Matokeo ya Azam VS Singida Black Stars Leo 28/11/2024 | Matokeo ya Azam leo Dhidi ya Singida BS Ligi Kuu ya NBC
Wana rambaramba Azam FC leo watashuka dimbani kuwakalibisha Singida BS katika mchezo wa ligi kuu ya NBC 2024/2025 ambao umepangwa kutimua vumbi katika dimba la Azam Complex, Chamanzi, Dar es Salaam.
Mchezo huu unatarajiwa kuwa wenye ushindani mkubwa na mvuto wa kipekee kutokana na ubora wa vikosi vya timu zote mbili, huku kila moja ikihitaji kushinda ili kuboresha nafasi yake kwenye msimamo wa ligi.
Kwa upande wa Singida Black Stars, mchezo huu unakuwa ni wa kwanza kwa Kaimu Kocha Mkuu, Ramadhan Nswanzurimo, ambaye aliteuliwa kuongoza timu hiyo baada ya kocha mkuu Patrick Aussems na msaidizi wake Denis Kitambi kusimamishwa kutokana na matokeo mabaya ya timu. Singida walicheza michezo mitatu mfululizo bila ushindi, na kusababisha kuungana na Tabora United kwa sare ya 2-2, jambo lililowafanya viongozi wa timu hiyo kufanya mabadiliko ya haraka.
Hadi sasa, Singida Black Stars ipo katika nafasi ya nne kwenye msimamo wa Ligi Kuu Bara, ikiwa na pointi 24, ikilinganishwa na Azam FC, ambayo pia inashika nafasi ya pili na pointi sawa, lakini kutokana na tofauti ya mabao. Kwa hivyo, ushindani huu utakuwa na athari kubwa kwa timu zote mbili, kwani zitahitaji kushinda ili kubaki kwenye mabadiliko ya kushindania nafasi ya juu.
Azam FC, chini ya Kocha Rachid Taoussi, imetoka kwenye mfululizo mzuri wa ushindi, ambapo hadi sasa wamefanikiwa kushinda michezo mitano mfululizo ya Ligi Kuu Bara. Kikosi hiki kipo katika hali nzuri na kina matumaini makubwa ya kupata ushindi kwenye mchezo huu, ingawa kocha wao ameonyesha changamoto kubwa inayoikumba timu hiyo ni tatizo la kumalizia nafasi za mabao.
Azam FC inajiandaa na mechi hii ikiwa na rekodi nzuri ya kushinda michezo saba, kutoka sare mitatu, na kupoteza mmoja tu. Hata hivyo, suala la kumalizia nafasi limekuwa changamoto kwa washambuliaji wao, na kwa sasa Nassor Saadun ndiye mfungaji bora kwa timu akiwa na mabao matatu.
Matokeo ya Azam VS Singida Black Stars Leo 28/11/2024
| Azam FC | 2-1 | Singida BS |
- Azam FC 🆚 Singida Black Stars Sc
- 🗓️ Alhamisi 28/11/2024
- 🕑 1:00 Usiku
- 🏟️ Azam Complex Chamazi
- 🏆 NBC Premier League
Wachezaji Wanaotaajiwa kuamua Mchezo
Katika mchezo huu, wachezaji kama Nassor Saadun, Feisal Salum ‘Fei Toto’, na Lusajo Mwaikenda wa Azam FC watahitajika kuwa na mchango mkubwa ili kuibuka na ushindi. Kwa upande wa Singida Black Stars, Elvis Rupia, ambaye ana mabao manne, ni mchezaji muhimu kwao, na atahitaji kuongoza mashambulizi ya timu hiyo.
Timu zote mbili pia zitakuwa na changamoto kwenye nafasi ya makipa, ambapo Metacha Mnata wa Singida ana ‘Clean Sheets’ sita, huku Mohamed Mustafa wa Azam akiwa na tano. Hii itatoa nafasi kwa makipa wote kuonyesha uwezo wao na kuhakikisha timu zao zinapata pointi tatu muhimu.
Maandalizi na Matarajio
Ramadhan Nswanzurimo, akizungumzia maandalizi ya timu yake, alisema kuwa licha ya changamoto zinazokabili timu, wachezaji wapo tayari kiakili na kimwili kukabiliana na Azam FC. “Hakuna mchezo mwepesi msimu huu, lakini wachezaji wapo kwenye morali nzuri na tayari kupigania ushindi,” alisema.
Kwa upande wa Kocha Taoussi, alisema kwamba timu yake imekuwa na muda mzuri wa maandalizi tangu mchezo wao wa mwisho dhidi ya Kagera Sugar, ambapo walishinda 1-0. “Tunajua changamoto ni kubwa, lakini tumekuwa na kipindi kizuri cha maandalizi na tutahakikisha tunafanya vizuri katika mchezo huu,” alisema Taoussi.
Mapendekezo ya Mhariri:
- Kikosi cha Azam VS Singida Black Stars Leo 28/11/2024
- Azam VS Singida Black Stars Leo 28/11/2024 Saa Ngapi?
- Ratiba ya Mechi Za Leo 28/11/2025
- Simba Yafungua Michuano ya Makundi ya CAF kwa Ushindi wa 1-0
- Matokeo ya Simba vs FC Bravos do Maquis leo 27/11/2024
- Kikosi cha Simba vs FC Bravos do Maquis leo 27/11/2024
- Msuva Asubiri Mkataba Mpya Mnono Al-Talaba SC
