JKT Queens Waichapa Yanga Fainali ya Ngao ya Jamii Wanawake 2024
Dar es Salaam, Tanzania – Uwanja wa Amaan umeshuhudia vita kali ya soka la wanawake wakati JKT Queens walipokutana na Yanga Princess katika fainali ya michuano ya Ngao ya Jamii Wanawake 2024. Mechi hii ya fainali iliokuwa na ushindani mkali na mwisho ulimalizika kwa JKT Queens kuibuka na ushindi wa bao 1-0, na hivyo kutwaa uningwa wa Ngao ya Jamii wanawake 2024.
Mashabiki waliojitokeza uwanjani walishuhudia mchezo wa vuta nikuvute huku timu zote zikionyesha soka la hali ya juu.
Hata hivyo, ilikuwa ni dakika ya 88 ambapo shangwe ziliibuka baada ya Donisia Minja kupachika bao la kipekee lililowapa JKT Queens ubingwa. Bao hilo liliibua shangwe za aina yake kutoka kwa mashabiki wa JKT Queens huku Yanga Princess wakibaki midomo wazi.
Simba Queens Wamaliza wa Tatu
Katika mchezo wa kutafuta mshindi wa tatu, Simba Queens waliionyesha CEASIAA tofauti ya uwezo wao kwa kuichapa magoli 4-0. Ushindi huu uliwahakikishia Simba Queens nafasi ya tatu katika mashindano haya.
Mashindano ya Ngao ya Jamii Wanawake yamekuwa yakizidi kupata umaarufu mwaka hadi mwaka, huku timu zikionyesha kiwango cha juu cha soka. Ushindi wa JKT Queens unaonyesha wazi kuwa timu za wanawake nchini zinaendelea kuimarika na kutoa ushindani wa kweli.
Mapendekezo ya Mhariri:
