Kikosi cha Kilimanjaro Stars VS Zanzibar Heroes leo 03/01/2024 | Kikosi cha Kilimanjaro Stars Dhidi ya Zanzibar Leo
Pazia la michuano ya Kombe la Mapinduzi 2025 linatarajiwa kufunguliwa rasmi leo usiku kwa pambano la kipekee kati ya timu za taifa za Tanzania Bara, Kilimanjaro Stars, na Zanzibar Heroes, kutoka visiwa vya Zanzibar. Mchezo huu unaotegemewa kwa hamu na mashabiki wa soka nchini, utakuwa ni sehemu ya michuano inayofanyika kwenye Uwanja wa Gombani, kisiwani Pemba.
Kombe la Mapinduzi 2025, ambalo kwa mara ya kwanza linahusisha timu za taifa, lilikutana na changamoto za kujitoa kwa baadhi ya timu. Uganda The Cranes, ambao walikuwa wanategemewa kama moja ya wenyeji wa michuano ya CHAN 2025 na Afcon 2027, walijiondoa kwa ghafla katika dakika za mwishoni, jambo lililosababisha mabadiliko kwenye ratiba ya michuano hii.
Aidha, Burundi pia ilijiondoa, na hivyo kusababisha kupanguliwa tena kwa ratiba. Hata hivyo, michuano hiyo bado itaendelea na timu za taifa za Tanzania Bara na Zanzibar zinatarajiwa kupambana kwa ushindani mkali.
Pambano la leo ni muhimu sana kwa timu zote mbili, kwani kila moja inahitaji ushindi ili kujiweka katika nafasi nzuri ya kufuzu kwa fainali za Kombe la Mapinduzi 2025. Licha ya uhusiano wa karibu kati ya timu hizi za taifa, mechi kati ya Kilimanjaro Stars na Zanzibar Heroes huwa ni vita halisi. Huu ni mtindo wa mechi ambao hauwezi kutabiriwa kirahisi, kwa sababu wachezaji wengi katika vikosi vya timu hizi wanacheza katika Ligi Kuu Bara na wamezoea kushindana kwa ukaribu.
Kikosi cha Kilimanjaro Stars VS Zanzibar Heroes leo 03/01/2024
Kikosi rasmi cha Kilimanjaro Stars kitakacho anza leo dhidi ya Zanzibar Heroes kinatarajiwa kutangazwa majira ya saa moja usiku. Hapa tutakuletea orodha kamili ya wachezaji wote watakaounda kikosi hicho mara tu kitakapotangazwa na kocha mkuu wa Kilimanjaro Stars Ahmad Aally.
Vikosi vya Timu za Taifa: Wachezaji Wakuu na Mbinu Zao
Kilimanjaro Stars, chini ya kocha Ahmad Ally, watategemea nyota wake kadhaa kama Crispin Ngushi, Edgar Williams, Ayoub Lyanga, Metacha Mnata, Lameck Lawi, Nassor Saadun, Zidane Sereri, Lusajo Mwaikenda, na Offen Chikola.
Hawa ni wachezaji ambao wanajivunia uzoefu mkubwa katika Ligi Kuu ya Tanzania Bara, na watakuwa na jukumu la kuiongoza timu yao kutafuta ushindi dhidi ya Zanzibar Heroes.
Kwa upande wa Zanzibar Heroes, timu inayoonolewa na kocha Hemed Suleiman ‘Morocco’, wachezaji muhimu kama Maabad Maulid, Feisal Salum ‘Fei Toto’, Laurian Makame, Ame Ibrahim, Adeyum Saleh, na Issa Mukrim watajitahidi kuliongoza kundi lao kupata matokeo mazuri. Zanzibar Heroes pia ina wachezaji wenye uwezo mkubwa, na bila shaka, mashabiki wa visiwa vya Zanzibar watajivunia kuishangilia timu yao.
Mapendekezo ya Mhariri:
