezo huo.
Katika historia ya UEFA, wachezaji na makocha mbalimbali wamewahi kupewa adhabu kutokana na matukio ya ushangiliaji yasiyofaa. Mwaka 2019, Cristiano Ronaldo alipigwa faini ya Euro 20,000 alipokuwa akiichezea Juventus baada ya kufanya kitendo kisichofaa wakati wa kushangilia bao dhidi ya Atletico Madrid. Kocha wa Atletico, Diego Simeone, naye alipigwa faini sawa baada ya kushangilia kwa namna isiyofaa katika mchezo wa kwanza wa hatua hiyo.
Iwapo nyota wa Real Madrid watakutwa na hatia, kuna uwezekano wa wao kupigwa faini ya fedha au kufungiwa michezo kadhaa. Endapo watafungiwa, Arsenal itafaidika kwa kiasi kikubwa, hasa ikizingatiwa kuwa nayo inakabiliwa na changamoto za majeruhi kwa baadhi ya wachezaji wake muhimu.
Real Madrid na Arsenal zitakutana kwa mara ya kwanza kwenye robo fainali ya Ligi ya Mabingwa mnamo Aprili 8, 2025, katika uwanja wa Emirates, kabla ya mchezo wa marudiano utakaochezwa kwenye dimba la Santiago Bernabeu wiki moja baadaye.
Hii ni mara ya kwanza kwa timu hizo kukutana katika hatua ya mtoano tangu Machi 8, 2006, ambapo mchezo wao wa mwisho ulimalizika kwa sare ya 0-0, huku Arsenal ikiibuka mshindi kwa faida ya bao moja la ugenini lililopatikana kwenye uwanja wa Bernabeu.
Kwa sasa, wadau wa soka wanangojea kwa hamu uamuzi wa UEFA kuhusu kesi inayowakabili wachezaji wa Real Madrid, huku Arsenal ikitumai kwamba hatua yoyote ya kinidhamu dhidi ya mastaa hao wa Madrid inaweza kuwa faida kwao kuelekea mchezo huo muhimu wa robo fainali.
Mapendekezo ya Mhariri:
- Timu Zilizofuzu Robo Fainali Kombe la Shirikisho CRDB Federation Cup 2024/2025
- Kikosi Cha Simba kilichosafiri kwenda misri kucheza dhidi ya Al Masry
- Yanga SC Yatinga Robo Fainali Kombe la FA Baada ya Kuichapa Songea United
- Kikosi cha Yanga vs Songea United Leo 29/03/2025
- Yanga vs Songea United Leo 29/03/2025 Saa Ngapi?
- Hispania, Morocco na Ureno Wataka Kuandaa Kombe la Dunia la Wanawake 2035
- Hispania, Morocco na Ureno Wataka Kuandaa Kombe la Dunia la Wanawake 2035
