Nafasi 4 za Kazi ya Dereva Halmashauri ya Wilaya ya Ruangwa
Halmashauri ya Wilaya ya Ruangwa inatangaza rasmi nafasi nne (4) za kazi kwa wadhifa wa Dereva Daraja la II. Tangazo hili ni marudio ya tangazo lililotangulia, hivyo wale waliotuma maombi awali wanakaribishwa kutuma maombi yao tena.
Nafasi hizi zimetangazwa kwa lengo la kuimarisha shughuli za usafiri na uendeshaji wa Halmashauri, na kuhakikisha watumishi wanafikia maeneo mbalimbali kwa ajili ya kutekeleza majukumu yao kwa ufanisi.
Waombaji wanatarajiwa kuwa na ujuzi na weledi wa hali ya juu katika uendeshaji wa magari, wakizingatia sheria na kanuni za usalama barabarani. Aidha, waombaji wanapaswa kuwa na sifa stahiki kulingana na vigezo vilivyowekwa na Halmashauri.
Mwisho wa kupokea maombi ni tarehe 27 Oktoba 2024. Waombaji wote wanashauriwa kuzingatia maelekezo yaliyotolewa katika tangazo hili na kuhakikisha wanawasilisha maombi yao kwa wakati.
Majukumu na Wajibu wa Dereva Daraja la II:
- Kuhakikisha gari liko katika hali nzuri kabla na baada ya safari kwa kufanya ukaguzi wa kina wa matairi, breki, taa, mafuta, na viashiria vingine muhimu vya usalama.
- Kuwapeleka watumishi wa Halmashauri ya Wilaya ya Ruangwa katika maeneo mbalimbali kwa ajili ya shughuli za kikazi, ikiwemo mikutano, ziara za kikazi, na shughuli nyinginezo rasmi.
- Kufanya matengenezo madogo madogo ya gari, kama vile kubadilisha tairi, kuongeza mafuta, na kuangalia maji ya radiator.
- Ukusanyaji na Usambazaji wa Nyaraka: Kukusanya na kusambaza nyaraka mbalimbali za Halmashauri kwa wakati na kwa ufanisi, ikiwemo barua, taarifa, na vifurushi.
- Kujaza na kutunza taarifa sahihi za safari zote katika daftari la safari, ikiwemo tarehe, muda, mahali pa kwenda, na idadi ya abiria.
- Kuhakikisha gari liko safi wakati wote kwa ndani na nje.
- Kutekeleza majukumu mengine atakayopewa na Msimamizi wake.
Sifa na Uzoefu Unaohitajika:
- Elimu: Mwombaji awe amehitimu kidato cha nne (Form IV).
- Leseni ya Udereva: Awe na leseni ya udereva daraja E au C.
- Uzoefu: Awe na uzoefu wa kuendesha magari kwa muda usiopungua mwaka mmoja bila kusababisha ajali.
- Mafunzo ya Ufundi: Awe amehudhuria mafunzo ya msingi ya ufundi stadi (VETA) au chuo kingine kinachotambuliwa na Serikali.
Waombaji wote wanatakiwa kuwasilisha maombi yao kupitia mfumo wa ajira za serikali (AJira portal) wakiambatanisha barua yao ya maombi na nakala za vyeti vyao vya elimu na leseni ya udereva kwa anuani ifuatayo.
Mapendekezo ya Mhariri:
- Majina ya Walioitwa kwenye Usaili Ajira Portal 2024
- Majina ya Walioitwa Kwenye Usaili NECTA Oktoba 2024
- Nafasi za Kujiunga na JKT 2024/2025
- Vigezo & Sifa za Kujiunga na Mafunzo ya Kujitolea JKT 2024
- Mfano wa Barua ya Maombi ya Nafasi ya Kujiunga JKT 2024
- Majina ya Waliochaguliwa Kujiunga na Jeshi la Polisi 2024
