Nafasi Mpya za Kazi Benki ya NMB September 2024

Nafasi Mpya za Kazi Benki ya NMB September 2024

Benki ya NMB imetangaza nafasi mpya za kazi mwezi huu Septemba 2024, zinazolenga wataalamu mbalimbali wenye ujuzi, elimu na uzoefu katika nyanja tofauti. Nafasi hizi zinapatikana katika makao makuu ya benki hiyo na matawi yake yaliopo mikoa mbalimbali nchini. NMB ni mojawapo ya benki kubwa nchini Tanzania, inayotoa huduma za kifedha kwa watu binafsi, kampuni, taasisi za serikali, na sekta ya kilimo. Fursa hizi ni muhimu kwa wale wanaotafuta nafasi za kazi katika sekta ya kibenki na teknolojia ya habari (ICT).

Ifuatayo ni orodha ya nafasi mpya za kazi benki ya NMB zilizotangazwa september 2024 na tarehe za mwisho za maombi:

1. Batch Processing Administrator (nafasi 1) – Tarehe ya mwisho: 2 Oktoba 2024
2. Business Analyst CUM Project Manager (nafasi 1) – Tarehe ya mwisho: 19 Septemba 2024
3. Relationship Manager; Affluent (nafasi 1) – Tarehe ya mwisho: 25 Septemba 2024
4. Senior Credit Analyst (nafasi 1) – Tarehe ya mwisho: 2 Oktoba 2024
5. Senior Governance Manager (nafasi 1) – Tarehe ya mwisho: 2 Oktoba 2024

1. Batch Processing Administrator

Nafasi hii ipo katika makao makuu ya Benki ya NMB na inahusisha majukumu kama vile kuhakikisha mfumo wa Core Banking Systems (CBS) unamaliza usiku salama kwa kutekeleza “End of Day (EOD)” bila matatizo yoyote. Mhitaji wa nafasi hii anatakiwa kuwa na ujuzi wa kina wa mifumo ya benki na teknolojia ya habari, pamoja na uwezo wa kutatua matatizo ya kiufundi kwa haraka na kwa usahihi.

Sifa za Mwombaji:

• Shahada ya Sayansi ya Kompyuta au taaluma inayohusiana
• Uzoefu wa angalau miaka miwili katika Core Banking Systems au nafasi inayohusisha utunzaji wa mifumo

2. Business Analyst CUM Project Manager

Hii ni nafasi maalum kwa wataalamu wa ICT na usimamizi wa miradi, inayopatikana katika makao makuu ya benki. Mtu anayefaa kwa nafasi hii atahusika na kuanzisha na kusimamia miradi, pamoja na kuhakikisha kuwa mahitaji ya biashara yanakidhiwa kwa kufuata taratibu zilizowekwa.

Sifa za Mwombaji:

• Shahada ya Teknolojia ya Habari na Mawasiliano (ICT), Uhandisi, au masomo yanayohusiana
• Uzoefu wa miaka mitano au zaidi katika uchambuzi wa biashara na usimamizi wa miradi

3. Relationship Manager; Affluent

Nafasi hii iko katika kituo cha biashara cha Kariakoo jijini Dar es Salaam. Mhitaji wa nafasi hii atakuwa na jukumu la kusimamia wateja wa thamani kubwa, kuhakikisha kuwa benki inahifadhi na kuongeza biashara na wateja hawa.

Sifa za Mwombaji:

• Shahada katika masomo ya biashara
• Uzoefu wa miaka mitano au zaidi katika usimamizi wa mahusiano na wateja wa thamani kubwa

4. Senior Credit Analyst

Nafasi hii iko makao makuu na mhitaji anatakiwa kuwa na uwezo wa kuchambua mapendekezo ya mikopo na kutoa maoni ya kitaalamu kwa mameneja wa benki. Hii inajumuisha pia kutoa ushauri juu ya hatari zinazohusiana na mapendekezo hayo na jinsi ya kuzidhibiti.

Sifa za Mwombaji:

• Shahada ya Biashara, Uchumi, au Fedha
• Uzoefu wa angalau miaka mitano katika uchambuzi wa mikopo, hasa kwa makampuni makubwa na sekta ya kilimo

5. Senior Governance Manager

Nafasi hii pia ipo makao makuu ya NMB na inahusisha usimamizi wa hatari na udhibiti wa bidhaa za benki pamoja na kuhakikisha kuwa benki inazingatia sheria na kanuni za Tanzania zinazohusiana na sekta ya kifedha.

Sifa za Mwombaji:

• Shahada katika Sayansi ya Kompyuta, Fedha, Sheria, au masomo yanayohusiana
• Uzoefu wa angalau miaka mitano katika huduma za kifedha

Hitimisho

Nafasi hizi mpya za kazi zinatoa fursa kwa wataalamu wenye sifa zinazotakiwa kujiunga na mojawapo ya benki zinazoongoza nchini Tanzania. Benki ya NMB inahakikisha utoaji wa huduma bora kwa wateja wake huku ikidumisha usawa wa kijinsia na kuwahimiza wanawake na watu wenye ulemavu kuomba nafasi hizi. Waombaji wanapaswa kuhakikisha kuwa wanafuata maelekezo yote yaliyotolewa, na maombi yao yawasilishwe kabla ya tarehe ya mwisho husika.

Jinsi ya Kutuma Maombi: Waombaji wanaweza kuwasilisha maombi yao moja kwa moja kupitia tovuti rasmi ya ajira ya NMB.

BOFYA HAPA KUTUMA MAOMBI 

Mapendekezo ya Mhariri:

1. Majina ya Walioitwa kwenye Usaili Ajira Portal 2024
2. Kuhakiki Mwajiri Ajira Portal (Employer Confirmation): Mwongozo Kamili kwa Walimu
3. Nafasi za Kazi Wizara ya Ardhi 2024 (Ajira ya Muda Mfupi)
4. Nafasi Mpya za Kazi Ualimu MDAs NA LGAs 17-09-2024
5. Taarifa Muhimu kwa Waombaji Kazi za Ualimu AJira Portal 14 September 2024
6. Jinsi ya Kubadili Kituo Cha Usaili Ajira Portal