Matokeo JKT Tanzania Vs Azam Leo 28/08/2024

Contents hide

1 Matokeo JKT Tanzania Vs Azam Leo 28/08/2024

Matokeo JKT Tanzania Vs Azam Leo 28/08/2024 | Matokeo ya Azam Leo Dhidi ya JKT Tanzania Ligi Kuu

Wana rambaramba Azam FC leo watakuwa katika kibarua cha Ligi Kuu ya NBC Tanzania ambapo watakalibishwa na JKT Tanzania katika mchezo wa kukatana shoka utakaotimua vumbi kwenye uwanja wa Meja Jenerali Isamuhyo majira ya saa 10 jioni. Mechi hii inatarajiwa kuwa ya kusisimua, kwani ni mchezo wa kwanza wa msimu mpya wa ligi kwa timu zote mbili.

Baada ya kutupwa nje ya michuano ya kimataifa na APR ya Rwanda, Azam FC wapo kwenye harakati za kurejesha hadhi yao. Msimu uliopita, Azam ilifanikiwa kuvuna pointi sita dhidi ya JKT Tanzania katika mechi mbili zilizopita za ligi. Mchezo wa kwanza ulifanyika Desemba 11, 2023, ambapo Azam walishinda 2-1, na kisha wakarudia ushindi wa 2-0 mnamo Mei 21, 2024.

Hata hivyo, msimu huu mambo yanatarajiwa kuwa tofauti. Timu zote zimeimarisha vikosi vyao katika dirisha kubwa la usajili, na wachezaji wapya wanatarajiwa kuleta changamoto mpya. Azam FC, ambayo ilishika nafasi ya pili nyuma ya Yanga msimu uliopita, inatarajiwa kutumia uzoefu wao na nyota wapya kufanikisha ushindi katika mechi hii muhimu.

Kwa upande wa JKT Tanzania, timu hii inatarajia kuonyesha uwezo wao dhidi ya moja ya timu bora nchini. Wakiwa na nyota wao wa zamani wa Azam, John Bocco, wana matumaini ya kuanza msimu kwa ushindi. Bocco atakuwa na jukumu kubwa la kuongoza safu ya ushambuliaji ya maafande hao.

Kocha wa Azam FC, Youssouph Dabo, anaamini kuwa kikosi chake kitaendelea kutoka pale walipoishia msimu uliopita licha ya changamoto zilizowakumba katika Ligi ya Mabingwa Afrika. Dabo anaeleza kuwa sasa wanajikita kwenye ligi na mashindano mengine ya ndani huku wakilenga kuanza msimu kwa ushindi.

Kwa upande wa kocha wa JKT Tanzania, Hamady Ally, anafahamu ukubwa wa changamoto inayowakabili, lakini ana matumaini makubwa kuwa timu yake itaweza kufanikisha ushindi. Maandalizi yote yamekamilika, na lengo kuu ni kuhakikisha wanapata mwanzo mzuri wa ligi.