Kikosi cha Tanzania Vs Ethiopia 16/11/2024

Kikosi cha Tanzania Vs Ethiopia 16/11/2024 | Kikosi cha Taifa Stars VS Ethiopia 16 Novemba 2024

TIMU ya taifa ya mpira wa miguu Tanzania, Taifa Stars, itakua katika kibarua cha kupeperusha bendera ya Tanzania katika mchezo wa tano wa kusaka tiketi ya kufuzu ushiriki wa fainali za Kombe la Mataifa ya Afrika (AFCON) 2025, dhidi ya Ethiopia, mechi itakayopigwa Jumamosi ya tarehe 16 mwezi huu katika uwanja wa Martyrs uliopo Kinshasa, DR Congo. Mchezo huu utakua ni mtihani muhimu kwa Taifa Stars ambao wanatafuta ushindi wa kukaribisha nafasi yao kwenye michuano ya mwaka 2025 huko Morocco.

Kikosi cha Taifa Stars kinachonolewa na kocha Hemed Suleiman ‘Morocco’ kimeweka bidii kubwa katika maandalizi, wakitilia mkazo nidhamu na umakini wa kimchezo. Taifa Stars, wakiwa katika nafasi ya tatu kwenye msimamo wa Kundi H, wana pointi nne wakati Ethiopia wana pointi moja pekee, hivyo mechi hii inabeba uzito mkubwa kwa Tanzania. Kocha Morocco amesisitiza kwamba ushindi pekee ndio utawasaidia kuweka matumaini hai kwa mchezo wao wa mwisho dhidi ya Guinea utakaopigwa jijini Dar es Salaam Novemba 19.

“Kila mmoja wetu yupo tayari kwa changamoto nyingine,” alisema kocha Morocco, akionyesha ari na matumaini ya kufanikiwa. Aliongeza kuwa wachezaji wamejiandaa kukabiliana na mbinu za Ethiopia na kufikia lengo lao la ushindi kwa kujenga uaminifu mkubwa katika safu ya ushambuliaji ikiongozwa na nyota wa kimataifa kama Mbwana Samatta na Simon Msuva.

Mbwana Samatta na Simon Msuva wana nafasi kubwa katika kuhakikisha Taifa Stars inaondoka na ushindi. Samatta, akiwa na rekodi nzuri ya kufunga kwenye michezo ya kimataifa, ataongoza mashambulizi kwa kushirikiana na Msuva ambaye naye ana uwezo mkubwa wa kukabiliana na wapinzani. Hawa wachezaji wawili wanatarajiwa kuleta ufanisi katika safu ya ushambuliaji na kuhakikisha kuwa nafasi za mapema zinatumika ipasavyo ili kuweka presha kwa Ethiopia.

Kikosi cha Tanzania Vs Ethiopia 16/11/2024

Kikosi rasmi cha Timu ya Taifa ya Tanzania kitakachoshiriki kwenye mchezo dhidi ya Ethiopia kinatarajiwa kutangazwa na Kocha Morrocco saa moja kabla ya mtanange kuanza. Hapa tutakuletea orodha kamili ya wachezaji watakaoanza kuiwakilisha na kuipigania Tanzania mara tu kikosi kitakapotangazwa na kocha.

Fursa kwa Taifa Stars

Kwa Tanzania, mchezo huu unatoa fursa ya pekee ya kuongeza nafasi ya kufuzu kwa AFCON 2025. Ushindi katika mchezo huu utaifanya Tanzania kufikia alama saba, hivyo kujiweka katika nafasi nzuri kabla ya kumenyana na Guinea. Taifa Stars wanaweza kutumia udhaifu wa Ethiopia, haswa katika safu ya ulinzi, na kuanzisha mashambulizi ya haraka ambayo yanaweza kuwafanikisha kufunga mabao ndani ya kipindi cha kwanza. Nidhamu ya hali ya juu katika safu ya ulinzi na kiungo ni muhimu ili kuzuia mashambulizi ya Ethiopia.

Historia ya Taifa Stars Ugenini

Taifa Stars wameonesha uwezo wa kushinda michezo ya ugenini, wakifanikisha ushindi dhidi ya Guinea kwa mabao 2-1 na Zambia kwa bao 1-0. Licha ya changamoto za kucheza nje, wachezaji wa Tanzania wameonyesha ukakamavu na uthabiti, wakiepuka makosa na kudhibiti mbinu za wapinzani. Hata hivyo, vipigo vya hivi karibuni dhidi ya DR Congo na Sudan vinaashiria umuhimu wa kuongeza umakini na kuimarisha safu ya ulinzi katika mchezo huu.

Msimamo wa Kundi H na Maana ya Ushindi

Kundi H linaongozwa na DR Congo ambao tayari wameshafuzu kwa pointi 12, wakifuatiwa na Guinea wenye pointi sita, huku Tanzania ikiwa na pointi nne. Ushindi dhidi ya Ethiopia utawaweka Taifa Stars katika nafasi nzuri ya kupambana kwa nafasi ya pili dhidi ya Guinea kwenye mchezo wa mwisho. Ethiopia, ambao wana pointi moja, wapo katika nafasi ngumu ya kufuzu, hivyo presha kubwa ipo kwa Taifa Stars ambao wanahitaji ushindi ili kuweka hai ndoto za kucheza AFCON kwa mara ya nne.

Kwa mujibu wa kocha Morocco, ushindi ni jambo muhimu sana kwao na hawatakubali kuruhusu uzembe uingie katika mchezo huo. “Tutahitaji nidhamu ya hali ya juu ili kufikia malengo yetu,” alisema kocha huyo, akiongeza kuwa wanajua Ethiopia wanahitaji matokeo, lakini wana mpango mzuri wa kuhakikisha wanapata pointi zote tatu.

Mapendekezo ya Mhariri:

1. Simba Queens yaendeleza ubabe Soka la Wanawake
2. Ratiba ya Mechi za Leo 14/11/2024
3. Ratiba ya Taifa Stars Kufuzu AFCON 2025
4. Tabora United Waahidiwa Tsh Milioni 50 Kuifunga Simba
5. Matokeo ya Yanga Princess vs Simba Queens Sc Leo 13/11/2024
6. Taifa Stars Kuiendea mechi Dhidi ya Ethiopia Kimkakati
7. Simba yaahidi kuanza Mechi za Makundi Kombe la Shirikisho CAF kwa Kishindo