Fomu za Kujiunga na Vyuo Vikuu 2024/2025 (Universities Joining Instructions Form pdf) | Fomu ya KUjiunga na Chuo 2024/2025 UDSM, UDOM, IFM, TIA, SUA ,Ardhi, DUCE n.k
Baada ya vyuo mbalimbali kutangaza majina ya wanafunzi waliochaguliwa kujiunga na programu mbalimbali kwa ajili ya masomo ya shahada ya kwanza kwa mwaka wa masomo 2024/2025, sasa ni wakati wa wanafunzi hao kuanza mchakato wa kukamilisha taratibu za kujiunga na vyuo ambavyo wamechaguliwa.
Mchakato wa kwanza kwa wanafunzi hao waliochaguliwa ni kuthibitisha udahili katika chuo kimoja ambacho wanataka kujiunga, na kisha kusoma kwa umakini fomu ya kujiunga na chuo hicho ili kujua vitu vyote ambavyo vitahitajika wakati wa usajili chuoni.
Tume ya Vyuo Vikuu Tanzania (TCU) imetangaza kukamilika kwa Awamu ya Kwanza ya udahili wa mwaka wa masomo 2024/2025. Jumla ya waombaji 98,890 kati ya 124,286 walioomba wamefanikiwa kupata nafasi katika vyuo mbalimbali nchini. Idadi hii inatarajiwa kuongezeka katika Awamu ya Pili ya udahili.
Wanafunzi waliodahiliwa katika vyuo zaidi ya kimoja wanatakiwa kuthibitisha udahili wao katika chuo kimoja tu kuanzia tarehe 3 hadi 21 Septemba, 2024. Uthibitisho huu unafanyika kwa kutumia namba maalum ya siri iliyotumwa kwa ujumbe mfupi wa simu au barua pepe. Ni muhimu kuthibitisha udahili kupitia akaunti ile ile iliyotumika wakati wa kuomba udahili.
Fomu za Kujiunga na Vyuo Vikuu 2024/2025
Baada ya kuthibitisha udahili, hatua inayofuata ni kujaza fomu ya kujiunga na chuo. Fomu hizi zinapatikana kwenye tovuti za vyuo husika au zinaweza kupatikana chuoni. Fomu hizi zina maelezo muhimu kuhusu taratibu za kujiunga na chuo, ikiwa ni pamoja na:
1. Kuwasili Chuoni: Wanafunzi wanapaswa kuzingatia tarehe ya kuripoti chuoni kama ilivyoainishwa katika fomu za kujiunga. Kuwasili kwa wakati ni muhimu ili kuepuka usumbufu na kuhakikisha unapata nafasi ya kuhudhuria mafunzo ya awali yanayotolewa na chuo.
2. Malipo ya Ada na Michango Mingine: Fomu za kujiunga zina maelezo ya kina kuhusu ada na michango mingine ambayo mwanafunzi anatakiwa kulipa kabla ya au wakati wa usajili. Wanafunzi wanapaswa kuhakikisha wanalipa ada zote kwa wakati ili kuepuka changamoto zozote zinazoweza kujitokeza wakati wa usajili.
3. Mahitaji ya Usajili: Katika fomu za kujiunga, kuna orodha ya nyaraka muhimu ambazo mwanafunzi anatakiwa kuwasilisha wakati wa usajili. Hizi ni pamoja na cheti cha kidato cha sita, vyeti vya kuzaliwa, na picha za pasipoti. Wanafunzi wanapaswa kuhakikisha nyaraka zote ni sahihi na kamili ili mchakato wa usajili uweze kufanyika kwa urahisi.
4. Kadi ya Utambulisho wa Mwanafunzi: Baada ya usajili, mwanafunzi atapewa kadi ya utambulisho ambayo itatumika kwa shughuli zote za chuo. Ni muhimu kadi hii iwe nayo wakati wote unapoingia au kutoka chuoni kwa ajili ya usalama na huduma nyingine za chuoni.
5. Uchunguzi wa Afya: Chuo kinaweza kuhitaji wanafunzi wapya kufanyiwa uchunguzi wa afya kabla ya kuruhusiwa kuanza masomo. Uchunguzi huu unahusisha vipimo vya kawaida na vile vinavyolenga magonjwa kama Ukimwi na COVID-19 ili kuhakikisha afya na usalama wa wanafunzi wote.
6. Usajili wa Kozi: Baada ya usajili wa awali, wanafunzi watatakiwa kusajili kozi za masomo wanazotaka kusoma katika muhula husika. Usajili wa kozi ni hatua muhimu inayowezesha mwanafunzi kuanza rasmi masomo na kupangiwa ratiba ya vipindi.
7. Mabadiliko ya Programu ya Masomo: Iwapo mwanafunzi atataka kubadilisha programu ya masomo baada ya kujiunga, anatakiwa kufuata taratibu maalum zilizowekwa na chuo. Hili linapaswa kufanyika mapema ili kuepuka usumbufu katika masomo yake.
8. Huduma za Afya na Bima: Vyuo vikuu vinatoa huduma za afya kwa wanafunzi kupitia zahanati na hospitali za chuo. Pia, wanafunzi wanashauriwa kuwa na bima ya afya ili kufanikisha upatikanaji wa huduma za matibabu kwa gharama nafuu.
9. Kanuni za Maadili na Mavazi: Kila chuo kina kanuni zake za maadili na mavazi ambazo wanafunzi wanatakiwa kuzizingatia. Hizi ni pamoja na mavazi ya heshima, matumizi ya lugha stahiki, na kuzingatia sheria na taratibu za chuo.
Tumia Viunganisho vilivyo hapa chini kupakua fomu ya kujiunga na vyuo 2024/2025
Fomu ya Kujiunga chuo cha SLADS (school of library, archives and documentation studies)
- Basic Technician Certificate(NTA LEVEL 4)
- Technician Certificate(NTA LEVEL 5)
- Ordinary Diploma Certificate(NTA LEVEL 6)
Fomu ya Kujiunga Chuo Kikuu cha Ushirika Moshi (MOCU) 2024/2025
Fomu ya Kujiunga Chuo cha MUST (Mbeya University of Science and Technology)
Fomu ya Kujiunga Chuo cha taifa cha utalii NCT 2024/2025
Fomu ya Kujiunga Chuo Cha NIT 2024/2025
Fomu ya Kujiunga Chuo cha Biashara CBE 2024/2025
Mapendekezo ya Mhariiri:
- Majina ya Waliochaguliwa kujiunga na vyuo Vikuu 2024/2025
- Majina ya Waliochaguliwa Chuo Kikuu Cha Zanzibar SUZA 2024/2025
- Majina Waliochaguliwa Kujiunga Chuo Cha Maji 2024/2025
- Jinsi ya Kuthibitisha Udahili wa Chuo 2024/2025
- Dirisha la Pili la Usajili wa Vyuo 2024/2025
- Waliochaguliwa Chuo cha Usafirishaji NIT 2024/2025
- Majina ya Waliochaguliwa Chuo cha Uhasibu IFM 2024/2025
- Majina ya Waliochaguliwa kujiunga Chuo Kikuu Cha UDSM 2024/2025
