Matokeo ya Singida BS vs Simba Leo 28/12/2024

Matokeo ya Singida BS vs Simba Leo 28/12/2024 | Matokeo ya Simba Leo Dhidi ya Singida BS

Singida Black Stars (Singida BS) leo majira ya Saa 10:00 jioni watakuwa nyumbani katika uwanja wa CCM Liti kuwakaribisha vinara wa Ligi Kuu Tanzania Bara, Simba SC, katika mechi inayotarajiwa kuwa na ushindani mkubwa.

Singida BS, wakiwa nafasi ya nne kwenye msimamo wa ligikuu ya NBC Tanzania, wanapambana kuhakikisha wanamaliza mzunguko wa kwanza wakiwa ndani ya nafasi nne za juu. Mechi hii itarushwa moja kwa moja kupitia AzamSports1HD.

Simba SC wanaingia katika mchezo huu wakiwa na rekodi ya kuvutia baada ya kushinda mechi zote nane zilizopita tangu walipofungwa na Yanga SC kwenye Dabi ya Kariakoo tarehe 19 Oktoba 2024.

Katika mechi hizo, Simba wamefunga mabao 17 na kuruhusu mabao mawili pekee. Wekundu wa Msimbazi wanaongoza msimamo wa ligi wakiwa na alama 37, wakiwa na lengo la kuongeza pointi tatu muhimu ili kufikisha pointi 40 kabla ya kumaliza mzunguko wa kwanza.

Kwa upande wa Singida BS, timu hii ilianza msimu kwa kasi kubwa lakini sasa inashikilia nafasi ya nne na alama 33. Wanaingia katika mechi hii wakitoka kuichapa KenGold mabao 2-1 kwenye mchezo uliopita.

Singida BS wana rekodi ya kukutana na Simba mara saba, ambapo wamepoteza mechi sita na kutoka sare moja pekee. Hata hivyo, ubora wa kikosi chao msimu huu unawapa matumaini ya kupambana dhidi ya vinara wa ligi.

Mchezo huu unatarajiwa kuwa wa ushindani mkali, ukibebwa na uwezo wa wachezaji nyota wa timu zote mbili. Kwa upande wa Singida BS, Elvis Rupia anaongoza kwa mabao akiwa na mabao nane msimu huu, akisaidiwa na Marouf Tchakei na Josephat Arthur Bada ambao pia wameonyesha uwezo mkubwa katika safu ya ushambuliaji.

Kwa Simba SC, Jean Charles Ahoua anaongoza safu ya wafungaji akiwa na mabao saba na asisti 11, akifuatiwa na Leonel Ateba mwenye mabao matano. Ushirikiano kati ya Steven Mukwala, Elie Mpanzu, na Kibu Denis unatarajiwa kuleta changamoto kubwa kwa safu ya ulinzi ya Singida BS.

Simba SC wanajivunia rekodi bora ya safu ya ulinzi, wakiwa wameruhusu mabao matano pekee msimu huu. Kipa wao Moussa Camara ana clean sheets 11 katika mechi 14, akisaidiwa na mabeki imara kama Shomari Kapombe na Mohamed Hussein. Kwa upande wa Singida BS, kipa Metacha Mnata ana clean sheets saba, huku safu yao ya ulinzi ikiruhusu mabao 10 katika mechi 15.

Matokeo ya Singida BS vs Simba Leo 28/12/2024

• 🏆 #NBCPremierLeague
• ⚽️ Singida BS🆚Simba Sc
• 📆 28.12.2024
• 🏟 Uwanja wa CCM Liti
• 🕖 10:15 Jioni

Mechi ya leo ni muhimu kwa timu zote mbili. Ushindi kwa Simba SC utawaweka katika nafasi nzuri ya kuendelea kuongoza ligi, huku Singida BS wakipambana kuhakikisha wanabaki katika nafasi za juu za msimamo wa ligi. Kocha wa Simba, Fadlu Davids, anatarajia kuimarisha rekodi yake ya ushindi, wakati Sead Ramovic wa Singida BS anajitahidi kuboresha nafasi ya timu yake.

Je, Singida BS Wataandika Historia?

Ikiwa Singida BS wataweza kushinda dhidi ya Simba leo, itakuwa mara yao ya kwanza kuwapiku Wekundu wa Msimbazi katika historia ya ligi. Mashabiki wa Singida wanatarajia kuona Elvis Rupia akiongoza mashambulizi na kuipa timu yao ushindi wa kihistoria. Kwa upande mwingine, Simba wanatarajia kurejea Dar es Salaam wakiwa na alama tatu zaidi.

Tusubiri kuona matokeo ya mechi hii muhimu ya Ligi Kuu Tanzania Bara, huku tukishuhudia nani ataibuka mshindi kati ya Simba SC na Singida Black Stars leo 28 Desemba 2024.

Mapendekezo ya Mhariri:

1. Singida Bs VS Simba Sc Leo 28/12/224 Saa Ngapi?
2. Penati ya Dakika za Majeruhi Yaipa Simba Pointi Tatu Dhidi ya JKT
3. Shaban Chilunda Awindwa na KMC
4. Yanga Yaibuka na Pointi tatu Dhidi ya Tanzania Prisons
5. Vita ya Kumsajili Okoyo Yazuka Kati ya KMC, Mashujaa na Namungo
6. Kagera Sugar vs Simba Leo 21/12/2024 Saa Ngapi?