NECTA Kutangaza Matokeo ya Mtihani Kidato cha Nne 2024 Leo 23/01/2025
Baraza la Mitihani la Tanzania (NECTA) limepanga kutangaza matokeo ya Kidato cha Nne ya mwaka 2024 kupitia mkutano na waandishi wa habari utakaofanyika leo alhamisi tarehe 23 Januari 2025. Mkutano huo utafanyika katika Ofisi za Baraza la Mitihani la Tanzania jijini Dar es Salaam kuanzia saa 11:00 alfajiri.
Wahitimu wa Kidato cha Nne na wadau mbalimbali wa sekta ya elimu wametakiwa kufuatilia matangazo hayo kupitia chaneli rasmi ya YouTube ya NECTA inayojulikana kwa jina la Nectaonline. Hii ni njia ya kuhakikisha kila mmoja anapata taarifa sahihi, kwa wakati, na kutoka kwenye chanzo cha kuaminika.
Kwa kuzingatia historia ya miaka iliyopita, NECTA daima hutangaza matokeo ya kidato cha nne katika kipindi cha mwezi Januari, jambo linaloashiria kuendelea kwa utaratibu huo wa kutoa matokeo kwa wakati ili kuwezesha maandalizi ya hatua zinazofuata za kitaaluma kwa wahitimu.
Rekodi za Kutangazwa Matokeo ya Kidato cha Nne kwa Miaka ya Nyuma:
- 2023: Matokeo yalitangazwa Alhamisi, Januari 25, 2024.
- 2022: Matokeo yalitangazwa Jumapili, Januari 29, 2023.
- 2021: Matokeo yalitangazwa Jumamosi, Januari 15, 2022.
- 2020: Matokeo yalitangazwa Ijumaa, Januari 15, 2021.
Wahitimu wanahimizwa kuendelea kuwa na subira huku wakijiandaa kutumia matokeo yao kwa ajili ya mipango ya masomo au kazi zao za baadaye.
ANGALIA HAPA; Matokeo ya Form Four 2024 (CSEE Results)
Mapendekezo ya Mhariri:
