Gharama za Kukodisha Uwanja wa Benjamin Mkapa 2024 | Bei za Kukodi Uwanja wa Taifa wa Benjamin Mkapa
Uwanja wa Benjamin Mkapa, maarufu kama Uwanja wa Taifa, ni moja ya viwanja vikubwa na vya kisasa nchini Tanzania, vilivyojengwa kwa lengo la kufanikisha michezo mbalimbali, matamasha, na matukio makubwa ya kijamii. Kwa kuwa uwanja huu ni maarufu kwa kuwa mwenyeji wa mechi za Ligi Kuu ya Tanzania Bara, mechi za kimataifa, na matamasha makubwa, gharama za kukodisha uwanja huu zimekuwa suala la kuvutia kwa makampuni, vilabu, na watu binafsi wanaopanga kufanya matukio makubwa.
Uwanja wa Benjamin Mkapa: Historia na Miundombinu
Uwanja huu ulifunguliwa rasmi mwaka 2007, ukijengwa kwa gharama ya Dola za Kimarekani milioni 56 na kampuni ya Beijing Construction Engineering Group kutoka China. Uwanja una uwezo wa kuchukua mashabiki 60,000, na kuwa miongoni mwa viwanja 20 vikubwa zaidi barani Afrika. Uwanja huu una huduma bora kama kamera 114 za CCTV, maegesho ya magari kwa uwezo wa magari 600, kumbi za VIP, na milango mikubwa mitano inayorahisisha kuingia na kutoka kwa mashabiki.
Miundombinu ya kisasa ya Uwanja wa Benjamin Mkapa imewekwa ili kuendana na viwango vya kimataifa, na imekuwa mwenyeji wa mechi za timu za kitaifa, ligi ya Tanzania, na pia matukio ya kimataifa. Uwanja huu umekuwa pia maarufu kwa matamasha na matukio mbalimbali ya kijamii.
Gharama za Kukodisha Uwanja wa Benjamin Mkapa 2024
Kukodisha uwanja wa Benjamin Mkapa kunahusisha gharama mbalimbali kulingana na aina ya tukio linalokusudiwa. Hapa chini ni muhtasari wa gharama zinazotozwa kwa matukio mbalimbali yanayofanyika uwanjani:
Mechi za Mpira wa Miguu
- Kukodisha uwanja kwa ajili ya mechi ya mpira wa miguu inagharimu Tsh 20,000,000 au 15% ya mapato ya mlangoni
- Mechi za kirafiki zinatozwa ada ya awali ya Tsh 5,000,000, na mapato ya ziada (ikiwa yapo) yatawasilishwa kwa Wizara ya Michezo
Matamasha na Maonesho
- Kwa matamasha na maonesho makubwa yanayofanyika kwenye maeneo ya wazi ya Uwanja wa Benjamin Mkapa, gharama ni Tsh 5,000,000
Bonanza za Michezo (Sports Bonanza)
- Michezo ya bonanza isiyohusisha matumizi ya uwanja wa mpira (Mchezo wa Riadha (Athletics Events)) itagharimu Tsh 3,000,000
Matumizi ya VIP na Maegesho
- Kwa ajili ya shughuli za VIP kama harusi na send-off, gharama za maegesho ni Tsh 1,000,000, huku ukumbi mkubwa (Ground Floor) ukigharimu Tsh 700,000 kwa tukio(gharama Taifa).
Mazoezi ya Timu
- Timu zinazofanya mazoezi katika Uwanja wa Benjamin Mkapa zinatozwa Tsh 300,000 kwa kila kikao cha mazoezi(gharama Taifa).
Maegesho Wakati wa Michezo
- Wakati wa michezo mikubwa, maegesho ya magari katika maeneo ya VIP yanatozwa Tsh 5,000 kwa gari moja, huku matamasha na mikusanyiko mbalimbali yakitozwa Tsh 2,000 kwa gari moja
Upigaji picha za mnato na video
- Upigaji picha za mnato na video (harui, Mikanda ya nyimbo n.k) Ths.200,000/=
Mapendekezo ya Mhariri:
