Makundi ya CHAN 2025 Yatangazwa

Makundi ya CHAN 2025 Yatangazwa

Shirikisho la Soka Afrika (CAF) leo limechezesha droo ya kupanga makundi ya michuano ya CHAN 2024, hatua muhimu inayokuja baada ya miezi kadhaa ya maandalizi kwa ajili ya mashindano haya makubwa. Tanzania, moja ya waandaaji wa mashindano haya, imepangwa Kundi B pamoja na timu za Madagascar, Mauritania, Jamhuri ya Afrika ya Kati, na Burkina Faso.

Michuano ya CHAN 2024 inatarajiwa kufanyika kwa ushirikiano wa mataifa matatu ya Afrika Mashariki – Tanzania, Uganda, na Kenya. Awali, mashindano haya yalipangwa kufanyika Februari mwaka huu, lakini CAF ilitangaza kusogeza ratiba hadi Agosti 2025 ili kutoa muda wa kutosha kwa maandalizi ya miundombinu na timu shiriki.

CHAN ni michuano ya kipekee inayoshirikisha wachezaji wanaocheza ligi za ndani pekee. Hii inatoa nafasi kwa vipaji vya ndani kung’ara kwenye jukwaa la kimataifa na kuongeza hamasa kwa ligi za ndani za mataifa mbalimbali barani Afrika.

Makundi ya CHAN 2025

Katika droo iliyofanyika, timu 20 zimegawanywa katika makundi manne kama ifuatavyo:

Kundi A

1. Kenya (Mwenyeji)
2. Morocco
3. Angola
4. DR Congo
5. Zambia

Kundi B

1. Tanzania (Mwenyeji)
2. Madagascar
3. Mauritania
4. Burkina Faso
5. Jamhuri ya Afrika ya Kati

Kundi C

1. Uganda (Mwenyeji)
2. Niger
3. Guinea
4. Q2 (Timu itakayofuzu baadaye)
5. Q1 (Timu itakayofuzu baadaye)

Kundi D

1. Senegal
2. Congo
3. Sudan
4. Nigeria

Tanzania Katika Kundi B – Changamoto na Nafasi

Tanzania, maarufu kama Taifa Stars, imejikuta katika Kundi B, kundi ambalo lina timu tano zinazotarajiwa kupambana vikali. Hata hivyo, ni muhimu kutambua kuwa hakuna timu yeyote katika kundi hili ambayo imewahi kufika hatua ya fainali ya michuano hii. Hii inatoa nafasi sawa kwa kila mshiriki kuonyesha ubora wao:

Madagascar: Timu hii ina historia bora zaidi miongoni mwa washindani wa Kundi B. Katika CHAN 2022, Madagascar ilifanikiwa kumaliza katika nafasi ya tatu, ikiweka rekodi bora inayowapa motisha ya kufanya vizuri zaidi mwaka huu.

Mauritania: Mafanikio yao makubwa ni kufika robo fainali ya CHAN 2022. Timu hii inajivunia uzoefu mkubwa wa mashindano ya kimataifa.

Burkina Faso: Ingawa wamewahi kushiriki mara kadhaa, mafanikio yao yameishia kwenye hatua ya makundi tu. Hii ni fursa kwao kuvuka mipaka yao ya awali.

Jamhuri ya Afrika ya Kati: Wanaingia michuano ya CHAN kwa mara ya kwanza, wakiwa timu changa zaidi katika kundi hili. Pamoja na changamoto zinazowakabili, hii ni nafasi yao ya kuonyesha uwezo wao kwa mara ya kwanza katika jukwaa kubwa.

Kwa Tanzania, hii itakuwa mara ya tatu kushiriki michuano ya CHAN baada ya kushiriki mwaka 2009 na 2020, ambapo zote iliishia hatua ya makundi. Taifa Stars inahitaji kufanya vizuri zaidi ili kufikia hatua za juu mwaka huu.

Mapendekezo ya Mhariri:

1. Vituo Vya Kununua Tiketi Mechi ya Yanga vs MC Alger 18/01/2024
2. Viingilio Mechi ya Yanga vs MC Alger 18/01/2024
3. Takwimu za Simba na Yanga Hadi Sasa Ligi Kuu ya NBC 2024/2025
4. Simba Yakwama Kumsajili Okello, Vipers Wachomoa Betri
5. Msimamo wa Kundi la Yanga Klabu Bingwa Afrika CAF 2024/2025
6. Timu Zilizofuzu Robo Fainali Kombe La Shirikisho Afrika 2024/2025
7. Msimamo Kundi la Simba Kombe la Shirikisho CAF 2024/2025