Mwisho wa Masahihisho Maombi ya Mikopo HESLB 2024/2025
Bodi ya Mikopo ya Wanafunzi wa Elimu ya Juu (HESLB) inawataarifu waombaji wote wa mikopo kwa mwaka wa masomo 2024/2025 kwamba, baada ya kupitia maombi yao, imebainika kuwa baadhi ya maombi yanahitaji kufanyiwa masahihisho.
Ili kuwezesha waombaji kufanya marekebisho hayo, dirisha la masahihisho litakuwa wazi kwa muda wa siku saba, kuanzia tarehe 15 Septemba hadi 21 Septemba, 2024.
Ni muhimu kufahamu kuwa, kipindi hiki cha masahihisho ni mahsusi kwa waombaji wanaohitaji kufanya marekebisho pekee, na maombi mapya hayatapokelewa, kwani dirisha la maombi limefungwa rasmi mnamo tarehe 14 Septemba, 2024.
Waombaji wanashauriwa kuingia kwenye akaunti zao za HESLB ili kuthibitisha kama wanahitajika kufanya masahihisho yoyote.
Hii ni hatua muhimu katika kuhakikisha maombi ya wanafunzi wote yanakamilika kwa usahihi na kuendelea kwa hatua zinazofuata za mchakato wa upatikanaji wa mikopo kwa waombaji waliokidhi vigezo na mahitaji.
Kwa ufupi, HESLB ilianzishwa chini ya Sheria Namba 9 ya mwaka 2004 (iliyorekebishwa mwaka 2007, 2014, na 2016) kwa lengo la kusaidia wanafunzi wa Kitanzania wenye uhitaji kupata mikopo na ruzuku kwa ajili ya elimu ya juu.
Majukumu yake makuu ni pamoja na kutoa mikopo kwa wanafunzi wenye uhitaji, kukusanya mikopo kutoka kwa wanufaika, na kuimarisha ushirikiano katika sekta ya ufadhili wa wanafunzi ili kuhakikisha uendelevu wa mfuko huo.
Mapendekezo ya Mhariri:
- HESLB na TRA Kushirikiana Katika Utoaji na Urejeshaji Mikopo
- Mwisho Wa Kutuma Maombi Ya Mkopo HESLB 2024/2025
- Jinsi Ya Kuomba Mkopo Wa Elimu Ya Juu HESLB 2024/2025
- Sifa Za Kupata Mkopo wa Bodi Ya Mikopo Tanzania HESLB
- Viwango Vipya vya Posho Serikalini 2024
- Vyeti vya Kidato cha NNe (CSEE) 2023 Vipo Tayari – NECTA
