Antony Afutiwa Kadi Nyekundu, Sasa Ruksa Kuivaa Madrid

Antony Afutiwa Kadi Nyekundu, Sasa Ruksa Kuivaa Madrid

Shirikisho la Soka la Hispania (RFEF) limefuta kadi nyekundu aliyopokea winga wa Real Betis, Antony, katika mechi dhidi ya Getafe. Hatua hii ni pigo kwa Real Madrid kwani sasa Antony atakuwa sehemu ya kikosi cha Betis kitakachoshuka dimbani Jumamosi kwenye Uwanja wa Benito Villamarín.

Sababu ya Kufutwa kwa Kadi Nyekundu

Antony, ambaye alijiunga na Real Betis kwa mkopo kutoka Manchester United mwezi Januari, alionyeshwa kadi nyekundu moja kwa moja baada ya kujaribu kuwania mpira kwa kuingia kwa mguu juu dhidi ya mchezaji wa Getafe. Awali, adhabu hiyo ilimnyima nafasi ya kushiriki mechi ijayo dhidi ya Real Madrid, lakini Real Betis waliwasilisha rufaa kwa Kamati ya Nidhamu ya RFEF.

Baada ya kupitia ushahidi, RFEF ilikubaliana na hoja za Betis na kufuta kadi hiyo, ikibainisha kuwa Antony hakufanya kosa la makusudi. Uamuzi huo unampa fursa Antony kurejea kikosini kwa ajili ya mchezo muhimu dhidi ya mabingwa wa La Liga.

Faida kwa Real Betis

Antony amekuwa na mchango mkubwa tangu kutua Betis kwa mkopo kutoka Manchester United. Katika mechi sita pekee alizocheza, amefunga mabao matatu na kutoa asisti mbili, akiimarisha safu ya ushambuliaji ya Manuel Pellegrini.

Kiungo wa Real Betis, Isco, amemsifia Antony kwa kumuita “kipaji cha kipekee,” huku video zilizoshirikishwa mitandaoni zikimuonyesha Antony akishangilia kwa furaha pamoja na wachezaji wenzake baada ya kusikia habari za kufutwa kwa adhabu hiyo.

Uamuzi wa kufuta kadi nyekundu ya Antony umekosolewa na Real Madrid, ambao wanahisi kuna upendeleo dhidi yao. Mashabiki na viongozi wa klabu hiyo wameonyesha mashaka juu ya mchakato wa nidhamu wa RFEF, wakidai kuwa maamuzi kama haya yanayowapendelea wapinzani yanaathiri ushindani wa haki.

Pia, Madrid wameeleza wasiwasi wao kuhusu ratiba ya mechi zao na matamshi ya Rais wa La Liga, Javier Tebas, wakihisi kuwa kuna kampeni inayoathiri maslahi yao katika ligi.

Mapendekezo ya Mhariri:

1. Matokeo ya Equatorial Guinea vs Twiga Star Leo 26/02/2024
2. Man United Wamnyemelea Xavi Kuchukua Mikoba ya Amorim
3. Kocha Melis Medo Atua Singida Black Stars Kama Kocha Msaidizi
4. Simba yajikuta Pabaya Baada ya Sare ya 2-2 Dhidi ya Azam
5. Washindi wa Tuzo za Wachekeshaji Tanzania 2025
6. Hiki Apa Kikosi cha Simba vs Azam Fc Leo 24/02/2025
7. Matokeo ya Simba vs Azam Fc Leo 24/02/2025
8. Matokeo ya Mashujaa VS Yanga Sc Leo 23/02/2025