Matokeo ya KMC vs Yanga Leo 14 Februari 2025 | Matokeo ya Yanga Leo Dhidi ya KMC FC
KMC FC leo itawakaribisha mabingwa watetezi wa Ligi Kuu ya NBC, Yanga SC, katika dimba la KMC Complex, Mwenge jijini Dar es Salaam, kwenye mchezo wa kukata na shoka wa ligi kuu. Mchezo huu utapigwa saa 10:15 jioni na unatarajiwa kuwa na ushindani mkubwa kutokana na historia ya timu hizi mbili zinapokutana uwanjani.
Katika michezo 13 ambayo KMC na Yanga wamewahi kukutana tangu KMC ilipoanza kushiriki Ligi Kuu Bara mwaka 2018, Yanga imeonyesha ubabe kwa kushinda mechi 10 kati ya hizo, kufunga mabao 21, na kuruhusu nyavu zake kutikiswa mara tano. KMC imefanikiwa kupata ushindi mara moja pekee, huku michezo miwili ikiishia sare. Rekodi hii inaashiria kuwa KMC ina kibarua kigumu ikiwa inataka kuvunja uteja dhidi ya Yanga.
KMC inakwenda kwenye mchezo huu ikiwa na matumaini ya kupata matokeo mazuri hasa baada ya kuonyesha mabadiliko mazuri kwenye safu yake ya ulinzi na ushambuliaji. Katika mchezo wao wa mwisho walifanikiwa kuichapa Singida Black Stars, jambo linaloleta ari kubwa kwa kikosi cha Kocha Kally Ongala.
Kwa upande wa Yanga, mchezo huu ni muhimu baada ya kutoka sare na JKT Tanzania katika mchezo wao uliopita. Ushindi kwa Yanga leo utaiweka katika nafasi nzuri ya kuendelea kuongoza msimamo wa ligi na kuongeza presha kwa wapinzani wao wakuu, Simba SC.
Matokeo ya KMC vs Yanga Leo 14 Februari 2025
| KMC | VS | Yanga Sc |
- 🏆 #NBCPremierLeague
- ⚽️ KMC FC🆚Young Africans SC
- 📆 14.02.2025
- 🏟 KMC Complex
- 🕖 10:15 Jioni
Mbinu na Ushindani wa Timu
KMC imeimarika chini ya Kocha Kally Ongala, ambaye ameiongoza timu hiyo kwenye mechi saba, akishinda mbili, kutoka sare mbili na kupoteza tatu. Timu imeimarika katika eneo la ulinzi, lakini bado ina kazi kubwa ya kuzuia safu ya ushambuliaji ya Yanga, ambayo imeonyesha uwezo mkubwa wa kufunga mabao mengi.
Kwa upande wa Yanga, huu utakuwa mchezo wa pili kwa Kocha Miloud Hamdi katika ligi tangu achukue mikoba ya Sead Ramovic. Katika mchezo wake wa kwanza, alikosa ushindi dhidi ya JKT Tanzania, hivyo leo atataka kuhakikisha kikosi chake kinapata pointi tatu muhimu. Hamdi ameweka wazi kuwa ana lengo la kutwaa mataji na hatarajii tena kupoteza pointi.
Wachezaji wa Kuzingatia
Katika mechi 18 zilizopita za KMC, timu hiyo imeruhusu mabao 23, jambo linaloonyesha changamoto katika safu yao ya ulinzi inayoongozwa na Juma Shemvuni. Wanakutana na Yanga iliyofunga mabao 42 katika mechi 18, ikionyesha kuwa ina safu kali ya ushambuliaji inayoweza kuleta matatizo kwa KMC.
Yanga pia inaonekana kuwa hatari zaidi katika kipindi cha kwanza cha mchezo, hasa ndani ya dakika 15 za mwanzo. Hili ni eneo ambalo KMC italazimika kuwa makini ili kuepuka kupoteza mchezo mapema.
Kauli za Makocha
Kocha wa Yanga, Miloud Hamdi, amesema kuwa timu yake imejiandaa vyema kwa ajili ya mchezo huu na wanatarajia kushinda ili kuendelea kujenga morali ndani ya kikosi.
“Tumejiandaa na mchezo huu kama tulivyojiandaa na mchezo uliopita, tunawaheshimu wapinzani, tumewaangalia wapinzani ni wagumu sana, tunachohitaji ni kwenda kuchukua pointi tatu. Nimejiunga na Yanga kwa lengo la kutwaa mataji, sikufurahishwa na matokeo yaliyopita, nimeiandaa timu vyema kuhakikisha inapata matokeo,” alisema Hamdi.
Kwa upande wa KMC, Kocha Ongala amesema kuwa wanatambua ubora wa Yanga lakini wamejipanga kupambana kwa dakika 90 ili kupata ushindi. “Tunatambua kuwa tunaenda kukutana na timu ambayo ni bora, ina wachezaji wazuri eneo la ushambuliaji lakini pia ukuta wao ni imara kutokana na kuruhusu mabao machache. Tumejiandaa kwenda kupambania pointi tatu,” alisema Ongala
Mapendekezo ya Mhariri:
- Kikosi cha Yanga VS KMC Leo 14 Februari 2025
- KMC Vs Yanga Leo 14 Februari 2025 Saa Ngapi?
- Kikosi cha Simba VS Tanzania Prisons Leo 11/02/2024
- Simba VS Tanzania Prisons Leo 11/02/2024 Saa Ngapi?
- YANGA warejea nyumbani na pointi moja baada ya sare na JKT Tanzania
- Matokeo ya JKT Tanzania Vs Yanga Leo 10/02/2025
- Kikosi cha Yanga vs JKT Tanzania Leo 10/02/2025
- Ratiba ya Mechi za Leo 10 Februari 2025
