Bravos do Maquis vs Simba SC Leo 12/01/2025 Saa Ngapi?

Bravos do Maquis vs Simba SC Leo 12/01/2025 Saa Ngapi?

KIKOSI cha Simba SC leo saa 1:00 usiku kinatarajiwa kushuka kwenye Uwanja wa Novemba 11, Luanda, Angola, kwa mechi muhimu dhidi ya Bravos do Maquis. Hii ni mechi ya raundi ya tano ya hatua ya makundi ya Kombe la Shirikisho la CAF, ambapo Simba wanahitaji ushindi au sare ili kufuzu hatua ya robo fainali kutoka Kundi A.

Taarifa kamili Kuhusu mechi ya Bravos do Maquis vs Simba SC Leo

• Michuano: TotalEnergies CAF Confederation Cup (Raundi ya Tano – Hatua ya Makundi)
• Timu: Bravos do Maquis vs Simba SC
• Tarehe: Jumapili, 12 Januari 2025
• Uwanja: Uwanja wa Novemba 11, Luanda, Angola
• Muda: Saa 1:00 usiku (Tanzania)

Simba SC inapambana kuandika historia kwa mara nyingine kama ilivyokuwa mwaka 1993, walipofanikiwa kufika hatua ya fainali ya Kombe la CAF. Katika safari hiyo ya kihistoria, Simba walitoka sare dhidi ya Atletico Spotivo Aviacao nchini Angola katika mchezo wa marudiano, baada ya kushinda 3-1 kwenye mchezo wa kwanza uliochezwa Uwanja wa Taifa, Dar es Salaam (sasa Uwanja wa Uhuru).

Mbali na historia hiyo ya mwaka 1993, Simba pia wana kumbukumbu nzuri ya ushindi dhidi ya timu za Angola. Oktoba 9, 2022, waliichapa Primeiro de Agosto mabao 3-1 kwenye raundi ya kwanza ya Ligi ya Mabingwa Afrika.

Ushindi huo uliimarishwa katika mchezo wa marudiano uliochezwa Uwanja wa Benjamin Mkapa, Dar es Salaam, ambapo Simba walishinda bao 1-0 na kufanikiwa kutinga hatua ya makundi.

Kwa mchezo wa leo, Simba SC wanahitaji kuonyesha uwezo wao mkubwa ili kufanikisha malengo yao ya kufuzu robo fainali. Wachezaji wa Simba wanajivunia rekodi yao nzuri ugenini, hasa dhidi ya timu za Angola, na wana matumaini makubwa ya kupata matokeo mazuri kwenye mchezo huu muhimu.

Mashabiki wa soka Tanzania na Afrika Mashariki kwa ujumla wanaendelea kufuatilia kwa karibu mechi hii, wakitumaini Simba itaendelea kung’ara katika mashindano haya ya kimataifa. Ushindi au sare ya leo itakuwa hatua kubwa kwao kuelekea mafanikio zaidi kwenye Kombe la Shirikisho la CAF.

Mapendekezo ya Mhariri:

1. Ratiba ya Mechi za Leo 12/01/2025
2. Al Hilal VS Yanga Leo 12/01/2025 Saa Ngapi?
3. Timu Zilizofuzu Robo Fainali Klabu Bingwa Afrika 2024/2025
4. Rachid Taoussi Apania Kushusha Nyota Zaidi Dirisha Dogo
5. AS Vita Yamnyakua Dennis Modzaka Kutoka Coastal Union
6. Walioitwa Kwenye Usaili Uhamiaji 2025
7. Rabbin Sanga Ajiunga na Tanzania Prisons Kwa Mkopo
8. Robert Matano Ateuliwa Kuwa Kocha Mkuu wa Fountain Gate FC
9. Msimamo wa Kundi la Yanga Klabu Bingwa Afrika CAF 2024/2025