Kikosi cha Yanga Vs Singida Bs Leo 30/10/2024 | Kikosi cha Yanga Leo Dhidi ya Singida BS
Timu ya wananchi Yanga SC leo itakua katika kibarua cha kutetea ubingwa wake wa Ligi Kuu katika dimba la New Amaan Complex, Zanzibar, ambapo watakaribishwa na Singida BS katika mchuano utakaoamua kinara wa msimamo wa ligi kuu ya NBC 2024/2025.
Mchezo huu umepangwa kuanza saa 2:30 usiku, na kwa pande zote mbili, matokeo ya mchezo huu yana umuhimu mkubwa katika kufanikisha malengo yao ya msimu huu.
Kocha Mkuu wa Yanga, Miguel Gamondi, amesema mchezo huu dhidi ya Singida BS ni kama fainali, akieleza kuwa ushindi utawezesha Yanga kuongoza msimamo wa ligi. “Ni mechi nzuri kama ya fainali. Iwapo tutashinda, tutakwenda kukaa kileleni mwa msimamo wa ligi, kitu ambacho ni moja kati ya malengo yetu,” alisema Gamondi. Hata hivyo, aliongeza kuwa anaiheshimu Singida BS kutokana na kiwango chao bora msimu huu na uwezo wa wachezaji wake wenye uzoefu mkubwa.
Gamondi ameeleza kuwa Yanga itacheza kwa mbinu zake za kawaida kutokana na hali ya uwanja kuruhusu mfumo wao wa uchezaji wa kasi na mipango thabiti ya kiufundi. Pia, ameweka wazi kuwa licha ya Yanga kuwa na msukumo wa kushinda, hawatakuwa na nafasi ya kuidharau Singida BS, ambayo kwa sasa inaongoza ligi kwa alama, ikiwa na wachezaji wenye ubora sawa na Yanga.
Kwa upande wake, beki mahiri wa Yanga, Dickson Job, aliongeza kuwa mchezo huu unatarajiwa kuwa mgumu zaidi kuliko mechi yao ya awali dhidi ya Coastal Union, akisema, “Singida ni timu ngumu kwa sababu ina wachezaji bora kama sisi na wanapigania nafasi yao kileleni, hivyo tunatakiwa kupambana kweli kweli.”
Kikosi cha Yanga Vs Singida Bs Leo 30/10/2024
Kocha wa Yanga Sc Miguel Gamond anatarajiwa kukitangaza kikosi chacke kitakacho anza dhidi ya Singida Bs lisaa limoja kabla ya mchezo kuanza. Hapa tutakuletea orodha kamili ya wachezaji watakaounda kikosi hicho.
Mchezo wa leo ni muhimu kwa timu zote mbili. Ushindi kwa Yanga utaipandisha kileleni mwa msimamo wa ligi kwa alama 24, huku Singida BS ikibaki na pointi zake 22. Endapo Singida BS itashinda, watajihakikishia nafasi ya juu zaidi kwa kufikisha alama 25 na Yanga kubaki na alama 21. Hata hivyo, sare itakuwa nafuu kwa Singida BS ambayo itaendelea kuongoza ligi kwa alama 23, huku Yanga ikipanda hadi alama 22 na kubakia na mchezo mmoja mkononi.
Mapendekezo ya Mhariri:
- Singida BS VS Young Africans SC Leo 30/10/2024 Saa Ngapi?
- Vita Ya Kukaa Kileleni ya Yanga Vs Singida Kuamuliwa Leo
- Ratiba ya Mechi za Yanga Ligi Kuu NBC 2024/2025
- Arsenal Yashindwa Kundamba Nyumbani Mbele ya Liverpool
- Tanzania Yafungua Pazia la CHAN Kwa Kihapo Cha 1-0 Dhidi ya Sudan
- Kikosi cha Taifa Stars Kufuzu CHAN 2024
