Matokeo ya Darasa la Nne 2024 NECTA

Matokeo ya Darasa la Nne 2024 NECTA | Matokeo ya NECTA Darasa La Nne Tanzania 2024/2025 (Std IV Results)

Baraza la Mitihani la Tanzania (NECTA) linatarajiwa kutangaza matokeo ya mtihani wa kujipima wa Darasa la Nne kwa mwaka 2024. Mtihani huu ulifanyika tarehe 23 na 24 Oktoba 2024 katika shule zote za msingi nchini Tanzania.

Lengo la mtihani wa Darasa la Nne ni kutathmini uelewa wa wanafunzi baada ya miaka minne ya masomo ya elimu ya msingi, huku ukilenga kupima maarifa yao katika masomo mbalimbali muhimu kama vile

• Lugha ya Kiingereza: Uwezo wa kusoma, kuandika, na kuzungumza Kiingereza.
• Sayansi na Teknolojia: Uelewa wa dhana za kisayansi na uwezo wa kutatua matatizo.
• Maarifa ya Jamii: Ujuzi kuhusu historia, jiografia, na masuala ya kijamii.
• Hisabati: Uwezo wa kutatua matatizo ya hesabu na kutumia dhana za hesabu katika maisha ya kila siku.
• Kiswahili: Uwezo wa kusoma, kuandika, na kuzungumza Kiswahili.
• Uraia na Maadili: Uelewa wa haki na wajibu za uraia, pamoja na maadili.

Mtihani huu wa kujipima, ambaoo pia unajulikana kama Standard Four National Assessment (SFNA), hutumika kama kipimo cha maendeleo ya kielimu, ambapo matokeo yake hutoa mrejesho muhimu kwa walimu, wazazi, na wadau wengine wa elimu. Lengo kuu ni kuboresha mbinu za ufundishaji na ujifunzaji ili kufanikisha maendeleo ya kitaaluma na kijamii ya wanafunzi.

Je, Matokeo ya Darasa la Nne 2024 Yatatangazwa Lini haswa?

Kwa kawaida, Baraza la Mitihani la Tanzania (NECTA) hutoa matokeo ya mtihani wa Darasa la Nne mwishoni mwa mwezi Desemba au mwanzoni mwa mwezi Januari wa mwaka ufuatao. Ratiba hii hutegemea mchakato wa ukaguzi wa kina wa mitihani, uthibitishaji wa matokeo, na maandalizi ya kutangaza taarifa rasmi kwa umma. Hata hivyo, ni muhimu kumbuka kuwa tarehe hizi zinaweza kubadilika kulingana na sababu mbalimbali, kama vile ufanisi wa zoezi la uhakiki wa mitihani.

Wazazi, walimu, na wanafunzi wanashauriwa kuwa makini na kufuatilia taarifa rasmi kupitia tovuti ya NECTA kwa anwani www.necta.go.tz. Hii itasaidia kuepuka taarifa zisizo rasmi au zisizo sahihi zinazoweza kusambaa kwenye mitandao ya kijamii.

Rekodi za Kutangazwa Matokeo ya Darasa la Nne Miaka ya Nyuma

Kwa kutazama historia, matokeo ya Darasa la Nne na Kidato cha Pili yamekuwa yakitangazwa kwa nyakati tofauti kulingana idadi ya wanafunzi waliofanya mtihani na mchakato wa usahihishaji. Kwa mfano:

• Mwaka 2023, NECTA ilitangaza matokeo ya Upimaji wa Kitaifa wa Kidato cha Pili na Darasa la Nne (SFNA) tarehe 7 Desemba 2023.
• Mwaka 2022, matokeo ya mitihani hii yalitangazwa tarehe 4 Januari 2023.

Jinsi ya Kuangalia Matokeo ya Darasa la Nne 2024 NECTA Baada ya Kutangazwa

Baada ya matokeo ya mtihani wa Darasa la Nne 2024 kutangazwa rasmi na Baraza la Mitihani la Tanzania (NECTA), wanafunzi, wazazi, na walimu wanaweza kutazama kwa urahisi kwa kufuata hatua zifuatazo:

Hatua za Kuangalia Matokeo ya Darasa la Nne 2024 Kupitia Tovuti Rasmi ya NECTA

NECTA huchapisha matokeo kwenye tovuti yao rasmi. Hapa ndipo walimu, walezi na wanafunzi huyapata kwa haraka:

1. Fungua kivinjari cha mtandao kwenye simu yako au kompyuta.
2. Tembelea tovuti rasmi ya NECTA kwa kutumia anwani: www.necta.go.tz.
3. Baada ya ukurasa wa mwanzo kufunguka, bonyeza sehemu ya “RESULTS” inayopatikana kwenye menyu kuu.
4. Chagua “Matokeo ya Upimaji wa Kitaifa wa Darasa la Nne (SFNA) 2024”.
5. Ukurasa mpya utafunguka ukionyesha orodha ya mikoa yote ya Tanzania. Kutafuta Shule au Kituo chako
6. Bonyeza jina la mkoa wako ili kufungua orodha ya wilaya zote ndani ya mkoa huo.
7. Chagua wilaya ambayo shule yako inapatikana kwa kubonyeza jina la wilaya hiyo.
8. Orodha ya shule na vituo vya mitihani vya wilaya hiyo itajitokeza.
9. Tafuta jina la shule au namba ya kituo unachotaka, kisha bonyeza ili kuona matokeo ya wanafunzi wa shule hiyo.

