Ni Lini TAMISEMI Itatangaza Majina ya Waliochaguliwa Kidato cha Tano 2025/2026?
Kuchaguliwa kujiunga na elimu ya kidato cha tano ni moja kati ya ndoto kubwa kwa wahitimu wengi waliomaliza elimu ya sekondari. Huu ni mwanzo mpya kuelekea taaluma na ndoto mbalimbali za maisha.
Uchaguzi huu unasimamiwa na Ofisi ya Rais – Tawala za Mikoa na Serikali za Mitaa (TAMISEMI), ambapo mchakato mzima huzingatia matokeo ya mtihani wa kidato cha nne kama kigezo kikuu katika kuwapangia wanafunzi shule wanazostahili.
Kama wewe ni mzazi, mlezi, au mwanafunzi unayesubiri kwa hamu na shauku kubwa kuona kama umechaguliwa kujiunga na kidato cha tano kwa mwaka wa masomo 2025/2026, basi habari hii ni kwa ajili yako. Hapa tunakuletea mwongozo kamili kuhusu lini majina yatatangazwa, vigezo vinavyozingatiwa na jinsi ya kuangalia majina hayo mtandaoni.
Majina ya Kidato cha Tano 2025/2026 Yatatangazwa Lini?
Kwa mujibu wa utaratibu wa miaka ya nyuma, TAMISEMI hutangaza majina ya wanafunzi waliochaguliwa kujiunga na kidato cha tano miezi michache baada ya matokeo ya kidato cha nne kutangazwa na Baraza la Mitihani la Taifa (NECTA).
Kwa kawaida, majina haya hutolewa kuanzia mwishoni mwa mwezi Mei hadi katikati ya Juni, hivyo kwa mwaka huu wa 2025/2026, inatarajiwa kwamba majina yatatangazwa kati ya Mei 25 hadi Juni 15, 2025.
Kwa kuzingatia taarifa rasmi iliyotolewa na Wizara ya Elimu, Sayansi na Teknolojia, wanafunzi wanaopata nafasi ya kuchaguliwa kuendelea na elimu ya sekondari kidato cha tano ni wale waliokidhi vigezo vifuatavyo:
- Kufaulu Masomo Yasiyopungua Matatu (3) kwa Kiwango cha “Credit” – yaani alama ya A, B au C kwenye masomo yasiyo ya dini.
- Jumla ya Alama Katika Masomo Saba (7) Isizidi 25 – kwa maana ya kuwa na ufaulu wa kiwango cha juu katika masomo yote.
- Alama ya Ufaulu Katika Masomo ya Tahasusi (Combination) – mwanafunzi anatakiwa kuwa na alama za ufaulu kati ya 3 hadi 10 katika masomo ya tahasusi. Aidha, alama ya “F” haipaswi kuwepo kwenye masomo hayo.
- Umri Usiozidi Miaka 25 – mwanafunzi anatakiwa awe hajazidi miaka 25 ili kuweza kupangiwa shule.
- Ushindani na Nafasi Shuleni – uchaguzi unafanyika kwa ushindani kulingana na nafasi zilizopo kwenye shule husika.
- Wanafunzi wa Shule Binafsi au Nje ya Mfumo Rasmi – wanafunzi wenye matokeo yasiyo ya moja kwa moja kutoka Baraza la Mitihani la Taifa watachaguliwa kwa kuzingatia ulinganifu wa matokeo yao kupitia baraza hilo.
Jinsi ya Kuangalia Majina ya Waliochaguliwa Kidato cha Tano 2025
Mara baada ya TAMISEMI kutangaza rasmi majina ya wanafunzi waliochaguliwa, unaweza kuyapata kwa kufuata hatua hizi:
- Tembelea tovuti rasmi ya TAMISEMI: www.tamisemi.go.tz
- Bonyeza sehemu iliyoandikwa “Majina ya Waliochaguliwa Kidato cha Tano 2025”
- Chagua mkoa, halmashauri na shule ya sekondari uliyosoma.
- Angalia jina lako katika orodha itakayojitokeza.
Mapendekezo ya Mhariri:
