England vs Hispania: Matokeo ya Fainali ya EURO 2024
Usiku wa kusisimua unakaribia katika Uwanja wa Olympiastadion, Berlin, ambapo miamba wa soka Ulaya, England na Hispania, watapambana vikali kuwania taji la mabingwa wa bara la Ulaya ijulikanayo kama EURO 2024. Mtanange huu wa fainali una historia ndefu na takwimu za kusisimua, na mashabiki wa soka kote duniani wanajiuliza. Fainali hii inaweza kua ni fursa ya Hispania kujinyakulia taji lao la nne la Ulaya, wakati Uingereza inatafuta kumaliza ukame wa miaka 58 bila taji la kimataifa. Je, ni Simba wa Uingereza watakaonguruma, ama La Roja ya Hispania watawika tena?
Safari ya England na Hispania Kuelekea Fainali ya EURO 2024
Timu zote mbili zimeonyesha kiwango cha hali juu hadi kufika fainali hii ambayo inatarajiwa kuchezeka leo hii julai 14 2024 saa nne usiku.
Hispania, wakiwa mabingwa mara tatu wa Ulaya, wamekuwa moto wa kuotea mbali, wakithibitisha ubora wa kikosi chao kilicho jaa nyota chipukizi kwa kuwatoa vigogo kama Ujerumani na Ufaransa. Lamine Yamal, kinda mwenye umri wa miaka 17 tu, amekuwa nyota angavu katika kikosi cha La Roja, akifunga na kutoa pasi za mabao kwa ustadi mkubwa.
England, kwa upande wao, wamepitia njia yenye misukosuko, wakilazimika kupambana hadi dakika za mwisho katika mechi kadhaa. Hata hivyo, ushupavu wao na ari ya kupigania ushindi umewapa tiketi ya fainali hii ya kihistoria. Harry Kane, kinara wa mabao wa Uingereza, atakuwa na jukumu kubwa la kuhakikisha Simba wa Uingereza wanang’oa taji lao la kwanza la Ulaya tangu mwaka 1966.
Matokeo ya Fainali ya EURO 2024 England vs Hispania
| England | 1-2 | Hispania |
- Wafungaji Magoli Hispania; Nico Williams – 47’Mikel Oyarzabal – 86′
- Mfungajio wa Goli la England; Cole Palmer – 73′
Historia ya England vs Hispania Michezo Iliyopita
Katika historia, England na Hispania wamekutana mara 27 katika mechi rasmi, na Uingereza wakiwa na ushindi mara 14, sare tatu, na Hispania mara 10. Hata hivyo, takwimu hizi hazitoi picha kamili. Mechi za hivi karibuni zimekuwa ngumu, na ushindi ukitawaliwa na timu moja au nyingine. Mtanange huu wa fainali, bila shaka, utakuwa na sura yake ya kipekee.
| Idadi ya Michezo Waliokutana | 27 |
| Mechi Alizoshinda Hispania | 10 |
| Sare | 3 |
| Mechi Alizoshinda England | 14 |
Matokeo ya Mechi kati ya Uingereza na Hispania
| Tarehe | Matokeo | Mashindano |
| Oktoba 15, 2018 | Hispania 2-3 Uingereza | Ligi ya Mataifa, Awamu ya Ligi |
| Septemba 08, 2018 | Uingereza 1-2 Hispania | Ligi ya Mataifa, Awamu ya Ligi |
| Novemba 15, 2016 | Uingereza 2-2 Hispania | Mechi ya Kirafiki ya Kimataifa |
| Novemba 13, 2015 | Hispania 2-0 Uingereza | Mechi ya Kirafiki ya Kimataifa |
| Novemba 12, 2011 | Uingereza 1-0 Hispania | Mechi ya Kirafiki ya Kimataifa |
| Februari 11, 2009 | Hispania 2-0 Uingereza | Mechi ya Kirafiki ya Kimataifa |
| Februari 7, 2007 | Uingereza 0-1 Hispania | Mechi ya Kirafiki ya Kimataifa |
| Novemba 17, 2004 | Hispania 1-0 Uingereza | Mechi ya Kirafiki ya Kimataifa |
| Februari 28, 2001 | Uingereza 3-0 Hispania | Mechi ya Kirafiki ya Kimataifa |
| Juni 22, 1996 | Uingereza 0-0 Hispania (penalti 4-2) | Mashindano ya Ulaya, Robo-Fainali |
| Septemba 9, 1992 | Hispania 1-0 Uingereza | Mechi ya Kirafiki ya Kimataifa |
| Februari 18, 1987 | Hispania 2-4 Uingereza | Mechi ya Kirafiki ya Kimataifa |
| Julai 5, 1982 | Hispania 0-0 Uingereza | Kombe la Dunia, Awamu ya Makundi |
| Machi 25, 1981 | Uingereza 1-2 Hispania | Mechi ya Kirafiki ya Kimataifa |
| Juni 18, 1980 | Uingereza 2-1 Hispania | Mashindano ya Ulaya, Awamu ya Makundi |
| Machi 26, 1980 | Hispania 0-2 Uingereza | Mechi ya Kirafiki ya Kimataifa |
| Mei 8, 1968 | Hispania 1-2 Uingereza | Mashindano ya Ulaya, Robo-Fainali ya Mchujo |
| Aprili 3, 1968 | Uingereza 1-0 Hispania | Mashindano ya Ulaya, Robo-Fainali ya Mchujo |
| Mei 24, 1967 | Uingereza 2-0 Hispania | Mechi ya Kirafiki ya Kimataifa |
| Desemba 8, 1965 | Hispania 0-2 Uingereza | Mechi ya Kirafiki ya Kimataifa |
| Oktoba 26, 1960 | Uingereza 4-2 Hispania | Mechi ya Kirafiki ya Kimataifa |
| Novemba 30, 1955 | Uingereza 4-1 Hispania | Mechi ya Kirafiki ya Kimataifa |
| Mei 18, 1955 | Hispania 1-1 Uingereza | Mechi ya Kirafiki ya Kimataifa |
| Julai 02, 1950 | Hispania 1-0 Uingereza | Kombe la Dunia la FIFA |
| Desemba 09, 1931 | Uingereza 7-1 Hispania | Mechi ya Kirafiki ya Kimataifa |
| Mei 15, 1929 | Hispania 4-3 Uingereza | Mechi ya Kirafiki ya Kimataifa |
Uchambuzi: Mbinu na Wachezaji Muhimu
Spain wanatarajiwa kuja na mbinu yao ya tiki-taka, wakipiga pasi nyingi na kutawala mpira kwa muda mrefu. Wachezaji wao mahiri, kama vile Pedri, Gavi, na Dani Olmo, watajaribu kuvuruga safu ya ulinzi ya Uingereza. Kwa upande wao, England watategemea kasi ya wachezaji kama Bukayo Saka na Raheem Sterling kushambulia kwa kushtukiza huku uzoefu na uwezo wa nyota wa england kama Harry Kane unatarajiwa kua msaada mkubwa.Pia Jude Bellingham, atakuwa na jukumu la kuunganisha safu ya ulinzi na ushambuliaji.
Mapendekezo ya Mhariri:
