Matokeo ya Singida Bs vs Yanga Leo 30/10/2024

Matokeo ya Singida Bs vs Yanga Leo 30/10/2024 | Matokeo ya Yanga Leo Vs Singida BS

Timu ya wananchi Yanga SC leo itakua katika kibarua cha kutetea ubingwa wake wa ligi kuu katika dimba la New Amaan Complex Zanzibar ambapo watakaribishwa na Singida BS katika mchuano utakao amua kinara wa msimamo wa ligi kuu ya NBC 2024/2025. Mchezo huu unatarajiwa kuwa wa ushindani mkali, huku kila timu ikijitahidi kupata ushindi ili kukwea juu kwenye msimamo wa ligi.

Kocha Mkuu wa Yanga, Miguel Gamondi, ameweka wazi kuwa mchezo wa leo ni kama fainali, na kwamba ni muhimu kwa timu yake kupata alama tatu ili kufikia kilele cha msimamo. Akizungumza kabla ya mchezo, Gamondi alisema, “Ni mechi nzuri kama ya fainali, iwapo tutashinda tutakwenda kukaa kileleni mwa msimamo wa ligi, jambo ambalo ni mojawapo ya malengo yetu.” Hata hivyo, kocha huyo ameweka wazi kuwa hawezi kuidharau Singida BS, akitambua kuwa ni timu yenye wachezaji wa kiwango cha juu na historia nzuri.

Beki wa Yanga, Dickson Job, alisisitiza kuwa mchezo utakuwa mgumu na huenda ukazidi ule wa Coastal Union, akisema, “Mchezo utakuwa mzuri na mgumu… kwa hiyo mechi itakuwa ngumu sana kuliko iliyopita, ndiyo maana nasema itabidi tupambane kweli kweli.”

Kwa upande wa Singida BS, kocha msaidizi Denis Kitambi amekiri kwamba kikosi chake kiko tayari kwa mtihani huu, akisema, “Tunajua tunakwenda kucheza na Mabingwa wa Tanzania Bara… lakini tumejipanga kukabiliana na hayo yote.”

Timu ya Singida imeshika nafasi ya juu katika msimamo wa ligi, ikiwa na wachezaji wenye uwezo wa kufanya makubwa uwanjani. Singida BS inahitaji ushindi au hata sare ili kuendelea kuongoza, na tayari wanajivunia rekodi ya kutoshindwa katika mchezo wowote katika ligi msimu huu, tofauti na Yanga, ambayo haijaruhusu bao lolote. Ushindi kwa Singida utaifanya kufikisha pointi 25 na kuendelea kukalia kileleni.