Fomu ya Maombi ya NIDA 1A pdf Download (Fomu ya NIDA)

Fomu ya Maombi ya NIDA 1A pdf Download (Fomu ya NIDA)

Mamlaka ya Vitambulisho vya Taifa (NIDA) ina jukumu muhimu nchini Tanzania, kwani inasimamia usajili na utoaji wa Vitambulisho vya Taifa (NIN) kwa raia wote wenye umri wa miaka 18 na zaidi. Fomu ya NIDA 1A ni fomu ya maombi ambayo mtu yeyote anayetaka kupata kitambulisho anatakiwa kujaza. Fomu hii ni hatua ya kwanza na muhimu katika mchakato mzima wa kupata kitambulisho cha Taifa.

Kupitia kitambulisho cha taifa (Kitambulisho cha NIDA), raia wanaweza kupata huduma mbalimbali za serikali na zakijamii kwa urahisi zaidi, kama vile kusajili laini za simu, kufungua akaunti za benki, kupata hati za kusafiria, na hata kununua ardhi.

Aidha, kitambulisho cha taifa cha NIDA ni nyenzo muhimu katika kuimarisha usalama wa raia na taifa kwa ujumla, kwani inasaidia katika kutambua uhalali wa mtu na kuzuia vitendo vya uhalifu mtandaoni na mtaani.

Katika makala haya, tutaelezea kwa undani jinsi ya kupakua fomu ya NIDA 1A, jinsi ya kuijaza ipasavyo, na hatua zingine zote muhimu katika mchakato wa maombi. Tutahakikisha kuwa taarifa zote muhimu zinapatikana kwa urahisi ili kurahisisha mchakato huu kwa kila Mtanzania anayehitaji kitambulisho cha Taifa.

Kujaza Fomu ya Maombi ya NIDA 1A (Fomu ya NIDA)

Fomu ya NIDA 1A inahitajika kujazwa na makundi mbalimbali ya watu nchini Tanzania.

Kwanza kabisa, raia yeyote wa Tanzania mwenye umri wa miaka 18 na zaidi, ambaye hajapata kitambulisho cha NIDA, anatakiwa kujaza fomu hii ili kuanza mchakato wa kupata kitambulisho cha Taifa.

Pili, wale ambao tayari walikuwa na NIN lakini kadi yao imepotea, imeharibika, au taarifa zao zimebadilika, wanatakiwa pia kujaza fomu hii ili kupata kadi mpya au kusahihisha taarifa zao.

Aidha, wazazi au walezi wa watoto wenye umri chini ya miaka 18 ambao wanahitaji NIN kwa ajili ya shughuli mbalimbali, kama vile usajili wa shule au kupata hati ya kusafiria, wanapaswa pia kujaza fomu ya NIDA 1A kwa niaba ya watoto hao.

Kwa ujumla, fomu ya NIDA 1A ni muhimu kwa kila raia wa Tanzania anayetaka kupata au kusahihisha kitambulisho cha Taifa. Ni hatua ya kwanza na muhimu katika mchakato huu, na kuijaza kwa usahihi ni muhimu ili kuepuka changamoto zozote zinazoweza kutokea baadaye.

Taarifa zinazohitajika Wakati Wa Kujaza Fomu Ya NIDA

Ili kujaza fomu ya NIDA 1A kwa usahihi, Taarifa zifuatazo zinahitajika;

1. Taarifa Binafsi

• Jina la kwanza, la kati, na la ukoo
• Majina mengine (kama yapo)
• Tarehe ya kuzaliwa
• Namba ya cheti cha kuzaliwa
• Mahali pa kuzaliwa
• Jinsia
• Hali ya ndoa
• Taarifa za elimu (shule ya msingi, wilaya, mwaka wa kuhitimu)
• Kazi na jina la mwajiri (kama umeajiriwa)
• Namba ya simu

2. Taarifa za Wazazi

• Majina ya kwanza, ya kati, na ya ukoo ya baba na mama
• Tarehe za kuzaliwa za baba na mama
• Nchi walikozaliwa baba na mama

3. Taarifa za Uraia

• Uraia (kuzaliwa, kurithi, au kujiiandikisha)
• Namba ya cheti cha kujiiandikisha (kama ipo)

4. Mahali Unapoishi (Mombaji)

• Namba ya nyumba, jina la mtaa/kijiji/shehia, kitongoji/barabara
• Mkoa, wilaya, kata/wadi, nchi
• Sanduku la posta (kama lipo)

5. Anuani ya Makazi ya Kudumu ya Mwombaji

Mkoa, wilaya, kata/wadi, kijiji/mtaa/shehia, kitongoji/barabara
Nchi, sanduku la posta (kama lipo)

6. Kumbukumbu Binafsi

• Namba ya kitambulisho cha Taifa cha baba na mama
• Namba ya pasipoti
• Namba ya leseni ya udereva
• Namba ya kitambulisho cha Mzanzibari Mkaazi
• Namba ya utambulisho wa mlipa kodi (TIN) TRA/ZRB
• Namba ya uanachama wa bima ya afya
• Aina ya mfuko wa hifadhi ya jamii na namba ya uanachama
• Namba ya cheti cha elimu ya sekondari na sekondari ya juu
• Namba ya kujiandikisha kupiga kura (NEC/ZEC)

Hakikisha una taarifa hizi zote tayari kabla ya kuanza kujaza fomu ili kurahisisha mchakato na kuepuka makosa.

Fomu ya Maombi ya NIDA 1A pdf Download (Fomu ya NIDA)

Download Hapa Fomu ya Maombi ya NIDA 1A pdf

Vitu Vinavyohitajika Wakati wa Kutuma Maombi ya Kitambulisho NIDA

1. Cheti cha kuzaliwa
2. Cheti za elimu ya msingi,
3. Pasi ya kusafiria (Pasipoti)
4. Cheti cha elimu ya sekondari (kidato cha iv na vi)
5. leseni ya udereva
6. Kadi ya bima ya afya
7. Kadi ya mfuko wa hifadhi ya jamii
8. Kadi ya mpiga kura
9. Nambari ya mlipa kodi (Tin. No)
10. Kitambulisho cha mzanzibar mkazi
11. Barua kutoka kwa Mwenyekiti wa serikali ya mtaa

Mapendekezo Ya Mhariri:

1. Jinsi Ya Kupata Namba Ya NIDA Kwa Simu 2024
2. Jinsi ya Kuangalia Namba ya NIDA Online 2024
3. Jinsi Ya Kuangalia Taarifa Zangu Za NIDA 2024
4. Jinsi ya Kujua Kama Namba Ya NIDA Ipo Tayari 2024
5. Jinsi Ya kukata Tiketi Ya Treni Online (eticketing.trc.co.tz) 2024