Mukwala na Aucho Waitwa Kwenye Kikosi cha Uganda Cranes Cha Afcon

Mukwala na Aucho Waitwa Kwenye Kikosi cha Uganda Cranes Cha Afcon

Kiungo wa Yanga SC, Khalid Aucho, na mshambuliaji wa Simba SC, Steven Mukwala, wamejumuishwa kwenye kikosi cha Uganda Cranes kinachojiandaa kwa mechi mbili muhimu za kuwania kufuzu kwa Fainali za Mataifa ya Afrika (AFCON) zitakazofanyika 2025 nchini Morocco. Wachezaji hawa wawili ni miongoni mwa nyota wanaoendelea kung’ara katika klabu zao, na wito huu unathibitisha mchango wao mkubwa katika soka la kimataifa.

Kocha mkuu wa Uganda, Paul Put, ameita kikosi imara kinachojumuisha wachezaji kutoka ligi ya ndani ya Uganda na wale wanaocheza soka nje ya mipaka ya nchi hiyo. Kikosi hicho kina mchanganyiko wa wachezaji wenye uzoefu na vipaji chipukizi, hatua inayoonyesha azma ya Uganda kufuzu kwa mara nyingine kwenye michuano ya AFCON.

Miongoni mwa wachezaji walioitwa ni Khalid Aucho na Steven Mukwala, ambao wamekuwa na ushirikiano mzuri kwenye michezo ya kimataifa. Aucho, ambaye ameonyesha ubora wake kama kiungo wa Yanga SC, na Mukwala, mshambuliaji tegemeo wa Simba SC, walikuwa sehemu ya kikosi cha Uganda kilichoshiriki mechi za kufuzu Kombe la Dunia dhidi ya Botswana na Algeria. Kwa kujumuishwa tena kikosini, wachezaji hawa wanatarajiwa kuimarisha safu ya Uganda kuelekea michuano hii mikubwa.

Ratiba ya Mechi za Uganda Cranes

Uganda Cranes itakabiliana na Afrika Kusini katika mechi ya kwanza ya kundi hilo itakayochezwa Septemba 6, ikiwa ugenini. Hii itafuatiwa na mechi ya pili dhidi ya Congo, itakayopigwa nyumbani kwenye Uwanja wa Namboole, Jumatatu Septemba 9. Baada ya mechi hizo, kambi ya timu itavunjwa na wachezaji watarejea kwenye klabu zao kuendelea na majukumu ya kila siku.

Kikosi Kamili cha Uganda Cranes

Kocha Paul Put ameita wachezaji 28 kwa ajili ya kambi hiyo, ikiwa ni pamoja na makipa watatu, mabeki 11, viungo sita, na washambuliaji wanane. Hapa chini ni orodha kamili ya wachezaji walioteuliwa kuwakilisha Uganda katika mechi hizi za kufuzu AFCON:

• Makipa: Isima Watenga, Alionzi Nafiani, Charles Lukwago.
• Mabeki: Elvis Bwomomo, James Begisa, Isaac Muleme, Joseph Ochaya, Abdul Azizi Kayondo, Bevis Mugabi, Elio Capradossi, Halidi Lwaliww, Ardord Odongo, Timothy Awanya, Kenneth Semakula.
• Viungo: Khalid Aucho, Bobosi Byaruhanga, Joel Sserunjogi, Ronald Sakiganda, Travis Mutyaba, Saidi Mayanja.
• Washambuliaji: Dennis Omedi, Jude Ssemugabi, Joackim Ojera, Rogers Mato, Muhammad Shaban, Steven Mukwala, Calvin Kabuye, Allan Okello.

Matumaini Makubwa kwa Uganda Cranes

Kwa kuwa na wachezaji wenye uzoefu na nguvu kama Khalid Aucho na Steven Mukwala, Uganda Cranes ina matumaini makubwa ya kufuzu kwa AFCON 2024. Ushiriki wa wachezaji hawa unaleta matumaini mapya kwa mashabiki wa Uganda, ambao wana hamu kubwa ya kuona timu yao ikifanya vyema kwenye michuano hii ya kimataifa.

Mapendekezo ya Mhariri:

1. Klabu ya Singida Black Star Yamtambulisha Rasmi Victorien Adebayor
2. Ratiba ya Ligi Kuu Tanzania Bara 2024/2025 (NBC Premier league)
3. Hizi apa Sababu za VAR Kuchelewa Ligi Kuu Tanzania 2024/2025
4. Timu za Afrika Zilizofuzu Kombe la Dunia la Vilabu la FIFA 2025
5. Kombe la Dunia la Vilabu la FIFA 2025
6. Mchezaji Tegemezi Hauzwi – Yanga Yajibu Tetesi za Mzize
7. Simba na Al Hilal kukutana Katika Mechi Kali ya Kirafiki Agosti 31