Ada Chuo Kikuu Cha UDSM 2024/2025

Ada Chuo Kikuu Cha UDSM 2024/2025 | Ada Chuo Kikuu Cha Dar es salaam 2024 (UDSM Fee Structure 2024/2025)

Chuo Kikuu cha Dar es Salaam (UDSM) ni moja ya vyuo vikuu maarufu na vinavyotegemewa zaidi nchini Tanzania na Afrika Mashariki kwa ujumla. Kikiwa na historia ndefu tangu kuanzishwa kwake mwaka 1970, UDSM kimejipatia umaarufu kwa kutoa elimu bora, kufanya tafiti zenye tija, na kushiriki kwa karibu na jamii. Chuo hiki kinatoa programu za shahada ya kwanza (undergraduate) na za uzamili (postgraduate) katika taaluma mbalimbali, hivyo kuvutia wanafunzi kutoka ndani na nje ya Tanzania.

Kwa mwanafunzi anayefikiria kujiunga na UDSM, ni muhimu kuelewa gharama zinazohusika, ambazo ni ada ya masomo na gharama nyinginezo za moja kwa moja chuoni. Makala hii itatoa muhtasari wa kina kuhusu ada ya chuo kwa mwaka wa masomo wa 2024/2025, ikiangazia ada za kozi mbalimbali na chaguzi za malipo.

Ada Chuo Kikuu Cha UDSM 2024/2025 (Tuition Fees)

Ada ya masomo chuo kikuu cha UDSM 2024/2025 (tuition fees) hutofautiana kulingana na programu unayosoma na uraia wa mwanafunzi. Wanafunzi wa Kitanzania hulipa ada ndogo ikilinganishwa na wanafunzi wa kimataifa. Kwa ujumla, programu za shahada ya kwanza katika taaluma kama vile Humanities zinakuwa na ada ndogo ikilinganishwa na programu za Uhandisi (Engineering) na Teknolojia (Technology).

Jedwali lililopo hapa chini linaonesha Ada za Masomo kwa wanafunzi watakaojiunga na kozi mbalimbali zinazotolewa chuo kikuu cha Dar es salaam UDSM kwa Mwaka wa Masomo wa 2024/2025.

Gharama za Moja kwa Moja za Chuo (Direct University Costs)

Mbali na ada za masomo, wanafunzi wote wanalazimika kulipa gharama za moja kwa moja za chuo ambazo ni pamoja na ada ya usajili, ada ya mtihani, na ada ya huduma za afya. Gharama hizi ni muhimu na zinahitajika kabla ya mwanafunzi kuruhusiwa kutumia huduma mbalimbali chuoni.

Gharama za Moja kwa Moja:

• Ada ya usajili: TZS 5,000 kwa Watanzania na USD 100 kwa wanafunzi wa kimataifa.
• Ada ya mtihani: TZS 12,000 kwa Watanzania na USD 120 kwa wanafunzi wa kimataifa.
• Ada ya matibabu: TZS 50,400 kwa Watanzania na USD 125 kwa wanafunzi wa kimataifa.

Jumla ya gharama hizi kwa mwanafunzi wa Kitanzania ni TZS 97,400 na kwa mwanafunzi wa kimataifa ni USD 375.

Gharama za Moja kwa Moja kwa Mwanafunzi (Direct Student Costs)

Pamoja na gharama zinazolipwa moja kwa moja chuoni, wanafunzi wanatakiwa kujigharamia baadhi ya mahitaji yao binafsi kama vile vifaa vya kusomea na gharama za chakula na malazi. Kiwango kilichopendekezwa kwa mahitaji haya kwa mwaka ni:

Posho ya vitabu na vifaa vya kuandikia: TZS 200,000.
Posho ya chakula na malazi: TZS 2,099,000.

Njia za Malipo ya Ada na Gharama Chuo Cha UDSM 2024/2025

Malipo yote ya ada chuo kikuu cha udsm 2024/2025 yanafanywa kupitia namba maalum za udhibiti (control numbers) zinazotolewa kupitia mfumo wa ARIS (Academic Registration Information System) wa chuo. Malipo yanaweza kufanyika kupitia benki au kwa huduma za kifedha za simu kama vile M-Pesa, Tigo Pesa, na Airtel Money.

Fursa za Ufadhili: Ingawa Chuo Kikuu cha Dar es Salaam hakitoi ufadhili wa moja kwa moja, wanafunzi wanaweza kuomba ufadhili kutoka kwa taasisi za serikali na mashirika binafsi. Wanafunzi wanahimizwa kutafuta nafasi za ufadhili kutoka vyanzo mbalimbali ili kusaidia kugharamia masomo yao.

Mapendekezo ya Mhariri:

1. Ada za Kozi ya Udereva Chuo cha NIT 2024/2025
2. Majina ya Waliochaguliwa Chuo Zaidi ya Kimoja 2024/2025
3. Majina ya waliochaguliwa Chuo Kikuu Cha UDOM 2024/2025
4. Vyeti vya Kidato cha NNe (CSEE) 2023 Vipo Tayari – NECTA
5. Majina ya Waliochaguliwa Chuo Zaidi ya Kimoja 2024/2025