Kikosi Cha Simba Sc VS Pamba Jiji Leo 22/11/2024

Kikosi Cha Simba Sc VS Pamba Jiji Leo 22/11/2024 | Kikosi cha Simba Leo vs Pamba Jiji Fc

Mashabiki wa Soka leo watashuhudia moja kati ya mapambano yenye ushindani wa aina yake wakati Pamba Jiji Fc ikiwakaribisha wekundu wa Msimbazi Simba SC katika muendelezo wa michezo ya Ligi Kuu ya NBC Tanzania.

Mchezo huu unatarajiwa kuwa wenye ushindani mkubwa kutokana na kiwango ambacho timu zote mbili zimekionesha katika michezo yao iliyopita. Uwanja wa CCM Kirumba jijini Mwanza utakuwa wenyeji wa tukio hili kubwa ambalo limezua hamasa kwa mashabiki wa timu zote.

Pamba Jiji inakabiliwa na hali ngumu katika msimu huu wa Ligi Kuu ya NBC. Tangu kurejea kwao katika ligi baada ya miaka 23, timu hiyo haijapata matokeo mazuri. Wakiwa katika nafasi ya 15 kati ya timu 16, Pamba Jiji wamefanikiwa kushinda mechi moja pekee kati ya 11, wakiambulia sare tano na kupoteza tano.

Kocha mkuu Fredy Felix ‘Minziro’, aliyeteuliwa mwezi Oktoba 2024, ameonyesha juhudi za kuimarisha timu. Ushindi wao wa 3-1 dhidi ya Fountain Gate Novemba 5 uliibua matumaini kwa mashabiki na wachezaji. “Uwiano wa kufunga na kuruhusu mabao ulikuwa changamoto, lakini kuna mabadiliko mazuri,” alisema Minziro.

Hata hivyo, Pamba Jiji wanajua kuwa ushindani dhidi ya Simba SC utahitaji nidhamu ya hali ya juu. Minziro amesema, “Tunahitaji balansi nzuri ya ulinzi na ushambuliaji ili kufanikisha ushindi dhidi ya Simba.”

Simba SC wanashikilia nafasi ya juu katika msimamo wa ligi kuu msimu huu wa 2024/2025 baada ya kuonesha kiwango bora cha michezo yao ya ligi kuu iliyopita. Timu hiyo imekuwa na safu kali ya ushambuliaji inayoongozwa na washambuliaji wenye uzoefu, huku mfumo wa uchezaji wa kocha mkuu wake ukiimarika zaidi msimu huu.

Mchezo huu unatarajiwa kuwa fursa nyingine kwa Simba kuimarisha nafasi yao katika msimamo wa ligi na kuongeza alama muhimu. Kikosi cha Simba kinaingia uwanjani wakiwa na morali ya ushindi na lengo la kudhihirisha ubabe wao mbele ya mashabiki wa soka jijini Mwanza.