Pia, Habariforum tumekurahisishia zaidi zoezi la kuangalia matokeo ya Darasa la Nne 2024 kwa kutoa viungo vya moja kwa moja (Direct Links). Viungo hivi vitakupeleka moja kwa moja kwenye kurasa za matokeo, hivyo kuepuka usumbufu wowote. Mara tu baada ya NECTA kutangaza matokeo, bonyeza jina la mkoa kwenye jedwali hapa chini ili kuona matokeo ya shule zote zilizopo katika mkoa husika.

Kuelewa Matokeo ya Darasa la Nne 2024

Baraza la mitihani Tanzania NECTA huyapanga matokeo ya mtihani wa darasa la nne kwa namna inayorahisisha ufahamu wa ufaulu wa wanafunzi katika masomo mbalimbali. Hapa Tumekuletea maelezo ya jinsi matokeo ya shule yatakavyoonekana baada ya kutangazwa

Muundo wa Matokeo ya darasa la nne

Matokeo ya Darasa la Nne yanajumuisha vipengele vifuatavyo:

Idadi ya Wanafunzi Walioshiriki Mtihani

Matokeo huonyesha jumla ya wanafunzi waliosajiliwa kufanya mtihani, idadi ya walioshiriki, na taarifa za wale ambao hawakuhudhuria.

Wastani wa Shule

Wastani wa alama ya shule yote hutolewa, ukionyesha kiwango cha jumla cha ufaulu wa wanafunzi wa shule husika. Hii pia inajumuisha daraja la wastani la shule, ambalo linaweza kuwa A, B, C, au D, kulingana na viwango vya ufaulu.

Madaraja ya Ufaulu: Matokeo yanatenganisha wanafunzi kulingana na madaraja yao ya ufaulu kwa ujumla:

• A: Sifa ya Juu
• B: Nzuri Sana
• C: Nzuri
• D: Inaridhisha
• Referred: Wanafunzi waliokosa vigezo vya ufaulu

Matokeo ya Mwanafunzi Binafsi

Matokeo ya kila mwanafunzi huoneshwa kulingana na alama alizopata katika kila somo alilopimwa. Hapa huoneshwa:

• Majina ya mwanafunzi na namba ya mtahiniwa.
• Alama za kila somo.
• Daraja lililopatikana kwa kila somo (kwa mfano, A, B, C, au D).
• Wastani wa alama za jumla na daraja la jumla kwa mwanafunzi.

Ufaulu wa Masomo kwa Shule

Matokeo huonyesha muhtasari wa ufaulu wa masomo kwa shule nzima. Hii inajumuisha:

• Idadi ya wanafunzi waliopata daraja tofauti (kwa mfano, waliopata A-D).
• Wastani wa alama kwa kila somo, unaokadiriwa kwa kutumia alama za wanafunzi wote walioshiriki.
• Daraja la wastani kwa kila somo (kwa mfano, Nzuri Sana, Nzuri, Inaridhisha).

Umuhimu wa Matokeo ya Darasa la Nne

Matokeo ya SFNA hutumika kutathmini si tu maendeleo ya wanafunzi, bali pia ubora wa elimu inayotolewa katika shule mbalimbali. Matokeo haya yanasaidia:

• Wanafunzi: Kujua viwango vyao vya uelewa na maeneo yanayohitaji maboresho.
• Walimu: Kuboresha mbinu za ufundishaji kulingana na changamoto zilizobainishwa.
• Wazazi: Kuelewa maendeleo ya kitaaluma ya watoto wao.
• Wadau wa Elimu: Kuweka mikakati ya kuinua ubora wa elimu nchini.

Mapendekezo ya Mhariri:

1. NECTA Matokeo ya Kidato Cha Pili 2024 (Form Two Results)
2. Matokeo ya Darasa la Nne 2024 Mkoa wa Tanga
3. Matokeo ya Darasa la Nne 2024 Mkoa wa Dodoma
4. Matokeo ya Darasa la Nne 2024 Mkoa wa Kigoma
5. Matokeo ya Mtihani wa Darasa la Nne 2024 Iringa
6. Matokeo ya Mtihani wa Darasa la Nne 2024 Tabora
7. Matokeo ya Mtihani wa Darasa la Nne 2024 Mkoa wa Rukwa
8. Matokeo ya Mtihani wa Darasa la Nne 2024 Mbeya
9. Matokeo ya Mtihani wa Darasa la Nne 2024 Mkoa wa Geita
10. Matokeo ya Mtihani wa Darasa la Nne 2024 Arusha